വോട്ടെണ്ണൽ ആദ്യ 3 മണിക്കൂർ: കേരളത്തിൽ നേട്ടം കൊയ്ത് ബിജെപി, കരകയറാനാകാതെ എൽഡിഎഫ്, ഉലയാതെ യുഡിഎഫ്

തിരുവനന്തപുരം: വോട്ടെണ്ണലിന്റെ ആദ്യ മൂന്ന് മണിക്കൂർ പിന്നിടുമ്പോൾ ദേശീയ തലത്തിൽ ഇന്ത്യ സഖ്യം മികച്ച പ്രകടനം കാഴ്ചവെക്കുന്നു. എൻഡിഎ സഖ്യം മുൻതൂക്കം നിലനിർത്തുന്നുണ്ടെങ്കിലും അവരെ വിറപ്പിക്കുന്നതിൽ ഇന്ത്യാ സഖ്യത്തിന് സാധിച്ചുവെന്നതാണ് ഈ സമയം പുറത്തുവരുന്ന തിരഞ്ഞെടുപ്പ് ചിത്രം വ്യക്തമാക്കുന്നത്.

കേരളത്തിൽ രാഹുൽ ഗാന്ധിയുടെ ഭൂരിപക്ഷം ഒരു ലക്ഷം പിന്നിട്ട് മുന്നോട്ട് കുതിക്കുകയാണ്. പല മണ്ഡലങ്ങളിലും യുഡിഎഫ് ഭൂരിപക്ഷം 2019ലേതിന് സമാനമായി കുതിച്ചുയർന്നു. ഹൈബി ഈഡൻ മുക്കാൽ ലക്ഷത്തോളം വോട്ടുകൾക്ക് മുന്നിലായി. ഈ രണ്ട് മണ്ഡലങ്ങൾ ഉൾപ്പടെ അഞ്ച് മണ്ഡലങ്ങളിൽ  യുഡിഎഫ് ഭൂരിപക്ഷം അരലക്ഷം പിന്നിട്ടു. എന്നാൽ കഴിഞ്ഞ തവണ വമ്പിച്ച ഭൂരിപക്ഷത്തിൽ ജയിച്ച കോൺഗ്രസ് കുത്തക സീറ്റുകളിൽ ഉൾപ്പടെ കടുത്ത മത്സരം അവർ നേരിടുന്നുണ്ട്. 

ബിജെപിയുടെ ബാലികേറാമലയെന്ന് വിശേഷിപ്പിക്കപ്പെട്ട കേരളത്തിൽ രണ്ട് മണ്ഡലങ്ങളിൽ അവർ ലീഡ് നിലനിർത്തുന്നു. തൃശൂരിൽ സുരേഷ് ഗോപി തുടക്കം മുതൽവ്യക്തമായ ലീഡ് നിലനിർത്തുന്നു. തിരുവനന്തപുരത്ത് രാജീവ് ചന്ദ്രശേഖർ ഇപ്പോൾ ശശിതരൂരിനേക്കാൾ അയ്യായിരത്തിലേറെ വോട്ടുകൾക്ക് മുന്നിലാണ്. 

Read More

• KeralaLok Sabha Election Result 2024 Live: കേരളത്തിൽ യുഡിഎഫ് തരംഗം
• Lok Sabha Election Result 2024 Live: എക്സിറ്റ് പോളുകളെ എഴുതിത്തള്ളുന്ന പ്രകടനവുമായി ഇന്ത്യാ സഖ്യം; ഉത്തർ പ്രദേശിലടക്കം അട്ടിമറി മുന്നേറ്റം
• Lok Sabha Top Constituencies Result 2024 Live: തൃശൂരിൽ മുന്നേറ്റവുമായി സുരേഷ് ഗോപി, കേരളത്തിൽ താമര വിരിയുമോ?
• വോട്ടെണ്ണല്‍ കേന്ദ്രത്തിൽ നടക്കുന്നത് എന്തെല്ലാമാണ്?