Lok Sabha Election Result 2024: കേരള ലോക്സഭാ തിരഞ്ഞെടുപ്പിലെ വിജയികൾ ആരൊക്കെ?

india Lok Sabha Election Result 2024: തിരുവനന്തപുരം: ലോക്സഭാ തിരഞ്ഞെടുപ്പിൽ കേരളത്തിൽ യുഡിഎഫ് തരംഗം. 20 മണ്ഡലങ്ങളിൽ വോട്ടെണ്ണൽ പൂർത്തിയായപ്പോൾ 18 ഇടങ്ങളിൽ യുഡിഎഫ് വിജയിച്ചു. ഒരിടത്തുവീതം എൽഡിഎഫും ബിജെപിയും സീറ്റ് നേടി. കേരളത്തിൽ ആദ്യമായി ബിജെപി അക്കൗണ്ട് തുറന്നു. തൃശൂരിൽ എൻഡിഎ സ്ഥാനാർത്ഥി സുരേഷ് ഗോപി മുക്കാൽ ലക്ഷത്തിലധികം ഭൂരിഭക്ഷത്തിനാണ് വിജയിച്ചത്. 

10 മണ്ഡലങ്ങളിൽ ഒരു ലക്ഷത്തിനു മുകളിലാണ് യുഡിഎഫ് സ്ഥാനാർത്ഥികളുടെ ലീഡ്. തിരുവനന്തപുരത്ത് നാലാം തവണയും കോൺഗ്രസ് സ്ഥാനാർത്ഥി ശശി തരൂർ വിജയിച്ചു. വയനാട്ടിൽ രാഹുൽ ഗാന്ധിയുടെ ലീഡ് മൂന്നര ലക്ഷം കടന്നു. എറണാകുളത്ത് ഹൈബി ഈഡൻ വിജയിച്ചു. 2019 നെക്കാൾ ഇത്തവണത്തെ ഹൈബി ഈഡന്റെ ലീഡ് നില ഉയർന്നു.

മലപ്പുറം, പൊന്നാനി മണ്ഡലങ്ങൾ വൻ ഭൂരിപക്ഷത്തോടെ മുസ്‌ലിം ലീഗ് നിലനിർത്തി. മലപ്പുറത്ത് 2.51 ലക്ഷവും പൊന്നാനിയിൽ 2.04 ലക്ഷവുമാണ് ഭൂരിപക്ഷം. 2019നെ മറികടന്ന ഭൂരിപക്ഷത്തോടെയാണു എം.പി.അബ്ദുസമദ് സമദാനി പൊന്നാനിയിൽ വിജയിച്ചത്. മലപ്പുറത്ത് ഇ.ടി.മുഹമ്മദ് ബഷീർ റെക്കോർഡ് ഭൂരിപക്ഷം നേടി.

2024 ലെ ലോക്സഭാ തിരഞ്ഞെടുപ്പിലെ വിജയികൾ

• തിരുവനന്തപുരം - ശശി തരൂർ (യുഡിഎഫ്)
• ആറ്റിങ്ങൽ - അടൂർ പ്രകാശ് (യുഡിഎഫ്)
• കൊല്ലം - എൻ.കെ.പ്രേമചന്ദ്രൻ (യുഡിഎഫ്)
• പത്തനംതിട്ട - ആന്റോ ആന്റണി (യുഡിഎഫ്)
• മാവേലിക്കര - കൊടിക്കുന്നിൽ സുരേഷ് (യുഡിഎഫ്)
• ആലപ്പുഴ - കെ.സി.വേണുഗോപാൽ (യുഡിഎഫ്)
• കോട്ടയം - ഫ്രാൻസിസ് ജോർജ് (യുഡിഎഫ്)
• ഇടുക്കി - ഡീൻ കുര്യാക്കോസ് (യുഡിഎഫ്)
• എറണാകുളം - ഹൈബി ഈഡൻ (യുഡിഎഫ്)
• ചാലക്കുടി - ബെന്നി ബെഹനാൻ (യുഡിഎഫ്)
• തൃശൂർ - സുരേഷ് ഗോപി (എൻഡിഎ)
• ആലത്തൂർ - കെ.രാധാകൃഷ്ണൻ (എൽഡിഎഫ്)
• പാലക്കാട് - വി.കെ.ശ്രീകണ്ഠൻ (യുഡിഎഫ്)
• പൊന്നാനി - എം.പി.അബ്ദുസമദ് സമദാനി (യുഡിഎഫ്)
• മലപ്പുറം - ഇ.ടി.മുഹമ്മദ് ബഷീർ (യുഡിഎഫ്)
• കോഴിക്കോട് - എം.കെ.രാഘവൻ (യുഡിഎഫ്)
• വയനാട് - രാഹുൽ ഗാന്ധി (യുഡിഎഫ്)
• വടകര - ഷാഫി പറമ്പിൽ (യുഡിഎഫ്)
• കണ്ണൂർ - കെ.സുധാകരൻ (യുഡിഎഫ്)
• കാസർകോട് - രാജ്മോഹൻ ഉണ്ണിത്താൻ (യുഡിഎഫ്)

Read More

• Lok Sabha Election Result 2024 Live: എക്സിറ്റ് പോളുകളെ എഴുതിത്തള്ളുന്ന പ്രകടനവുമായി ഇന്ത്യാ സഖ്യം; ഉത്തർ പ്രദേശിലടക്കം അട്ടിമറി മുന്നേറ്റം
• Lok Sabha Top Constituencies Result 2024 Live: തൃശൂരിൽ മുന്നേറ്റവുമായി സുരേഷ് ഗോപി, കേരളത്തിൽ താമര വിരിയുമോ?
• Kerala Lok Sabha Election Result 2024 Live: കേരളത്തിൽ ചിത്രം തെളിഞ്ഞു; 18 ഇടങ്ങളിൽ യുഡിഎഫ്, ഓരോ സീറ്റ് നേടി എൽഡിഫും ബിജെപിയും
• ലീഡ് നില മാറിമറിയുന്നു; സിപിഎമ്മിനെ ദേശീയ പാർട്ടി പദവി കൈവിടുമോ?