ചൈനീസ് വിദേശകാര്യമന്ത്രിയുമായി കൂടിക്കാഴ്ച നടത്തി എസ്. ജയ്‌ശങ്കർ; നേരിട്ടുള്ള വിമാന സർവീസുകളിലടക്കം ചർച്ച

ഡൽഹി: നേരിട്ടുള്ള വിമാന സർവീസുകളിൽ അടക്കം ചൈനയുമായി ചർച്ച നടത്തി ഇന്ത്യ. ഇരു രാജ്യങ്ങൾക്കുമിടയിൽ നേരിട്ടുള്ള വിമാന സർവീസുകൾ പുനരാരംഭിക്കുന്നതിനെക്കുറിച്ച് വിദേശകാര്യമന്ത്രി എസ്. ജയ്‌ശങ്കർ ചൈനീസ് വിദേശകാര്യമന്ത്രി വാങ് യിയുമായി ചർച്ച നടത്തിയതായാണ് വിവരം.

റിയോ ഡി ജനീറോയിൽ നടക്കുന്ന ജി 20 ഉച്ചകോടിക്കിടെയാണ് ഇരുവരും കൂടിക്കാഴ്ച നടത്തിയത്. കൈലാസ് മാനസരോവർ യാത്ര പുനരാരംഭിക്കുന്നതിനെ കുറിച്ചും ഇരുവരും ചർച്ച നടത്തി. കോവിഡ് മഹാമാരിയുടെ പശ്ചാത്തലത്തിൽ 2020 മുതൽ ഇരു രാജ്യങ്ങൾക്കുമിടയിൽ നേരിട്ടുള്ള വിമാനങ്ങൾ നിർത്തിവച്ചിരുന്നു.

On the sidelines of the G20 Summit in Rio, met CPC Politburo member and FM Wang Yi of China.

We noted the progress in the recent disengagement in the india-China border areas. And exchanged views on the next steps in our bilateral ties.

Also discussed the global situation. pic.twitter.com/fZDwHlkDQt

— Dr. S. Jaishankar (@DrSJaishankar) November 19, 2024

അതിർത്തിയിൽ സൈന്യത്തെ പിൻവലിച്ച് ആഴ്ചകൾക്ക് ശേഷമാണ് കൂടിക്കാഴ്ച. ഇന്ത്യ-ചൈന അതിർത്തി പ്രദേശങ്ങളിലെ സേനാപിൻമാറ്റ നടപടിയുടെ പുരോ​ഗതി ഇരുവരും ചർച്ച ചെയ്തതായി ജയ്‌ശങ്കർ എക്സിൽ കുറിച്ചു. ഉഭയകക്ഷി ബന്ധത്തിലെ അടുത്ത ഘട്ടങ്ങളെക്കുറിച്ചുള്ള വീക്ഷണങ്ങൾ പരസ്പരം കൈമാറിയതായും ആഗോള സാഹചര്യങ്ങൾ ചർച്ച ചെയ്തതായും അദ്ദേഹം വ്യക്തമാക്കി.

നാലര വർഷങ്ങൾക്കു ശേഷമായിരുന്നു ലഡാക്കിൻ്റെ അതിർത്തി പ്രദേശങ്ങളായ ഡെപ്‌സാങ്ങിലും ഡെംചോക്കിലും ഇന്ത്യയും ചൈനയും സൈനിക പിന്മാറ്റത്തിന് ധാരണ ഉണ്ടായത്. ഇതിനു പിന്നാലെ ദീപാവലി ദിനത്തിൽ മധുരം കൈമാറി സൗഹൃദം ഉറപ്പിക്കുകയും ചെയ്തിരുന്നു. 

Read More

• കേന്ദ്രം പൂർണ പരാജയം; മണിപ്പൂരിൽ അടിയന്തര ഇടപെടൽ ആവശ്യപ്പെട്ട് രാഷ്ട്രപതിക്ക് കത്ത് നൽകി കോൺഗ്രസ്
• Vinod Tawde: വോട്ടിനു പണം? ബിജെപി ദേശിയ നേതാവ് മഹാരാഷ്ട്രയിൽ പിടിയിൽ
• ഡൽഹിയിൽ വായു മലിനീകരണം അതിരൂക്ഷം; സ്കൂൾ, കോളേജ് ക്ലാസുകൾ ഓണ്‍ലൈനാക്കി
• ലോറൻസ് ബിഷ്‌ണോയിയുടെ സഹോദരൻ യുഎസിൽ അറസ്റ്റിൽ
• സാന്റിയാഗോ മാർട്ടിന്റെ സ്ഥാപനങ്ങളിൽ റെയ്ഡ്; 12.41 കോടി രൂപ കണ്ടെടുത്തെന്ന് ഇഡി
• അശാന്തം മണിപ്പൂർ; കൂടുതൽ കേന്ദ്രസേനയെ വിന്യസിക്കും
• മണിപ്പൂർ കലാപം; ഭരണകക്ഷി എംഎൽഎമാരുടെ യോഗം വിളിച്ച് മുഖ്യമന്ത്രി