Palakkad Bypoll Election Results: നഗരമേഖലയിൽ വോട്ട് കുറവ്; പാലക്കാട് ബിജെപിയിൽ ആശങ്ക

Palakkad Bypoll Election Results:പാലക്കാട്: പാലക്കാട് ഉപതിരഞ്ഞെടുപ്പിന്റെ ആദ്യഫലങ്ങൾ പുറത്തുവരുമ്പോൾ നഗരമേഖലയിൽ പ്രതീക്ഷിച്ച ലീഡ് പുലർത്താവാതെ ബിജെപി. ആദ്യ റൗണ്ടുകൾ എണ്ണിതുടങ്ങിയപ്പോൾ, സി കൃഷ്ണകുമാർ മുന്നിലായിരുന്നെങ്കിലും കഴിഞ്ഞ തവണ ബിജെപിക്ക് ലഭിച്ചതിനേക്കാൾ 700ഓളം വോട്ടുകളുടെ കുറവാണ് ഇക്കുറി ലഭിച്ചത്. ബിജെപിയുടെ ശ്കതി കേന്ദ്രങ്ങളിൽ പോലും വോട്ടുചോർന്നെന്നാണ് വ്യക്തമാകുന്നത്. ഇത് കോൺഗ്രസിലേക്കും സിപിഎമ്മിലേക്കും പോകാനാണ് സാധ്യത. 

യുഡിഎഫ് സ്ഥാനാർഥി രാഹുൽ മാങ്കൂട്ടത്തിലിന് കഴിഞ്ഞ തവണ കോൺഗ്രസിന് ലഭിച്ചതിനേക്കാൾ 430 വോട്ട് കൂടിയിട്ടുണ്ട്. സിപിഎം സ്ഥാനാർഥി പി സരിന് 111 വോട്ടും ലഭിച്ചു. ബിജെപിക്ക് നഗരസഭയിൽ വോട്ട് കുറഞ്ഞതോടെ കോൺഗ്രസ് പ്രവർത്തകർ ആഘോഷം തുടങ്ങിയിരിക്കുകയാണ്. നഗരസഭയിലെ ഭൂരിപക്ഷം കുറവ് രാഹുൽ മാങ്കൂട്ടത്തലിനെ തുണച്ചേക്കുമെന്നാണ് പ്രതീക്ഷിക്കുന്നത്. 

നേരത്തെ, നഗരമേഖലയിൽ കുടുതൽ വോട്ടുകൾ ബിജെപി പ്രതീക്ഷിച്ചിരുന്നു. എന്നാൽ നഗരമേഖലയിലെ വോട്ടുകുറവ് ബിജെപി ക്യാമ്പ് ആശങ്കയിലാഴ്ത്തുന്നു.

രണ്ടാം റൗണ്ട് പൂർത്തിയായതോടെ ബിജെപി സ്ഥാനാർത്ഥി കൃഷ്ണകുമാറിനെ മറികടന്ന് കോൺഗ്രസിന്റെ രാഹുൽ മാങ്കൂട്ടത്തിൽ മുന്നിലെത്തിയെങ്കിലും പിന്നീട് കൃഷ്ണകുമാർ 960 വോട്ടുകളുടെ ഭൂരിപക്ഷം തിരിച്ചുപിടിച്ചു. ഇടതുമുന്നണിയുടെ സ്വതന്ത്ര സ്ഥാനാർത്ഥി ഡോ. പി സരിനാണ് മൂന്നാം സ്ഥാനത്ത്. 

Read More

• ക്ലൈമാക്‌സിലേക്ക് തിരഞ്ഞെടുപ്പ് ത്രില്ലർ; ജനഹിതം ഇന്നറിയും
• പാലക്കാടൻ പകിട്ട് ആർക്കൊപ്പം?
• ചേലോടെ ചേലക്കര; പ്രതീക്ഷയോടെ മുന്നണികൾ
• വയനാട്ടിലും ചേലക്കരയിലും പോളിങ് കുറഞ്ഞു; ആശങ്കയിൽ മുന്നണികൾ