വിവാഹത്തിനായി നാട്ടിലേക്ക് വരുന്നതിനിടെ പിതാവും മകളും വാഹനാപകടത്തിൽ മരിച്ചു

ആലപ്പുഴ: മകളുടെ വിവാഹത്തിനായി സൗദിയിൽ നിന്നും മകളോടൊപ്പം നാട്ടിലെത്തിയ പിതാവും മകളും വാഹനാപകടത്തിൽ മരിച്ചു. ദേശീയപാതയിൽ ഹരിപ്പാട് കരുവാറ്റാ കെവി ജെട്ടി ജങ്ഷനിലുണ്ടായ വാഹനാപകടത്തിലാണ് അച്ഛനും മകളും മരിച്ചത്. വള്ളികുന്നം സ്വദേശി സത്താർ ഹാജി, മകൾആലിയ (20)എന്നിവരാണ് മരിച്ചത്.

 വിമാനത്താവളത്തിൽ നിന്ന് വീട്ടിലേക്ക് പോകുന്നതിനിടെയായിരുന്നു അപകടം.

വഴിയോരത്ത് നിർത്തിയിട്ടിരുന്ന ലോറിക്ക് പിന്നിൽ ഇവർ സഞ്ചരിച്ച ഇന്നോവ ഇടിക്കുകയായിരുന്നു. സൗദിയിലായിരുന്ന ഇരുവരും വിവാഹത്തിനായി നാട്ടിലെത്തിയതായിരുന്നു. സൗദി തുഖ്ബ ഐ സി എഫ് സജീവപ്രവർത്തകനായിരുന്നു അപകടത്തിൽ മരിച്ച സത്താർ ഹാജി.

മകളുടെ മകളുടെ മൃതദേഹം വണ്ടാനം മെഡിക്കൽ കോളജിലും, സത്താർഹാജിയുടെ മൃതദേഹം പരുമല ആശുപത്രിയിലെ മോർച്ചറിയിലുമാണ് ഉളളത്. പോസ്റ്റുമോർട്ടത്തിന് ശേഷം മൃതദേഹം ബന്ധുക്കൾക്ക് വിട്ട നൽകി. വൈകീട്ട് നാലുമണിക്ക് കാഞ്ഞിരപ്പുഴപള്ളിക്കുറ്റി ജമാഅത്ത് പള്ളിയിൽ ഖബറടക്കും.

Read More

• അരിയിൽ ഷുക്കൂർ വധക്കേസ്; പി.ജയരാജനും ടി.വി.രാജേഷിനും തിരിച്ചടി
• നിപ: മലപ്പുറത്ത് 10 പേരുടെ സ്രവ പരിശോധനാഫലം കൂടി നെഗറ്റീവ്, സംസ്ഥാനത്തിന് ആശ്വാസം
• അർജുനായുള്ള തിരച്ചിൽ, ഡ്രഡ്ജര്‍ ഇന്ന് ഷിരൂരില്‍
• നതോന്നതയുടെ താളത്തിൽ തുഴയേറ്;ആറന്മുളയിൽ കോയിപ്രവും കോറ്റാത്തൂർ-കൈതക്കൊടിയും ജേതാക്കൾ
• സംസ്ഥാനത്ത് എം പോക്‌സ് സ്ഥിരീകരിച്ചു