വിവാഹിതരായിട്ട് 7 മാസം, എല്ലാം തകർത്ത് അപകടം: ബൈക്കിൽ കാറിടിച്ച് ദമ്പതിമാർക്ക് ദാരുണാന്ത്യം

മലപ്പുറം: നിയന്ത്രണം വിട്ട കാർ ബൈക്കിൽ ഇടിച്ച് നവദമ്പതികൾക്ക് ദാരുണാന്ത്യം. പുത്തനത്താണി-തിരുനാവായ റോഡില്‍ ഇഖ്ബാല്‍ നഗറില്‍വച്ചുണ്ടായ അപകടത്തിലാണ് ദമ്പതികളായ മുഹമ്മദ് സിദ്ദീഖ് (30) ഭാര്യ റീസ മന്‍സൂര്‍ (26) എന്നിവർ മരിച്ചത്. 

Also Read: മോൻത ചുഴലിക്കാറ്റ് ആന്ധ്രാ തീരത്തേക്ക് അടുക്കുന്നു; കേരളത്തിലും കനത്ത മഴയ്ക്ക് സാധ്യത

ഇന്നു രാവിലെയായിരുന്നു അപകടം. ഇരുവരും ജോലിസ്ഥലത്തേക്ക് പോകുമ്പോഴായിരുന്നു അപകടം. പുത്തനത്താണി ഭാഗത്തേക്കു പോവുകയായിരുന്ന ഇവരുടെ ബൈക്കും എതിര്‍ ദിശയില്‍ വന്ന കാറും തമ്മില്‍ കൂട്ടിയിടിക്കുകയായിരുന്നു. അപകടത്തിനുപിന്നാലെ ഇരുവരെയും ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

Also Read: മോൻത ചുഴലിക്കാറ്റ്: 60-ലധികം ട്രെയിനുകൾ റദ്ദാക്കി റെയിൽവേ; വിമാന സർവീസുകളും തടസപ്പെട്ടു

ഏഴു മാസം മുൻപായിരുന്നു ഇരുവരുടെയും വിവാഹം. ചേരുരാല്‍ സ്‌കൂളിലെ റിട്ട. പ്രഥമാധ്യാപകന്‍ വി.പി അഹമ്മദ് കുട്ടിയുടെയും റിട്ട. അധ്യാപിക സുനീറ ബാനുവിന്റെയും മകനാണ് മുഹമ്മദ് സിദ്ദിഖ്. റീസ ഏറനാട് സ്വദേശിനിയാണ്. 

Read More

• രഞ്ജിത്തിനെതിരായ ബം​ഗാളി നടിയുടെ ലൈംഗികാതിക്രമ കേസ് റദ്ദാക്കി ഹൈക്കോടതി
• പിംഎം ശ്രീയിൽ അനുനയമില്ല; പ്രശ്നങ്ങൾ ഇപ്പോഴും ബാക്കിയെന്ന് ബിനോയ് വിശ്വം