ഗുരുവായൂർ-മധുര എക്‌സപ്രസിന്റെ ബോഗികൾ വേർപെട്ടു

കൊല്ലം: ഓടിക്കൊണ്ടിരുന്ന ട്രെയിനിന്റെ ബോഗികൾ വേർപ്പെട്ടു. ഗുരുവായൂർ-മധുര എക്‌സ്പ്രസിന്റെ ബോഗികളാണ് കൊല്ലം പുനലൂർ ആര്യങ്കാവിൽ വെച്ച് വേർപ്പെട്ടത്. വെള്ളിയാഴ്ച വൈകീട്ട് മൂന്നു മണിയോടെയാണ് സംഭവം. 

കൊല്ലത്ത് നിന്ന് മധുരയിലേക്കുള്ള യാത്രമധ്യേയാണ് ബോഗികൾ വേർപ്പെട്ടത്. ട്രെയിനിൽ നിറയെ യാത്രക്കാരുണ്ടായിരുന്നു. ഓട്ടോമാറ്റിക് ബ്രേക് സിസ്റ്റം ഉണ്ടായിരുന്നതിനാൽ വേർപെട്ട് മുന്നോട്ട് പോയ എഞ്ചിനോട് ചേർന്ന ഭാഗം അധികം ദൂരത്തല്ലാതെ നിന്നു.

ട്രെയിനിന്റെ മധ്യഭാഗത്ത് നിന്നാണ് ബോഗികൾ തമ്മിലെ ബന്ധം വിച്ഛേദിക്കപ്പെട്ടത്. പിന്നീട് റെയിൽവെ സാങ്കേതിക വിഭാഗം ജീവനക്കാരെത്തി പ്രശ്‌നം പരിഹരിച്ചു. അര മണിക്കൂറോളം ഈ ഭാഗത്ത് ട്രെയിൻ ഗതാഗതം തടസപ്പെട്ടു. സംഭവത്തെപ്പറ്റി അന്വേഷണം പ്രഖ്യാപിച്ചെന്ന് ദക്ഷിണ റെയിൽവേ അധികൃതർ അറിയിച്ചു. 

Read More

• എംടിയില്ലാത്ത സിത്താരയിലേക്ക് മമ്മൂട്ടി എത്തി
• എൻഎസ്എസ് മതേതര ബ്രാൻഡാണ്, പരിപാടിയിൽ പങ്കെടുത്തതിന്‍റെ ഗുണം കോൺ​ഗ്രസിന്: രമേശ് ചെന്നിത്തല
• പെരിയ ഇരട്ട കൊലപാതക കേസിൽ ശിക്ഷാവിധി ഇന്ന്
• സംസ്ഥാന സ്‌കൂൾ കലോത്സവത്തിനൊരുങ്ങി തലസ്ഥാനനഗരി; ശനിയാഴ്ച തിരിതെളിയും
• ആചാരങ്ങളില്‍ കൈ കടത്തരുത്, മുഖ്യമന്ത്രിയെ വിമർശിച്ച് സുകുമാരന്‍ നായര്‍