രാവിലെ നെയ്യ് ചേർത്ത വെള്ളം കുടിച്ചാലുള്ള അത്ഭുതകരമായ ഗുണങ്ങൾ

മിക്ക വീടുകളിലെ അടുക്കളയിലും നെയ്യ് സുലഭമാണ്. പലവിധ വിഭവങ്ങൾ തയ്യാറാക്കാൻ നെയ്യ് ഉപയോഗിക്കുന്നുണ്ട്. എന്നാൽ, ഭക്ഷണം രുചികരമാക്കുന്നതിനു പുറമേ, അദ്ഭുതപ്പെടുന്ന ആരോഗ്യ ഗുണങ്ങളും ഇവയ്ക്കുണ്ട്. ഭക്ഷണത്തിൽ ചേർക്കുന്നതിനു പുറമേ എപ്പോഴെങ്കിലും നെയ്യ് ചേർത്ത വെള്ളം കുടിക്കുന്നതിനെക്കുറിച്ച് ചിന്തിച്ചിട്ടുണ്ടോ?.

രാവിലെ വെറും വയറ്റിൽ നെയ്യ് ചെറുചൂടുള്ള വെള്ളത്തിൽ ചേർത്ത് കുടിക്കുന്നത് ആരോഗ്യത്തിന് അത്ഭുതങ്ങൾ സൃഷ്ടിക്കുമെന്ന് പരക്കെ വിശ്വസിക്കപ്പെടുന്നു. ഈ പാനീയം കുടിച്ചാലുള്ള നേട്ടങ്ങൾ എന്തൊക്കെയെന്ന് നോക്കാം. 

1. രോഗപ്രതിരോധശേഷി കൂട്ടുന്നു

ബ്യൂട്ടിക് ആസിഡ് കൊണ്ട് സമ്പന്നമാണ് നെയ്യ്. കുടലിന്റെ ആരോഗ്യത്തെയും പ്രതിരോധശേഷിയെയും മെച്ചപ്പെടുത്തുന്ന ഒരു സംയുക്തമാണിത്. ആരോഗ്യമുള്ള കുടൽ രോഗങ്ങൾക്കെതിരെ പോരാടാൻ സഹായിക്കും. 

2. ദഹനത്തിന് സഹായിക്കുന്നു

നെയ്യിൽ അടങ്ങിയിരിക്കുന്ന ബ്യൂട്ടിറിക് ആസിഡ് ദഹനത്തിന് ഏറ ഗുണം ചെയ്യുന്നതാണ്. നെയ്യ് വെള്ളത്തിൽ ചേർത്ത് കുടിക്കുമ്പോൾ ഗുണം ഇരട്ടിയാക്കും. വയർവീർക്കൽ, ഗ്യാസ്, മലബന്ധം തുടങ്ങിയ പ്രശ്നങ്ങൾ കുറയ്ക്കുന്നു. 

3. ശരീരത്തിൽനിന്ന് മാലിന്യങ്ങളെ പുറന്തള്ളുന്നു

ശരീരത്തിൽനിന്നുള്ള വിഷവസ്തുക്കളെ പുറന്തള്ളാൻ സഹായിക്കുന്നു. വെറും വയറ്റിൽ നെയ്യ് ചേർത്ത വെള്ളം കുടിക്കുന്നത് ശരീരത്തെ ശുദ്ധീകരിക്കുകയും ഉപാപചയപ്രവർത്തനങ്ങളെ ഉത്തേജിപ്പിക്കാനും സഹായിക്കും.

4. ചർമ്മത്തെ തിളക്കമുള്ളതാക്കുന്നു

ശരീരത്തെ വിഷവിമുക്തമാക്കുന്നതിലൂടെ ആരോഗ്യമുള്ള ചർമ്മം നൽകുകയും ചർമ്മത്തിലെ വരൾച്ച തടയുകയും ചെയ്യുന്നു. അതിലൂടെ തിളക്കമുള്ള ചർമ്മം നൽകുന്നു.

5. എല്ലുകൾക്ക് ഗുണകരം

ആരോഗ്യകരമായ കൊഴുപ്പുകളുടെ സമ്പന്നമായ ഉറവിടമാണ് നെയ്യ്. വീക്കം കുറയ്ക്കുന്നു. ചെറുചൂടുള്ള വെള്ളത്തിൽ നെയ്യ് ചേർത്ത് കുടിക്കുന്നത് എല്ലുകൾക്ക് ഗുണം ചെയ്യും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ഭക്ഷണശേഷം എപ്പോഴും വയർ വീർക്കുന്നുണ്ടോ? ഈ തെറ്റുകൾ തിരിച്ചറിയൂ
• വ്യായാമം ചെയ്യാൻ സമയം കിട്ടുന്നില്ലേ? സ്ലിം ആകാൻ ഈ 5 വഴികൾ നോക്കൂ
• ദിവസവും രാവിലെ ഗ്രീൻ ടീ കുടിച്ചാൽ എന്ത് സംഭവിക്കും?
• ഒരു സ്പൂൺ നിറയെ തൈര് കഴിക്കാം; അദ്ഭുതപ്പെടുത്തും ആരോഗ്യ ഗുണങ്ങൾ