ചോറോ ചപ്പാത്തിയോ കഴിക്കുന്നതിന് മുമ്പ് സാലഡ് കഴിക്കണം, എന്തുകൊണ്ട്?

തിരക്കേറിയ ജീവിതത്തിനിടയിൽ ഭക്ഷണം ആരോഗ്യകരമായിരിക്കണമെന്ന കാര്യത്തിൽ പലർക്കും ശ്രദ്ധയില്ല. വിശക്കുമ്പോൾ വയർ നിറയെ ഭക്ഷണം കഴിക്കുക എന്നതല്ലാതെ, പാത്രത്തിൽ വിളമ്പുന്ന ഭക്ഷണം പ്രോട്ടീൻ സമ്പുഷ്ടമാണോയെന്ന് പലരും നോക്കുന്നില്ല. ആരോഗ്യ വിദഗ്ധരുടെ അഭിപ്രായത്തിൽ, ഇതിനുള്ള എളുപ്പ വഴി ഭക്ഷണത്തിനു മുൻപായി സാലഡ് കഴിക്കുന്നതാണ്. രാവിലെയോ ഉച്ചയ്ക്കോ രാത്രിയിലോ, എപ്പോഴുമാകട്ടെ ഭക്ഷണം കഴിക്കുന്നതിനു മുൻപായി സാലഡ് കഴിക്കുക.

പ്രമേഹമുണ്ടെങ്കിൽ, ചോറോ ചപ്പാത്തിയോ കഴിക്കുന്നതിനുമുമ്പ് സാലഡ് കഴിക്കേണ്ടത് വളരെ പ്രധാനമാണ്. ചെറിയ അളവിൽ ചോറോ ചപ്പാത്തിയോ കഴിച്ചാൽ രക്തത്തിലെ പഞ്ചസാരയുടെ അളവിനെ ബാധിക്കില്ലെന്ന് പലരും കരുതുന്നു, ഇത് ശരിയല്ല. സാലഡ് കഴിക്കുന്നതിലൂടെ ശരീരത്തിൽ നാരുകൾ എത്തിക്കുന്നു. നാരുകൾ ചോറിലും ചപ്പാത്തിയിലും അടങ്ങിയിരിക്കുന്ന പഞ്ചസാര രക്തപ്രവാഹത്തിൽ പ്രവേശിക്കുന്നതിന്റെ വേഗത കുറയ്ക്കുന്നു. ഇതിനർത്ഥം ഭക്ഷണം കഴിച്ചതിനുശേഷം പഞ്ചസാരയുടെ അളവ് കുറയുകയും സ്ഥിരതയുള്ള ഊർജം ലഭിക്കുകയും ചെയ്യും. ഇതിലൂടെ ഭക്ഷണത്തെ ബാലൻസ് ചെയ്യുകയും രക്തത്തിലെ പഞ്ചസാരയുടെ അളവ് കൂട്ടാതിരിക്കുകയും ചെയ്യും.

Also Read: പ്രമേഹരോഗികൾക്ക് ഉരുളക്കിഴങ്ങ് നല്ലതോ മോശമോ?

സാലഡിൽ ഉൾപ്പെടുത്തേണ്ട ചേരുവകൾ

1. ഒലിവ് ഓയിൽ: ഹൃദയാരോഗ്യകരമായ കൊഴുപ്പുകളും ആന്റിഓക്‌സിഡന്റുകളും കൊണ്ട് നിറഞ്ഞിരിക്കുന്ന ഈ എണ്ണ രക്തത്തിലെ പഞ്ചസാരയുടെ ബാലൻസ് നിലനിർത്തുകയും സാലഡിന്റെ രുചി വർധിപ്പിക്കുകയും ചെയ്യുന്നു. 

2. ഇലക്കറികൾ: സ്പിനച്, ലെറ്റൂസ്, കാലെ, കാബേജ് തുടങ്ങിയ പച്ചക്കറികളിൽ കാർബോഹൈഡ്രേറ്റ് കുറവാണ്, കൂടാതെ നാരുകൾ, വിറ്റാമിനുകൾ, ആന്റിഓക്‌സിഡന്റുകൾ എന്നിവ കൂടുതലാണ്. ഇത് രക്തത്തിലെ പഞ്ചസാര നിയന്ത്രണത്തിന് അനുയോജ്യമാക്കുന്നു.

3. പനീർ: പ്രോട്ടീന്റെ ഒരു മികച്ച ഉറവിടമാണ്. വയറു നിറയ്ക്കുകയും പഞ്ചസാരയുടെ അളവ് വർധിക്കുന്നത് തടയുകയും ചെയ്യുന്നു. 

Also Read: പ്രമേഹ രോഗികളുടെ ശ്രദ്ധയ്ക്ക്; രാത്രിയിൽ ഷുഗർ കൂടുന്നത് തടയാൻ ഇങ്ങനെ ഭക്ഷണം കഴിക്കൂ

4. ബീൻസും മുളപ്പിച്ച പയർവർഗങ്ങളും: ചെറുപയർ, കടല എന്നിവ ഗ്ലൂക്കോസിന്റെ അളവ് നിലനിർത്താൻ സഹായിക്കുന്നു. 

5. നട്സും സീഡ്സും: ബദാം, വാൽനട്ട്, പംപ്കിൻ, എള്ള് എന്നിവ ആരോഗ്യകരമായ കൊഴുപ്പും പോഷകങ്ങളും വർധിപ്പിക്കുന്നു. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക. 

Read More

• ശരീര ഭാരം കുറയ്ക്കുക എളുപ്പമാക്കാം, ഈ കാര്യങ്ങൾ ശ്രദ്ധിച്ചാൽ മതി
• വണ്ണം കുറയ്ക്കാൻ വ്യായാമം മാത്രം ചെയ്തിട്ട് കാര്യമില്ല, പ്രധാനമായും ചെയ്യേണ്ടത് ഈ ഒരു കാര്യം: ആമിർ ഖാൻ