തണുത്ത വെള്ളത്തിനൊപ്പം ചൂടുവെള്ളം ചേർത്ത് കുടിക്കാമോ?

തണുത്ത വെള്ളത്തിനൊപ്പം ചൂടുവെള്ളം കൂടി ചേർത്ത് കുടിക്കുന്നവരുണ്ട്. ആരോഗ്യ വിദഗ്ധർ ഒരിക്കലും ഇതിനെ പ്രോത്സാഹിപ്പിക്കുന്നില്ല. ചൂടുവെള്ളത്തിനൊപ്പം തണുത്ത വെള്ളം കലർത്തി കുടിക്കാൻ പാടില്ലെന്ന് യോഗാധ്യാപകയായ ശ്ലോക ജോഷി പറഞ്ഞു. തണുത്ത വെള്ളം ദഹിക്കാൻ സമയമെടുക്കും. എന്നാൽ ചൂടുവെള്ളം പെട്ടെന്ന് ദഹിക്കും. ഇവ രണ്ടും ഒരുമിച്ച് കുടിക്കുന്നത് ദഹനക്കേടിന് ഇടയാക്കും. ചൂടുവെള്ളവും തണുത്ത വെള്ളവും ഒരുമിച്ച് കലർത്തുന്നത് ദഹനപ്രക്രിയയെ ദുർബലപ്പെടുത്തുകയും വയർ വീർക്കലിനും പോഷകങ്ങൾ ആഗിരണം ചെയ്യുന്നതിനെ തടസപ്പെടുത്തുകയും ചെയ്യുമെന്ന് അവർ അഭിപ്രായപ്പെട്ടു.

രക്തക്കുഴലുകൾ വികസിപ്പിക്കുന്നതിലൂടെയും രക്തചംക്രമണം പ്രോത്സാഹിപ്പിക്കുന്നതിലൂടെയും പോഷകങ്ങൾ എളുപ്പത്തിൽ ആഗിരണം ചെയ്യുന്നതിലൂടെയും ശരീര പ്രവർത്തനങ്ങൾ വർധിപ്പിക്കുന്നത് ചൂടുവെള്ളം ഗുണം ചെയ്യും. തണുത്ത വെള്ളം, നേരെമറിച്ച്, രക്തക്കുഴലുകൾ ചുരുങ്ങുകയും ദഹനപ്രക്രിയകളെ മന്ദഗതിയിലാക്കുകയും ചെയ്യുന്നു. ഇവ രണ്ടും കലർത്തുന്നത് വ്യക്തിഗത നേട്ടങ്ങൾ കുറയ്ക്കുമെന്ന് ശോക്ല പറഞ്ഞു.

വെള്ളം ചൂടാക്കുന്നതിലൂടെ അതിനെ ഭാരം കുറഞ്ഞതും ബാക്ടീരിയകളെ നശിപ്പിക്കുകയും ചെയ്യുന്നു. തണുത്ത വെള്ളവുമായി കലർത്തുന്നതിലൂടെ ഈ ഗുണങ്ങൾ ഗണ്യമായി കുറയുന്നു. വളരെ കുറച്ച് ആരോഗ്യ ഗുണങ്ങൾ മാത്രമേ ലഭിക്കുന്നുള്ളൂവെന്ന് അവർ വ്യക്തമാക്കി. 

എപ്പോഴും മൺപാത്രങ്ങളിൽ സൂക്ഷിച്ച വെള്ളം കുടിക്കുന്നതാണ് നല്ലത്. ഇത് ജലത്തെ തണുപ്പിക്കുകയും ശുദ്ധീകരിക്കുകയും ചെയ്യുന്നു, മാത്രമല്ല അതിന്റെ ധാതുക്കളുടെ അളവ് മെച്ചപ്പെടുത്തുകയും ചെയ്യുന്നു. മൺപാത്രങ്ങൾ സ്ഥിരവും മിതമായതുമായ താപനില നിലനിർത്തുന്നു. വെള്ളം അമിതമായി തണുക്കാൻ അനുവദിക്കുന്നില്ല. ഇതിലൂടെ ഏത് സമയത്തും വെള്ളത്തെ കുടിക്കാൻ അനുയോജ്യമാക്കുന്നു. ദഹനത്തെ തടസപ്പെടുത്തുകയോ കഫ ദോഷം വർധിപ്പിക്കുകയോ ചെയ്യുന്നില്ലെന്ന് ശ്ലോക പറഞ്ഞു.

ചൂടുവെള്ളത്തിന്റെ ആരോഗ്യ ഗുണങ്ങൾ

മെച്ചപ്പെട്ട ദഹനം: ചൂടുവെള്ളം ദഹനവ്യവസ്ഥയെ ഉത്തേജിപ്പിക്കുകയും ഭക്ഷണ വിഘടനത്തിന് സഹായിക്കുകയും സുഗമമായ ദഹനത്തെ പ്രോത്സാഹിപ്പിക്കുകയും ചെയ്യും.

വിഷവസ്തുക്കളെ പുറന്തള്ളും: ചൂടുവെള്ളം ശരീരത്തിലെ വിഷവസ്തുക്കളെ കൂടുതൽ കാര്യക്ഷമമായി പുറന്തള്ളാൻ സഹായിച്ചേക്കാം.

ശരീര ഭാരം കുറയ്ക്കാം: ചൂടുവെള്ളത്തിന് ഉപാപചയപ്രവർത്തനം വർധിപ്പിക്കാൻ കഴിയുമെന്ന് പഠനങ്ങൾ പറയുന്നു. കൊഴുപ്പ് എരിച്ചു കളയാൻ സഹായിക്കുന്നതിലൂടെ ശരീരഭാരം കുറയ്ക്കാൻ സഹായിച്ചേക്കാം.

Read More

• ഉറങ്ങുന്നതിനു മുൻപ് കഴിക്കാവുന്ന 5 ലഘുഭക്ഷണങ്ങളെ പരിചയപ്പെടാം
• പഴങ്ങൾ തോന്നിയതുപോലെ കഴിക്കാൻ പാടില്ല, ശ്രദ്ധിക്കാം ഈ കാര്യങ്ങൾ
• ശരീര ഭാരം കുറയ്ക്കാൻ ഈ 5 ചെറിയ മാറ്റങ്ങൾ വരുത്തൂ
• എന്താണ് മംമ്തയെ ബാധിച്ച വിറ്റിലിഗോ രോഗം? അറിയേണ്ടതെല്ലാം
• വൈറ്റമിൻ ഡി കൂടുതലായാലും കുഴപ്പമാണ്, അമിത ഉപയോഗത്തിന്റെ പ്രശ്നങ്ങൾ അറിഞ്ഞിരിക്കുക