ഡയറ്റും വ്യായാമവും വേണ്ട; വണ്ണവും വയറിലെ കൊഴുപ്പും കുറയ്ക്കാൻ ഈ പാനീയം കുടിച്ചോളൂ

ശരീര ഭാരം കുറയ്ക്കാനായി കഠിനമായ ഡയറ്റും വർക്ക്ഔട്ടും ചെയ്യുന്ന നിരവധി പേരുണ്ട്. എന്നാൽ, മണിക്കൂറുകൾ ജിമ്മിൽ ചെലവഴിക്കാനോ ഭക്ഷണക്രമം നിയന്ത്രിക്കാനോ താൽപര്യമില്ലാത്ത ഒരു കൂട്ടരുമുണ്ട്. ശരീര ഭാരം കുറയ്ക്കാനായി വളരെ എളുപ്പത്തിൽ ചെയ്യാവുന്ന ഒരു കാര്യമുണ്ട്. വീട്ടിൽ തന്നെ തയ്യാറാക്കി കുടിക്കാവുന്ന ഒരു പാനീയം ശരീര ഭാരം കുറയ്ക്കുമെന്ന് പറയുകയാണ് ആയുർവേദ ഡോ.വിദ്യ.

ശരീര ഭാരം കുറയ്ക്കാൻ ആഗ്രഹിക്കുന്നവർക്കും വയറിലെ കൊഴുപ്പ് കുറയ്ക്കാൻ ശ്രമിക്കുന്നവർക്കും ഈ പാനീയം ദിവസവും കുടിക്കാവുന്നതാണെന്ന് അവർ പറഞ്ഞു. വളരെ എളുപ്പത്തിൽ വീട്ടിൽ സുലഭമായ ചില ചേരുവകൾ ഉപയോഗിച്ചാണ് ഈ പാനീയം തയ്യാറാക്കുന്നത്.

Also Read: പ്രമേഹരോഗികൾക്ക് സുരക്ഷിതമായി കഴിക്കാവുന്ന 7 പഴങ്ങൾ

ചേരുവകൾ

• ജീരകം - 1 ടീസ്‌പൂൺ 
• ഇഞ്ചി - 1 കഷ്ണം
• അര മുറി ചെറുനാരങ്ങ നീര്
• വെള്ളം - 2 ഗ്ലാസ്

Also Read: ദിവസവും 3 ലിറ്റർ വെള്ളം കുടിച്ചാൽ ശരീരത്തിന് എന്ത് സംഭവിക്കും?

View this post on Instagram

A post shared by Dr Vidhya R Unni (@drvidhyarunni)

തയ്യാറാക്കുന്ന വിധം

വെള്ളം നന്നായി തിളപ്പിക്കുക. ഇതിലേക്ക് ജീരകവും ഇഞ്ചിയും ചേർക്കുക. നന്നായി തിളപ്പിച്ച് ഒരു ഗ്ലാസ് ആക്കി കുറുക്കിയെടുക്കുക. ഒരു ഗ്ലാസിലേക്ക് അരിച്ചെടുത്തശേഷം ചെറുനാരങ്ങ നീരും ഒരു നുള്ള് മഞ്ഞൾപ്പൊടിയും ചേർത്ത് ഇളം ചൂടോടു കൂടി ദിവസവും രാവിലെ കുടിക്കുക. ഉപാപചയ പ്രവർത്തനം വർധിപ്പിക്കാനും വയർ വീർക്കൽ കുറയ്ക്കാനും ദഹനപ്രവർത്തനം സുഗമമാക്കാനും ഈ പാനീയം സഹായിക്കുമെന്ന് ഡോ.വിദ്യ അഭിപ്രായപ്പട്ടു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക. 

Read More

• അന്ന് 150 കിലോ, ഇന്ന് 65; വണ്ണം കുറയ്ക്കുന്നവർ ഈ 3 തെറ്റുകൾ ചെയ്യരുതെന്ന് യുവതി
• ഉലുവ വെള്ളം കുടിച്ചാൽ ഷുഗർ കുറയുമോ?