പ്രമേഹരോഗികൾക്ക് സുരക്ഷിതമായി കഴിക്കാവുന്ന 7 പഴങ്ങൾ

പ്രമേഹമുള്ളവർ പഴങ്ങൾ കഴിക്കുമ്പോൾ ജാഗ്രത വേണം. പല പഴങ്ങളിലും സ്വാഭാവിക പഞ്ചസാര അടങ്ങിയിട്ടുള്ളതിനാൽ പഴങ്ങൾ തിരഞ്ഞെടുക്കുമ്പോൾ പ്രമേഹമുള്ളവർ സൂക്ഷിക്കണം. പഴങ്ങൾ ജലാംശം, നാരുകൾ, ആന്റിഓക്‌സിഡന്റുകൾ എന്നിവ നൽകുന്നു. മിതമായ അളവിൽ ഇവ കഴിച്ചാൽ രക്തത്തിലെ പഞ്ചസാരയുടെ വർധനവിന് കാരണമാകില്ല. പ്രമേഹരോഗികൾക്ക് സുരക്ഷിതമായി കഴിക്കാവുന്ന 7 പഴങ്ങളെക്കുറിച്ച് അറിയാം. 

1. ഞാവൽ പഴം

പ്രമേഹരോഗികൾക്കിടയിൽ പ്രിയപ്പെട്ട ഒരു പഴമാണ് ഞാവൽ പഴം. 25 ഗ്ലൈസെമിക് സൂചികയും ജാംബോളിൻ പോലുള്ള സംയുക്തങ്ങളാൽ സമ്പുഷ്ടവുമായ ഞാവൽ പഴം അന്നജത്തെ ഊർജമാക്കി മാറ്റാൻ സഹായിക്കുന്നു, ഇത് രക്തത്തിലെ പഞ്ചസാരയുടെ അളവ് നിയന്ത്രിക്കാൻ സാധ്യതയുണ്ട്.

2. പേരയ്ക്ക

പേരയ്ക്കയിൽ കലോറി കുറവും നാരുകൾ കൂടുതലും അടങ്ങിയിട്ടുള്ളതിനാൽ രക്തത്തിലെ പഞ്ചസാരയുടെ അളവ് നിയന്ത്രിക്കാൻ ഉത്തമമാണ്. വിറ്റാമിൻ സി പ്രമേഹരോഗികളിൽ കൂടുതലായി കാണപ്പെടുന്ന ഓക്സിഡേറ്റീവ് സമ്മർദം കുറയ്ക്കാനും സഹായിക്കുന്നു. ജ്യൂസ് രൂപത്തിലല്ല, പഴം മുഴുവനായും കഴിക്കുന്നതാണ് നല്ലത്.

Also Read: ദിവസവും 3 ലിറ്റർ വെള്ളം കുടിച്ചാൽ ശരീരത്തിന് എന്ത് സംഭവിക്കും?

3. പപ്പായ

ഈ പഴത്തിന് ഗ്ലൈസെമിക് സൂചിക കുറവാണ്. ഇതിൽ ഫ്ലേവനോയ്ഡുകൾ പോലുള്ള ആന്റിഓക്‌സിഡന്റുകൾ അടങ്ങിയിട്ടുണ്ട്. ഇത് ഇൻസുലിൻ സെൻസിറ്റിവിറ്റി മെച്ചപ്പെടുത്തും. 

4. തണ്ണിമത്തൻ

പ്രമേഹരോഗികൾക്ക് തണ്ണിമത്തൻ കഴിക്കാം, പക്ഷേ ചെറിയ അളവിൽ മാത്രം. പഞ്ചസാര കൂടുതലാണെങ്കിലും, ഇതിൽ ഏകദേശം 90% വെള്ളവും അടങ്ങിയിട്ടുണ്ട്, ഇത് ജലാംശം നിലനിർത്താൻ സഹായിക്കുന്നു. പ്രോട്ടീനുമായോ കൊഴുപ്പുമായോ (ഒരുപിടി നട്‌സ് പോലുള്ളവ) സംയോജിപ്പിക്കുന്നത് രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കും.

5. പ്ലം

ഇതിൽ നാരുകളും ആന്റിഓക്‌സിഡന്റുകളും അടങ്ങിയിരിക്കുന്നു. പ്രമേഹമുള്ളവർക്ക് മിതമായ അളവിൽ കഴിക്കാവുന്നതാണ്.

Also Read: അന്ന് 150 കിലോ, ഇന്ന് 65; വണ്ണം കുറയ്ക്കുന്നവർ ഈ 3 തെറ്റുകൾ ചെയ്യരുതെന്ന് യുവതി

6. പീച്ച്

വിറ്റാമിൻ എ, സി, പൊട്ടാസ്യം എന്നിവയാൽ പോഷക സമ്പുഷ്ടമായ ഒരു പഴമാണ് പീച്ച്. അവ ജലാംശം നൽകുകയും രോഗപ്രതിരോധ ശേഷി വർധിപ്പിക്കാൻ സഹായിക്കുകയും ചെയ്യുന്നു.

7. ആപ്പിൾ

ആപ്പിളിലെ ലയിക്കുന്ന നാരുകൾ (പെക്റ്റിൻ) പഞ്ചസാരയുടെ ആഗിരണം മന്ദഗതിയിലാക്കാൻ സഹായിക്കുകയും കൂടുതൽ നേരം വയറു നിറഞ്ഞതായി നിലനിർത്തുകയും ചെയ്യുന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക. 

Read More

• ഉലുവ വെള്ളം കുടിച്ചാൽ ഷുഗർ കുറയുമോ?
• ശരീര ഭാരം നിയന്ത്രിക്കും, നല്ല ഉറക്കം തരും; രാത്രിയിൽ 1 കപ്പ് ഗ്രീൻ ടീ കുടിക്കൂ