ഉലുവ വെള്ളം കുടിച്ചാൽ ഷുഗർ കുറയുമോ?

നമ്മുടെയൊക്കെ അടുക്കളയിൽ വളരെ സുലഭമായി കാണുന്ന ഒന്നാണ് ഉലുവ. ഭക്ഷണം പാകം ചെയ്യുന്ന സമയത്ത് പല വിഭവങ്ങളിലും ഉലുവ ചേർക്കാറുണ്ട്. ഉലുവയ്ക്ക് ആരോഗ്യ ഗുണങ്ങളും ഏറെയുണ്ട്. നാരുകള്‍, ആന്റി ഓക്‌സിഡന്റുകള്‍, വിറ്റാമിനുകളായ എ, സി തുടങ്ങിയവ ഉലുവയിൽ അടങ്ങിയിട്ടുണ്ട്. ഉലുവ വെള്ളം കുടിക്കുന്നതും ആരോഗ്യത്തിന് ഗുണം ചെയ്യും.

ഉലുവ വെള്ളം കുടിച്ചാൽ ഷുഗർ കുറയുമോ എന്നതിനെക്കുറിച്ച് വിശദീകരിക്കുകയാണ് ലൂർദ് ഹോസ്പിറ്റലിലെ ഡോ.നവ്യ മേരി കുര്യൻ. ഉലുവയിൽ ഗ്യാലക്ട്രോൺ എന്ന ലയിക്കുന്ന നാരുകൾ അടങ്ങിയിട്ടുണ്ട്. ഇത് ചെറുകുടലിൽ എത്തുമ്പോൾ ജെൽ പോലെയാകുകയും അതുമൂലം ഭക്ഷണത്തിലെ ഷുഗറും കൊളസ്ട്രോലും രക്തത്തിലേക്ക് ആഗിരണം ചെയ്യുന്നത് തടയുകയും ചെയ്യുന്നു. ട്രൈഗോണൽ എന്നൊരു സംയുക്തമുണ്ട്. ഇത് ബ്ലഡ് ഷുഗർ കുറയ്ക്കും. 4-ഹൈഡ്രോക്സിഐസൊലേസൻൻ എന്നൊരു അമിനോ ആസിഡുണ്ട്. അത് പാൻക്രിയാസിൽനിന്ന് കൂടുതൽ ഇൻസുലിൻ ഉത്പാദിപ്പിക്കുന്നു. ഇതിലൂടെ ഉലുവ കഴിച്ചാൽ ബ്ലഡ് ഷുഗർ നേരിയ അളവിൽ കുറയുമെന്ന് ഡോ.നവ്യ പറഞ്ഞു.

Also Read: ശരീര ഭാരം നിയന്ത്രിക്കും, നല്ല ഉറക്കം തരും; രാത്രിയിൽ 1 കപ്പ് ഗ്രീൻ ടീ കുടിക്കൂ

ഉലുവ ഭക്ഷണത്തിൽ ഉൾപ്പെടുത്താനുള്ള ചില വഴികളെക്കുറിച്ചും അവർ വിശദീകരിച്ചിട്ടുണ്ട്. ചപ്പാത്തിക്ക് കുഴയ്ക്കുമ്പോൾ മാവിൽ കുറച്ച് ഉലുവ പൊടി ചേർക്കാവുന്നതാണ്. പാലിൽനിന്ന് തൈര് ഉണ്ടാക്കുമ്പോൾ കുറച്ച് ഉലുവ ചേർക്കാവുന്നതാണ്. രാത്രി മുഴുവൻ വെള്ളത്തിൽ കുതിർത്ത ഉലുവ പിറ്റേ ദിവസം രാവിലെ വെറും വയറ്റിൽ കഴിക്കുന്നത് വളരെ നല്ലതാണ്. മോര് വെള്ളത്തിൽ ഇട്ടും ഉലുവ കഴിക്കാമെന്ന അവർ പറഞ്ഞു. ഒരു ദിവസം 15 ഗ്രാം മുതൽ 30 ഗ്രാം വരെ ഉലുവ കഴിക്കാവുന്നതാണെന്നും ഡോ.നവ്യ അഭിപ്രായപ്പെട്ടു. 

View this post on Instagram

A post shared by ആരോഗ്യ കേരളം (@aarogyakeralam)

Also Read: രാവിലെ നാരങ്ങ വെള്ളം, രാത്രി സൂപ്പ്; 40 കാരിയായ സോനം കപൂറിന്റെ ഒരു ദിവസത്തെ ഭക്ഷണം

വെറും വയറ്റിൽ ഉലുവ വെള്ളം കുടിക്കുന്നത് ഗുണം ചെയ്യുമോ?

ഉലുവ വെള്ളം കുടിക്കുന്നത് ദഹനത്തെ സഹായിക്കുകയും കുറച്ച് നാരുകൾ നൽകുകയും ചെയ്തേക്കാം, പക്ഷേ രക്തത്തിലെ പഞ്ചസാരയുടെ അളവ് ഗണ്യമായി കുറയ്ക്കുന്നതിൽ അത്ര ഫലപ്രദമാകാൻ സാധ്യതയില്ല. മരുന്നുകൾക്കോ ​​മറ്റ് പ്രമേഹ നിയന്ത്രണ മാർഗങ്ങൾക്കോ ​​പകരമാകാൻ ഉലുവ വെള്ളത്തിന് കഴിയില്ലെങ്കിലും, ദിനചര്യയുടെ ഭാഗമാക്കുന്നത് ആരോഗ്യത്തിന് നല്ലതാണ്. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക. 

Read More

• ഫാറ്റി ലിവർ എന്ന നിശബ്ദ മഹാമാരി, എങ്ങനെ രോഗം തിരിച്ചറിയാം
• വയർ വൃത്തിയാക്കാനും മുടി വളരാനും ഈ വെള്ളം കുടിക്കൂ