വേനൽകാലത്ത് ദിവസം ആരംഭിക്കാൻ, ഏറ്റവും മികച്ച പാനീയങ്ങൾ

കാലാവസ്ഥയും ഋതുക്കളും മാറുന്നതനുസരിച്ച് നമ്മുടെ ശരീരത്തിന് ആവശ്യമായ പോഷകങ്ങളും വ്യത്യാസപ്പെടുന്നു. അതിനായി ഭക്ഷണങ്ങളിൽ മാറ്റം വരുത്തുന്നതുപോലെ പ്രധാനമാണ് പോഷക സമ്പുഷ്ടമായ ചില പാനീയങ്ങളും തിരഞ്ഞെടുക്കുക എന്നത്. ചൂടുകാലത്ത് ശരീരത്തിലെ ജലാംശം നിലനിർത്താൻ ധാരാളം വെള്ളം കുടിക്കേണ്ടത് അത്യന്താപേക്ഷിതമാണ്. അതുപോലെ തന്നെ ആരോഗ്യകരമായ പോഷകങ്ങൾ അടങ്ങിയ പാനീയങ്ങൾ കുടിക്കുന്നതും പ്രധാനമാണെന്നാണ് പോഷകാഹാര വിദഗ്ധർ അഭിപ്രായപ്പെടുന്നത്.

വേനൽകാലത്ത് കുടിക്കേണ്ട മികച്ച പാനീയങ്ങൾ

തേങ്ങ വെള്ളം
ദഹനം വർധിപ്പിക്കാൻ സഹായിക്കുന്ന, ഒരു മികച്ച ജലാംശം നിലനിർത്തുന്ന പാനീയമാണ് തേങ്ങ വെള്ളം. ഊർജം വർധിപ്പിക്കാനായി വ്യായാമത്തിന് മുൻപ് തേങ്ങവെള്ളം കുടിക്കുന്നത് ഗുണകരമാണ്. പൊട്ടാസ്യം, സോഡിയം, മഗ്നീഷ്യം തുടങ്ങിയ ഇലക്‌ട്രോലൈറ്റുകളാൽ സമ്പുഷ്ടമായ പ്രകൃതിദത്ത ഐസോടോണിക് പാനീയമാണ് തേങ്ങാവെള്ളം. ഇത് ജലാംശം ശരാരത്തിലെത്തിക്കുന്നതിനുള്ള മികച്ച തിരഞ്ഞെടുപ്പാണ്, ഡയറ്റീഷ്യൻ ലവ്‌നീത് ബത്ര പറയുഞ്ഞു.

നെല്ലിക്ക, ഇഞ്ചി ഷോട്ട്
1 ടീസ്പൂൺ ഇഞ്ചിനീരിൽ 30 മില്ലി നെല്ലിക്കാ ജ്യൂസ് കലർത്തി കഴിക്കുന്നത്, കാലാവസ്ഥ വ്യതിയാനത്തിന് ആനുസൃതമായി പ്രതിരോധശോഷി വർധിപ്പിക്കുന്നു. രക്തത്തിലെ പഞ്ചസാര സ്ഥിരപ്പെടുത്താൻ ശ്രമിക്കുന്ന വ്യക്തികൾക്ക് ഈ പാനിയം മികച്ച തിരഞ്ഞെടുപ്പാണെന്നാണ്. ഇഞ്ചി, ആൻറി-ഇൻഫ്ലമേറ്ററി, ദഹന ഗുണങ്ങൾക്ക് പേരുകേട്ടതാണ്. ഇത് ദഹനത്തെ സഹായിക്കുകയും ദഹനനാളത്തിലെ അസ്വസ്ഥതകൾ ശമിപ്പിക്കുകയും ചെയ്യുന്നു, ലവ്‌നീത് പറയുന്നത്.

View this post on Instagram

A post shared by Lovneet Batra (@lovneetb)

കുമ്പളങ്ങ നീര്
രാത്രിയിൽ വയറു വീർക്കുക്കയും, അസിഡിറ്റി, മലബന്ധം തുടങ്ങിയ ദഹനപ്രശ്നങ്ങളുണ്ടാകുകയും ചെയ്യുന്നവർ ദിവസവും രാവിലെ കുമ്പളങ്ങ ജ്യൂസ് കുടിക്കുന്നത് ഗുണകരമാണ്. കൂടാതെ ശരീരത്തെ തണുപ്പിക്കുന്ന ഗുണങ്ങൾക്കും പേരുകേട്ട ഒന്നാണ് കുമ്പളങ്ങ. ഇത് ചൂടുള്ള കാലാവസ്ഥയിൽ, ശരീരത്തിൻ്റെ താപനില സന്തുലിതമാക്കുന്നതിന് അനുയോജ്യമാണ്. ഇവയിലെ ഉയർന്ന ഫൈബർ ഉള്ളടക്കം, ദഹനത്തെ സഹായിക്കുകയും സംതൃപ്തി വർദ്ധിപ്പിക്കുകയും ശരീരഭാരം നിയന്ത്രിക്കാൻ സഹായമാകുകയും ചെയ്യുന്നു, സീനിയർ ഡയറ്റീഷ്യനായ നേഹ സിൻഹ പറഞ്ഞു.

Read More

• രാവിലെ കറിവേപ്പില വെള്ളം കുടിക്കൂ, ആരോഗ്യ ഗുണങ്ങൾ അറിയാം
• നിങ്ങളുടെ ഡയറ്റിൽ വെള്ളരിയുടെ പ്രധാന്യമെന്ത്?
• തലച്ചോറിന്റെ ആരോഗ്യത്തിന് കഴിക്കാം മത്തങ്ങ വിത്തുകൾ
• ഏത്തപ്പഴം കഴിച്ചാൽ ശരീരം ഭാരം കുറയുമോ അതോ കൂടുമോ?