മലബന്ധം കൊണ്ട് ബുദ്ധിമുട്ടിയോ? വെറും 2 കിവി മതി

മലബന്ധം പലരെയും അലട്ടുന്ന ഒരു സാധാരണ ദഹനപ്രശ്നമാണ്. നാരുകൾ കുറഞ്ഞ ഭക്ഷണക്രമം, കൊഴുപ്പ് കൂടുതലുള്ള ഭക്ഷണക്രമം, സമ്മർദം അല്ലെങ്കിൽ ജലാംശത്തിന്റെ കുറവ് തുടങ്ങിയ നിരവധി ഘടകങ്ങൾ മലബന്ധത്തിന് കാരണമാകാം. മലബന്ധം മൂലം ബുദ്ധിമുട്ടുന്നുണ്ടെങ്കിൽ, കിവി കഴിക്കുന്നത് ആശ്വാസം നൽകും. ഒരു ദിവസം രണ്ട് കിവി കഴിക്കുന്നത് മലബന്ധം ഒഴിവാക്കാൻ സഹായിക്കുമെന്ന് ന്യൂട്രീഷ്യനിസ്റ്റ് ഡൊമിനിക് ലുഡ്‌വിഗ് ഇൻസ്റ്റഗ്രാം വീഡിയോയിൽ വ്യക്തമാക്കി.

കിവി കഴിക്കുന്നത് മലബന്ധത്തിനുള്ള ഒരു സ്വാഭാവിക പരിഹാരമാണ്. മലത്തിന്റെ കാഠിന്യം കുറച്ച് അവ മൃദുവാക്കാനും, ദഹനം മെച്ചപ്പെടുത്താനും, മലശോധന എളുപ്പമാക്കാനും കിവി  സഹായിക്കുമെന്ന് പഠനങ്ങൾ കാണിക്കുന്നു. മലബന്ധം ഒഴിവാക്കുന്നതിനും മലവിസർജനം എളുപ്പമാക്കുന്നതിനും ദിവസവും രണ്ട് കിവി പഴം കഴിക്കുന്നത് സഹായിക്കുമെന്ന് 2022-ൽ നടത്തിയ ഒരു പഠനത്തിൽ കണ്ടെത്തി. 2019-ൽ നടത്തിയ മറ്റൊരു പഠനത്തിൽ മലം മൃദുവാക്കാനും, സുഗമമായ മലവിസർജനത്തിനും കിവി പഴം സഹായിക്കുന്നുവെന്ന് കണ്ടെത്തി. 

കിവിയിൽ ലയിക്കുന്നതും ലയിക്കാത്തതുമായ നാരുകൾ അടങ്ങിയിട്ടുണ്ട്. ഇത് കുടലിന്റെ ആരോഗ്യത്തിന് സഹായിക്കുന്നു. കിവിയിൽ കാണപ്പെടുന്ന ലയിക്കുന്ന നാരുകൾ കുടലിലെ സൂക്ഷ്മാണുക്കളുടെ വളർച്ചയെ സഹായിക്കുകയും മലശോധന എളുപ്പമാക്കുകയും ചെയ്യുന്നു. കിവി തൊലിയോടൊപ്പം കഴിക്കുന്നതാണ് നല്ലത്. കിവിയുടെ തൊലിയിൽ ലയിക്കാത്ത നാരുകൾ അടങ്ങിയിട്ടുണ്ട്, ഇത് മലവിസർജനം സുഗമമാക്കാൻ സഹായിക്കും. കിവി എപ്പോഴും നന്നായി കഴുകി വൃത്തിയാക്കിയശേഷം മാത്രമേ തൊലിയോടുകൂടി കഴിക്കാവൂ. 

View this post on Instagram

A post shared by Dominique Ludwig Nutritionist MSc (@dominiqueludwig_nutrition)

കിവിയിൽ ആക്ടിനിഡിൻ അടങ്ങിയിട്ടുണ്ട്. ഇവ ഭക്ഷണം ദഹിപ്പിക്കാൻ സഹായിക്കുന്ന, ദഹനം മെച്ചപ്പെടുത്തുന്ന, കുടലുകുടെ പ്രവർത്തനത്തെ ഉത്തേജിപ്പിക്കുന്ന ഒരു പ്രകൃതിദത്ത ദഹന എൻസൈമാണ്. ഈ എൻസൈം കുടലിന്റെ പ്രവർത്തനം വർധിപ്പിക്കുകയും മൊത്തത്തിലുള്ള ദഹനാരോഗ്യത്തെ പിന്തുണയ്ക്കുകയും ചെയ്യുന്നു. ദൈനംദിന ഭക്ഷണത്തിൽ കിവി ഉൾപ്പെടുത്തുന്നത് കുടലിന്റെ ആരോഗ്യത്തെ സഹായിക്കുകയും മലബന്ധം സ്വാഭാവികമായി അകറ്റുകയും ചെയ്യും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• വണ്ണം കുറയ്ക്കാൻ ആഗ്രഹമുണ്ടോ? ഈ 10 ഭക്ഷണങ്ങൾ കഴിക്കുന്നത് നിർത്തണമെന്ന് ന്യൂട്രീഷ്യനിസ്റ്റ്
• രാവിലത്തെ നടത്തമോ വൈകിട്ടത്തെ ഓട്ടമോ? ഹൃദയാരോഗ്യത്തിന് ഗുണകരം ഏതാണ്? 
• ദിവസവും പച്ച മാങ്ങ കഴിച്ചാൽ ശരീരത്തിന് എന്ത് സംഭവിക്കും?
• സുഗന്ധം പരത്തും പനിക്കൂർക്കയുടെ ഉപയോഗം ഇവയാണ്