59-ാം വയസിൽ പുകവലി ഉപേക്ഷിച്ച് ഷാരൂഖ് ഖാൻ; ആരോഗ്യത്തെ എങ്ങനെ ബാധിക്കും?

ഒരിക്കൽ ചെയിൻ സ്മോക്കർ ആയിരുന്ന ഷാരൂഖ് ഖാൻ പുകവലി പൂർണമായും ഉപേക്ഷിക്കുകയാണെന്ന് അടുത്തിടെയാണ് അറിയിച്ചത്. തന്റെ 59-ാം ജന്മദിനത്തിൽ ബാന്ദ്രയിൽ ഫാൻസ് ക്ലബ്ബുകൾ സംഘടിപ്പിച്ച ഒരു പരിപാടിയിലാണ് ഷാരൂഖ് ഇക്കാര്യം അറിയിച്ചത്. “ഞാൻ ഇനി പുകവലിക്കില്ല. പുകവലി ഉപേക്ഷിച്ചാൽ എനിക്ക് ശ്വാസംമുട്ടൽ അനുഭവപ്പെടില്ലെന്ന് ഞാൻ കരുതി, പക്ഷേ ഇപ്പോഴും എനിക്ക് അത് അനുഭവപ്പെടുന്നു. ദൈവത്തിന്റെ കാരുണ്യത്താൽ അതും ശരിയാകും,'' ഷാരൂഖ് പരിപാടിയിൽ പറഞ്ഞു.

പുകവലി ഉപേക്ഷിക്കുന്നത് ജീവിത നിലവാരവും ദീർഘായുസും വർധിപ്പിക്കുന്നത് അടക്കം നിരവധി ആരോഗ്യ ആനുകൂല്യങ്ങൾ നൽകുന്നുവെന്ന് മുംബൈയിലെ കോകിലാബെൻ ധീരുഭായ് അംബാനി ഹോസ്പിറ്റലിലെ ഡോ.സുമീത് സിംഘാനിയ അഭിപ്രായപ്പെട്ടു. ഒരാൾ എത്ര വൈകി പുകവലി നിർത്തിയാലും ആരോഗ്യ ഗുണങ്ങൾ ലഭിക്കുമെന്ന് അദ്ദേഹം വ്യക്തമാക്കി.

ഷാരൂഖിനെ സംബന്ധിച്ചിടത്തോളം, ഈ തീരുമാനം അദ്ദേഹത്തിന്റെ ഊർജ നിലകളിലും ശ്വാസകോശ സംബന്ധമായ ആരോഗ്യപ്രശ്നങ്ങൾ പരിഹരിക്കുന്നതിനും സഹായിക്കും. പുകവലി ഉപേക്ഷിക്കുന്നവരിൽ പിന്നീടുള്ള ജീവിതത്തിൽ പോലും, സ്ട്രോക്ക്, ഹൃദയാഘാതം, വിട്ടുമാറാത്ത അണുബാധകൾ തുടങ്ങിയ ഗുരുതരമായ ആരോഗ്യപ്രശ്നങ്ങൾക്കുള്ള സാധ്യത കുറയ്ക്കുമെന്ന് ഗവേഷണങ്ങൾ കാണിക്കുന്നു. പുകവലി ഉപേക്ഷിക്കുന്ന പ്രായമായവർക്ക് കാലക്രമേണ ശ്വസന സംബന്ധമായ പ്രശ്നങ്ങൾ കുറയുന്നു, ഹൃദയാരോഗ്യം മെച്ചപ്പെടുന്നു, ഗുരുതരമായ ആരോഗ്യപ്രശ്നങ്ങൾക്കുള്ള സാധ്യത കുറയുന്നുവെന്ന് ഡോ.സിംഘാനിയ പറഞ്ഞു.

View this post on Instagram

A post shared by Shah Rukh Khan Universe (@srkuniversefc)

പുകവലി ഉപേക്ഷിക്കുന്നവരിൽ ശ്വാസകോശത്തിലും തൊണ്ടയിലും കാൻസറുകൾ ഉണ്ടാകാനുള്ള സാധ്യത ഗണ്യമായി കുറയുന്നു. പുകവലി നിർത്തിയവർക്ക് മെച്ചപ്പെട്ട മാനസികാവസ്ഥ, അണുബാധകളെ മികച്ച രീതിയിൽ പ്രതിരോധിക്കാൻ കഴിയുന്ന ശക്തമായ രോഗപ്രതിരോധ ശേഷി എന്നിവയ്ക്ക് മരുന്നുകളെ ആശ്രയിക്കുന്നത് കുറയുന്നതായി പഠനങ്ങൾ കാണിക്കുന്നുവെന്ന് അദ്ദേഹം പറഞ്ഞു.

ചെറുപ്പത്തിൽ തന്നെ പുകവലി ഉപേക്ഷിക്കുമ്പോഴാണ് കൂടുതൽ ആരോഗ്യ ഗുണങ്ങൾ ലഭിക്കുന്നതെന്ന് ഡോ സിംഘാനിയ ചൂണ്ടിക്കാട്ടി. എങ്കിലും, എപ്പോൾ നിർത്തിയാലും ഉപേക്ഷിക്കുന്നതിന്റെ ഗുണങ്ങൾ നിലനിൽക്കുമെന്ന് അദ്ദേഹം വ്യക്തമാക്കി.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• തണുപ്പുള്ള മാസങ്ങളിൽ ബദാം, ഉണക്കമുന്തിരി കുതിർത്ത് കഴിക്കാമോ?
• ടൈപ്പ് 2 പ്രമേഹ സാധ്യത കുറയ്ക്കാനും ഹൃദയാരോഗ്യം മെച്ചപ്പെടുത്താനും അവോക്കാഡോയ്ക്ക് കഴിയുമോ?
• ഉപ്പ് കഴിക്കുന്നത് കുറയ്ക്കൂ; ഹൃദയാഘാത മരണങ്ങളും വൃക്ക രോഗങ്ങളും കുറയ്ക്കാമെന്ന് ഡബ്ല്യുഎച്ച്ഒ
• പഴങ്ങൾ കഴിക്കുമ്പോഴും പച്ചക്കറി ജ്യൂസ് കുടിക്കുമ്പോഴും ഈ 5 കാര്യങ്ങൾ ശ്രദ്ധിക്കുക