പഴങ്ങൾ കഴിക്കുമ്പോഴും പച്ചക്കറി ജ്യൂസ് കുടിക്കുമ്പോഴും ഈ 5 കാര്യങ്ങൾ ശ്രദ്ധിക്കുക

പഴങ്ങളും പച്ചക്കറി ജ്യൂസുകളും ആരോഗ്യത്തിന് ഏറെ ഗുണം ചെയ്യുന്നതാണ്. ദിവസവും അവ കഴിക്കുന്നത് ആരോഗ്യത്തിന് പ്രധാനമാണ്. അവ അവശ്യ വിറ്റാമിനുകളും ധാതുക്കളും ആന്റിഓക്‌സിഡന്റുകളും നാരുകളും പോലുള്ള മറ്റ് പോഷകങ്ങളും നൽകുന്നു.

പഴങ്ങളും പച്ചക്കറികളും പതിവായി കഴിക്കുന്നത് പല രോഗാവസ്ഥകളെയും ചെറുക്കാൻ സഹായിക്കും. ഇവ രണ്ടും ദൈനംദിന ഭക്ഷണത്തിൽ ഉൾപ്പെടുത്തുന്നത് ഊർജം നൽകാനും ദഹനം മെച്ചപ്പെടുത്താനും സഹായിക്കും. പഴങ്ങളിൽനിന്നും പച്ചക്കറികളിൽനിന്നും പരമാവധി പ്രയോജനങ്ങൾ ലഭിക്കുന്നതിന് അവ കഴിക്കുന്നതിനു മുൻപായി ചില കാര്യങ്ങൾ ശ്രദ്ധിക്കണം.

പഴങ്ങൾ മാത്രമായിട്ട് കഴിക്കുക അല്ലെങ്കിൽ ഭക്ഷണത്തിന് മുൻപായി കഴിക്കുക

വെറും വയറ്റിലോ ഭക്ഷണത്തിന് മുമ്പോ പഴങ്ങൾ കഴിക്കുന്നത് ദഹനപ്രക്രിയയും പോഷകങ്ങളുടെ ആഗിരണവും മെച്ചപ്പെടുത്തും. കാരണം, പഴങ്ങൾ മറ്റ് ഭക്ഷണങ്ങളെ അപേക്ഷിച്ച് വേഗത്തിൽ ദഹിക്കുന്നു, ഭക്ഷണത്തോടൊപ്പമോ ശേഷമോ കഴിക്കുന്നത് ചിലരിൽ വയർവീർക്കലിന് കാരണമാകും.

നല്ല ഫ്രഷായതും സീസണൽ പഴങ്ങളും തിരഞ്ഞെടുക്കുക

നല്ല ഫ്രഷായതും സീസണൽ പഴങ്ങളിലും പച്ചക്കറികളിലും ഉയർന്ന പോഷകമൂല്യമുണ്ട്. മികച്ച രുചിക്കും ആരോഗ്യത്തിനും വേണ്ടിയുള്ള പ്രാദേശികമായി ലഭ്യമായവയ്ക്ക് മുൻഗണന നൽകുക.

ജ്യൂസുകളിൽ പഞ്ചസാര ചേർക്കുന്നത് ഒഴിവാക്കുക

പഞ്ചസാരയോ പ്രിസർവേറ്റീവുകളോ ചേർക്കാതെ പച്ചക്കറി ജ്യൂസുകൾ കുടിക്കുന്നതാണ് ആരോഗ്യത്തിന് നല്ലത്. മധുരം ഇഷ്ടപ്പെടുന്നുവെങ്കിൽ, പഞ്ചസാരയ്ക്ക് പകരം ചെറിയ അളവിൽ ആപ്പിൾ അല്ലെങ്കിൽ കാരറ്റ് ചേർക്കുക.

പഴങ്ങളും പച്ചക്കറികളും തുല്യ അളവിൽ കഴിക്കാൻ ശ്രദ്ധിക്കുക

പഴങ്ങൾ അത്യാവശ്യമാണെങ്കിലും അവയിൽ പ്രകൃതിദത്തമായ പഞ്ചസാരയും അടങ്ങിയിട്ടുണ്ട്. പഴങ്ങളും പച്ചക്കറികളും ശരിയായ അളവിൽ കഴിക്കുന്നത് രക്തത്തിലെ പഞ്ചസാരയുടെ അളവ് നിലനിർത്തും. പ്രത്യേകിച്ച്, മാമ്പഴം അല്ലെങ്കിൽ പൈനാപ്പിൾ പോലുള്ള ഉയർന്ന പഞ്ചസാരയുള്ള പഴച്ചാറുകൾ കുടിക്കുകയാണെങ്കിൽ.

പച്ചക്കറി കോമ്പിനേഷനുകൾ പരീക്ഷിക്കുക

വിവിധ പച്ചക്കറികൾ ഒരുമിച്ച് ചേർക്കുന്നത് രുചിയും പോഷക വൈവിധ്യവും മെച്ചപ്പെടുത്തും. പോഷകങ്ങൾ നിറഞ്ഞ പാനീയത്തിനായി സെലറി, സ്പിനച്, കുക്കുമ്പർ എന്നിവയ്ക്കൊപ്പം നാരങ്ങ നീരോ ഇഞ്ചിയോ ചേർക്കുക.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• രക്തത്തിലെ പഞ്ചസാരയുടെ അളവ് നിയന്ത്രിക്കണോ? ഈ ഭക്ഷണങ്ങൾ കഴിക്കാം
• വീട്ടിൽ ബിപി പരിശോധിക്കുകൾ ഈ തെറ്റുകൾ ഒഴിവാക്കുക
• ദിവസവും രാവിലെ തുളസി ഇല കഴിക്കൂ, ആരോഗ്യ ഗുണങ്ങളേറെ
• ആർത്തവപ്രശ്നങ്ങളാൽ ബുദ്ധിമുട്ടുകയാണോ? പരിഹാരം ഈ ഭക്ഷണങ്ങൾ