വൃക്കയിലെ കല്ലുകളോ? ചായയ്ക്ക് പകരം ഈ ജ്യൂസ് കുടിക്കുക

ശരീരത്തിൽ ജലാംശം കുറയുമ്പോഴും ഉപ്പ്, പഞ്ചസാര, മാംസം, ഓക്സലേറ്റ് അടങ്ങിയ ഭക്ഷണങ്ങൾ അമിതമായി കഴിക്കുമ്പോഴും വൃക്കയിൽ കല്ലുകൾ ഉണ്ടാകാം. ശരീരത്തിന് ആവശ്യമുള്ള അളവിൽ ധാതുക്കളും ലവണങ്ങളും ഉപയോഗിച്ചശേഷം ബാക്കിയുള്ളത് വൃക്കകൾ അരിച്ചുമാറ്റി മൂത്രത്തിലൂടെ ശരീരത്തിന്റെ പുറത്തേക്ക് കളയുകയാണ് പതിവ്. ഈ സമയത്ത് കാൽസ്യം, ഫോസ്‌ഫേറ്റ്, ഓക്‌സലേറ്റ്, യൂറിക് ആസിഡ് തുടങ്ങിയ ലവണങ്ങളുടെ ചെറിയ തരികൾ വൃക്കയിൽ പരലുകളായി രൂപപ്പെടും. ചെറിയ പരലുകൾ മൂത്രത്തിലൂടെ പുറത്തേക്ക് പോകും. എന്നാൽ ഈ പരലുകൾക്ക് വലുപ്പം കൂടുമ്പോൾ അവ കുടുങ്ങിക്കിടക്കും. അപ്പോഴാണ് വൃക്കയിലെ കല്ലുകളുടെ രോഗലക്ഷണങ്ങൾ കണ്ടു തുടങ്ങുന്നത്.

Also Read: കാപ്പി കുടിച്ച് ഗുണങ്ങൾ നേടണോ? ഈ 3 തെറ്റുകൾ ഒഴിവാക്കൂ

വൃക്കയിലെ കല്ലുകൾ അകറ്റാൻ ആവശ്യത്തിന് വെള്ളം കുടിക്കേണ്ടതുണ്ടെന്ന് ഡോ.ശിവരാമൻ പറഞ്ഞു. വൃക്കയിൽ കല്ലുള്ളവർക്കും അവ ഉണ്ടാകുന്നത് തടയാൻ ആഗ്രഹിക്കുന്നവർക്കും ലളിതവും ഫലപ്രദവുമായ ഒരു ടിപ്സ് അദ്ദേഹം പറഞ്ഞിട്ടുണ്ട്. ദിവസവും കുടിക്കുന്ന ചായയ്ക്ക് പകരം നെല്ലിക്ക ജ്യൂസ് കുടിക്കുന്നത് പിത്തരസം കുറയ്ക്കാനും വൃക്കയിലെ കല്ലുകൾ ഉണ്ടാകുന്നത് തടയാനും സഹായിക്കുമെന്ന് അദ്ദേഹം പറഞ്ഞു.

Also Read: ഉലുവ വെള്ളം കുടിക്കേണ്ടത് എങ്ങനെ? തിളപ്പിച്ചോ കുതിർത്തോ?

രാവിലെ ചായ കുടിക്കുന്നത് പിത്തം വർധിപ്പിക്കുന്ന ഒന്നാണ്. പകരം, രണ്ട് വലിയ നെല്ലിക്ക കുരുക്കൾ നീക്കം ചെയ്ത് ജ്യൂസ് ആക്കി കുടിക്കാം. ജ്യൂസിൽ തേൻ, ഉപ്പ്, പഞ്ചസാര എന്നിവ ചേർക്കേണ്ടതില്ല. നെല്ലിക്ക ജ്യൂസ് വളരെ നേർപ്പിച്ച രൂപത്തിലാണ് കുടിക്കേണ്ടത്. രാവിലെ ഒരു ഗ്ലാസ് കുടിക്കണം. ഇതിലൂടെ ശരീരത്തിലെ പിത്തരസത്തിന്റെ അളവ് നന്നായി കുറയും. പിത്താശയക്കല്ല് തടയുന്നതിനും ചെറിയ കല്ലുകൾ അലിയിക്കുന്നതിനും ഇതൊരു മികച്ച പ്രഭാത പാനീയമാണ്.

Also Read: വയറിലെ കൊഴുപ്പ് കുറച്ച് അരക്കെട്ട് ഭംഗിയാക്കാം; ഉറക്കം ഉണർന്നതും ഈ 5 കാര്യങ്ങൾ ചെയ്യൂ

ദിവസവും കുറഞ്ഞത് 8-10 ഗ്ലാസ് വെള്ളം കുടിക്കുന്നത് കല്ല് രൂപപ്പെടാനുള്ള സാധ്യത കുറയ്ക്കും. ഉപ്പ്, പഞ്ചസാര, സംസ്കരിച്ച ഭക്ഷണങ്ങൾ എന്നിവ കുറയ്ക്കുന്നതും പഴങ്ങളുടെയും പച്ചക്കറികളുടെയും ഉപഭോഗം വർധിപ്പിക്കുന്നതും സഹായിക്കും. ഓക്സലേറ്റ് കൂടുതലുള്ള ഭക്ഷണങ്ങൾ പരിമിതപ്പെടുത്തുന്നത് ചില ആളുകളെ സഹായിച്ചേക്കാം. നാരങ്ങ, ഓറഞ്ച്, മുന്തിരി തുടങ്ങിയ സിട്രസ് പഴങ്ങളിൽ കാണപ്പെടുന്ന സിട്രേറ്റ് കല്ല് രൂപപ്പെടുന്നത് കുറയ്ക്കാൻ സഹായിക്കുമെന്ന് ഡോ.ശിവരാമൻ പറഞ്ഞു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: മുട്ട കഴിച്ചാൽ വണ്ണം കൂടുമോ? ഒരു ദിവസം എത്ര കഴിക്കാം