11 മണിക്ക് മുൻപായി ഉറങ്ങുക, ഉച്ചഭക്ഷണത്തിനൊപ്പം അച്ചാർ കഴിക്കുക; 5 കിലോ കുറയ്ക്കാനുള്ള സിംപിൾ വഴികൾ

കൊഴുപ്പ് കുറയ്ക്കുന്നതിനും പേശികളുടെ വളർച്ചയ്ക്കും സഹായിക്കുന്ന മികച്ച ഭക്ഷണക്രമത്തിലും ജീവിതശൈലിയിലും ശ്രദ്ധിക്കുന്നതിലൂടെ ശരീര ഭാരം എളുപ്പത്തിൽ കുറയ്ക്കാൻ സാധിക്കും. ശരീര ഭാരം കുറയ്ക്കാൻ ശ്രമിക്കുന്നവർ എന്ത് കഴിക്കണം, എന്തൊക്കെ ഒഴിവാക്കണം എന്നതിനെക്കുറിച്ച് വ്യക്തമായി അറിഞ്ഞിരിക്കണം. ഇത് കൊഴുപ്പ് എരിച്ചു കളയുന്നതിനെ വേഗത്തിലാക്കുകയും ശരീര ഭാരം കുറയ്ക്കുന്നത് എളുപ്പത്തിലാക്കുകയും ചെയ്യും. 

ന്യൂട്രീഷ്യനിസ്റ്റ് റയാൻ ഫെർണാണ്ടോ ശരീര ഭാരം 5 കിലോ എളുപ്പത്തിൽ കുറയ്ക്കുന്നതിനുള്ള 5 അതിശയിപ്പിക്കുന്ന വഴികൾ ഇൻസ്റ്റഗ്രാമിൽ വിവരിച്ചിട്ടുണ്ട്.  5 കിലോ കുറയ്ക്കുന്നത് നിങ്ങൾ വിചാരിക്കുന്നതിലും എളുപ്പമാണെന്ന് റയാൻ പറയുന്നു. 

Read Also: 5 ഭക്ഷണങ്ങൾ ഒഴിവാക്കി; 4 മാസം കൊണ്ട് 25 കിലോ കുറച്ചെന്ന് യുവതി

1. ഭക്ഷണം നന്നായി ചവച്ചരച്ച് പതിയെ കഴിക്കുക

ഓരോ തവണയും ഭക്ഷണം 20 തവണയിൽ കൂടുതൽ ചവയ്ക്കണം. ഇത് തലച്ചോറിനെ വയറു നിറഞ്ഞുവെന്ന് ചിന്തിപ്പിക്കുന്നു. അതിനാൽ, കുറച്ച് ഭക്ഷണം കഴിക്കുകയും കൂടുതൽ നേരം സംതൃപ്തി നൽകുകയും ചെയ്യുന്നു.

2. ഉച്ചഭക്ഷണത്തിനൊപ്പം അച്ചാർ കഴിച്ച് തുടങ്ങുക

ഉച്ചഭക്ഷണത്തിനൊപ്പം ഒരു കഷണം അച്ചാർ കഴിക്കുന്നത് രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കുന്നു. രക്തത്തിലെ പഞ്ചസാരയുടെ പെട്ടെന്നുള്ള വർധനവ് ആസക്തിക്കും അമിത ഭക്ഷണം കഴിക്കുന്നതിനും ഇടയാക്കും. ഭക്ഷണത്തോടൊപ്പം അച്ചാറുകൾ കഴിക്കുന്നതിലൂടെ ഇത് പരിഹരിക്കാനാകും.

Also Read:3 മാസം കൊണ്ട് കുറച്ചത് 10 കിലോ; പട്ടിണി കിടന്നില്ല, ഭക്ഷണത്തിന്റെ അളവ് കുറച്ചുവെന്ന് യുവതി

3. രാത്രി 11 മണിക്ക് മുൻപായി ഉറങ്ങുക

രാത്രി 11 മണിക്ക് മുമ്പ് ഉറങ്ങുന്നത് മതിയായ ഉറക്കം ലഭിക്കാൻ സഹായിക്കുന്നു, ഇത് ശരീരത്തിലെ സ്ട്രെസ് ഹോർമോണായ കോർട്ടിസോൾ കുറയ്ക്കാൻ സഹായിക്കുന്നു. ശരീരത്തിൽ കോർട്ടിസോളിന്റെ ഉയർന്ന അളവ് കൂടുതൽ സമ്മർദത്തിലേക്ക് നയിച്ചേക്കാം, ഇത് ശരീരഭാരം കുറയ്ക്കുന്നത് മന്ദഗതിയിലാക്കും.

4. ഭക്ഷണം കഴിക്കുമ്പോൾ ടിവിയോ മൊബൈലോ വേണ്ട

സ്ക്രോൾ ചെയ്ത് ഭക്ഷണം കഴിക്കുമ്പോൾ അമിതമായി ഭക്ഷണം കഴിക്കാനുള്ള പ്രവണതയുണ്ട്. സ്‌ക്രീനിൽ നോക്കിയിരിക്കുമ്പോൾ തലച്ചോറിന് വയർ നിറഞ്ഞുവെന്ന സിഗ്നൽ നൽകാൻ കഴിയില്ല. ഭക്ഷണം കഴിക്കുമ്പോൾ സ്ക്രീൻ ഒഴിവാക്കുന്നത് കൂടുതൽ ശ്രദ്ധയോടെ പതിയെ ഭക്ഷണം കഴിക്കാൻ സഹായിക്കും.

View this post on Instagram

A post shared by Ryan Fernando (@ryan_nutrition_coach)

5. 12 മണിക്കൂർ ഭക്ഷണ സമയം നിലനിർത്തുക

വയറിന് വിശ്രമം നൽകുമ്പോൾ, വേഗത്തിലുള്ള ഉപാപചയപ്രവർത്തനത്തിന് സഹായിക്കുന്നു. ഇത് കൂടുതൽ കൊഴുപ്പ് എരിച്ചുകളയാൻ കാരണമാകുന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Red More

• വീട്ടിലെ ഭക്ഷണം മാത്രം കഴിച്ചു, 101 കിലോയിൽനിന്ന് 62 കിലോയായി വണ്ണം കുറച്ച് 24കാരി
• ദിവസവും നടന്നിട്ടും ശരീരഭാരം കുറയുന്നില്ലേ? ഈ തെറ്റുകൾ തിരിച്ചറിയുക