തൈറോയ്ഡ് പ്രശ്നമുണ്ടോ? ഈ പ്രകൃതിദത്ത പാനീയങ്ങൾ കുടിച്ചോളൂ

തൈറോയ്ഡ് ഗ്രന്ഥി ശരിയായ അളവിൽ ഹോർമോണുകൾ ഉത്പാദിപ്പിക്കുന്നതെ വരുമ്പോൾ ഉണ്ടാകുന്ന രോഗാവസ്ഥയാണ് തൈറോയ്ഡ്. കഴുത്തിന്റെ അടിഭാഗത്ത് സ്ഥിതി ചെയ്യുന്ന ചെറിയ ചിത്രശലഭത്തിന്റെ ആകൃതിയിലുള്ള അവയവമായ തൈറോയ്ഡ് ഗ്രന്ഥി, വിവിധ ശാരീരിക പ്രവർത്തനങ്ങളെ നിയന്ത്രിക്കുന്നതിൽ നിർണായക പങ്ക് വഹിക്കുന്നുണ്ട്. ചില പ്രകൃതിദത്ത പാനീയങ്ങൾ തൈറോയ്ഡ് പ്രവർത്തനത്തിന് സഹായിക്കും. 

നാരങ്ങ വെള്ളം

രാവിലെ ഒരു ഗ്ലാസ് ചെറുചൂടുള്ള നാരങ്ങ വെള്ളം കുടിക്കുന്നത് ദഹനം മെച്ചപ്പെടുത്താനും കരളിലെ വിഷാംശം നീക്കം ചെയ്യാനും സഹായിക്കും. ഇവ രണ്ടും തൈറോയ്ഡ് പ്രവർത്തനത്തിന് പ്രധാനമാണ്.

ആപ്പിൾ സിഡെർ വിനെഗർ

ആപ്പിൾ സിഡെർ വിനെഗർ ദഹനം മെച്ചപ്പെടുത്തുന്നു, കരളിലെ വിഷാംശം നീക്കം ചെയ്യുന്നു, രക്തത്തിലെ പഞ്ചസാരയുടെ അളവ് നിലനിർത്തുന്നു. തൈറോയ്ഡ് ആരോഗ്യത്തിന് അത്യാവശ്യമായ അയോഡിൻ ആഗിരണം ചെയ്യുന്നതിനെ സഹായിക്കുന്നു.

ബട്ടർമിൽക്ക്

ബട്ടർമിൽക്ക് പ്രോബയോട്ടിക്‌സിന്റെ ഉറവിടമാണ്. തൈറോയ്ഡ് രോഗത്തിന്റെ പ്രധാന കാരണമായ വീക്കം കുറയ്ക്കുന്നു.

ഹെർബൽ ടീ

ഹെർബൽ ടീകൾ തൈറോയ്ഡ് പ്രവർത്തനം നിയന്ത്രിക്കാൻ സഹായിക്കുന്നു. കൂടാതെ, തൈറോയ്ഡ് ആരോഗ്യത്തിന് പ്രധാനമായ സമ്മർദ്ദം നിയന്ത്രിക്കുന്നു.

ഗ്രീൻ ടീ

ഗ്രീൻ ടീയിൽ അടങ്ങിയിരിക്കുന്ന ആന്റിഓക്‌സിഡന്റുകൾ തൈറോയ്ഡ് ആരോഗ്യത്തിന് ഗുണം ചെയ്യുന്നു. ഉപാപചയപ്രവർത്തനം വർധിപ്പിക്കുകയും ഭാരം നിയന്ത്രിക്കാൻ സഹായിക്കുകയും ചെയ്യുന്നു.

തേങ്ങാവെള്ളം

തേങ്ങാവെള്ളത്തിൽ ഇലക്ട്രോലൈറ്റുകൾ ധാരാളം അടങ്ങിയിട്ടുണ്ട്. ഇത് ശരീരത്തിലെ ജലാംശം നിലനിർത്തുകയും തൈറോയ്ഡ് ഹോർമോൺ ഉത്പാദനം സന്തുലിതമാക്കുകയും ചെയ്യുന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• വയർ കുറയ്ക്കാൻ ജിമ്മിൽ പോകേണ്ട, ഇതാ 5 വഴികൾ
• പ്രമേഹമുള്ളവർ വേനൽക്കാലത്ത് കഴിക്കാൻ പാടില്ലാത്ത 8 ഭക്ഷണങ്ങൾ
• ദാഹം ശമിപ്പിക്കാൻ മാത്രമല്ല ശരീരഭാര നിയന്ത്രണത്തിനും വെള്ളം ഇങ്ങനെ കുടിക്കൂ
• അണ്ടിപരിപ്പ് ദിവസവും കഴിക്കാം, ആരോഗ്യ ഗുണങ്ങൾ ഏറെയാണ്