കട്ടൻ കാപ്പി രക്തത്തിലെ പഞ്ചസാരയുടെ അളവ് കൂട്ടുമോ?

ആരോഗ്യകരമായ ഭക്ഷണരീതിയിലും ജീവിതശൈലിയും പിന്തുടർന്നിട്ടും, ചിലരിൽ രക്തത്തിലെ പഞ്ചസാരയുടെ അളവ് പരിധിയിൽ നിലനിർത്താൻ കഴിയാറില്ല. ഇതിനുകാരണം മോശം ഉറക്കവും കഫീനുമാണ്. ഒരു ദിവസം 7 മണിക്കൂറിൽ താഴെ ഉറങ്ങുന്നതും അഞ്ചോ ആറോ കപ്പ് കട്ടൻ കാപ്പി കുടിക്കുന്നതും ബ്ലഡ് ഷുഗർ ഉയർത്തും. 

ഉറക്കവും രക്തത്തിലെ പഞ്ചസാരയുടെ വർധനവും

ആറ് മണിക്കൂറിൽ താഴെയാണ് ഉറക്കമെങ്കിൽ രക്തത്തിലെ പഞ്ചസാരയെ നിയന്ത്രിക്കാനുള്ള ശരീരത്തിന്റെ കഴിവിനെ ബാധിക്കും. മോശം ഉറക്കം ശരീരത്തിന് സമ്മർദം നൽകുന്നു. ഇതിനർത്ഥം, ശരീരം കൂടുതൽ സമ്മർദ ഹോർമോണായ കോർട്ടിസോൾ ഉത്പാദിപ്പിക്കുന്നു. രക്തത്തിലെ പഞ്ചസാരയെ നിയന്ത്രിക്കുന്ന ഹോർമോണായ ഇൻസുലിന്റെ ജോലി ചെയ്യുന്നത് കോർട്ടിസോൾ ബുദ്ധിമുട്ടാക്കുന്നു, അതായത് രക്തത്തിലെ പഞ്ചസാരയുടെ അളവ് ഉയരാം. ഭക്ഷണക്രമത്തിൽ മാറ്റം വരുത്തിയില്ലെങ്കിൽ പോലും, ഉറക്കക്കുറവ് രക്തത്തിലെ ഗ്ലൂക്കോസിനെ ഉയർത്തും. 

Also Read: 11 മണിക്ക് മുൻപായി ഉറങ്ങുക, ഉച്ചഭക്ഷണത്തിനൊപ്പം അച്ചാർ കഴിക്കുക; 5 കിലോ കുറയ്ക്കാനുള്ള സിംപിൾ വഴികൾ

പ്രമേഹമുള്ളവർക്ക് കട്ടൻ കാപ്പി നല്ലതാണോ?

മിതമായ അളവിൽ മാത്രം പ്രമേഹമുള്ളവർക്ക് കട്ടൻ കാപ്പി കുടിക്കാം. ഒരു ദിവസം ഒന്നോ രണ്ടോ കപ്പ് കുടിക്കുന്നത് സാധാരണയായി പ്രശ്‌നങ്ങൾ ഉണ്ടാക്കാറില്ല. എന്നാൽ അഞ്ചോ ആറോ കപ്പ് കുടിക്കുന്നത് വിപരീതഫലം ഉണ്ടാക്കിയേക്കാം, പ്രത്യേകിച്ച് ആവശ്യത്തിന് ഉറക്കം ലഭിക്കുന്നില്ലെങ്കിൽ. ഉയർന്ന കഫീൻ ഉപഭോഗം അഡ്രിനാലിൻ, കോർട്ടിസോൾ അളവ് വർധിപ്പിക്കുന്നു. കഫീൻ പരോക്ഷമായി രക്തത്തിലെ പഞ്ചസാരയുടെ അളവ് ഉയർത്തുന്നു.

ചിലരിൽ, പ്രത്യേകിച്ച് പ്രീ ഡയബറ്റിസ് അല്ലെങ്കിൽ ടൈപ്പ് 2 പ്രമേഹമുള്ളവരിൽ, ഉയർന്ന കഫീൻ ഉപഭോഗം ഇൻസുലിൻ സെൻസിറ്റിവിറ്റി കുറയ്ക്കുമെന്ന് പഠനങ്ങൾ സൂചിപ്പിക്കുന്നു. ഇതിനർത്ഥം, ഭക്ഷണത്തിനു ശേഷം രക്തത്തിലെ പഞ്ചസാരയുടെ അളവ് കുറയ്ക്കാൻ ശരീരത്തിന് കൂടുതൽ ഇൻസുലിൻ ആവശ്യമാണ്. ഇത് പാൻക്രിയാസിൽ അധിക സമ്മർദം ചെലുത്തുകയും ഹൈപ്പർ ഗ്ലൈസീമിയയുടെ സാധ്യത വർധിപ്പിക്കുകയും ചെയ്യുന്നു.

Also Read:ശരീര ഭാരം കുറയ്ക്കണോ? രാത്രിയിൽ ഉറങ്ങുന്നതിനു മുൻപായി ഇത് കഴിക്കൂ

ഗ്ലൂക്കോസ് മെറ്റബോളിസത്തിന് ഉറക്കം അത്യാവശ്യമാണ്. രാത്രിയിൽ കുറഞ്ഞത് ഏഴ് മുതൽ എട്ട് മണിക്കൂർ വരെ ഉറങ്ങുക. കഫീൻ ഒരു ദിവസം രണ്ട് കപ്പായി കുറയ്ക്കാൻ ശ്രമിക്കുക, ഉച്ചയ്ക്ക് 2 മണിക്ക് മുമ്പ്. രക്തത്തിലെ പഞ്ചസാരയുടെ അളവ് നിരീക്ഷിക്കുക. ഒന്നോ രണ്ടോ ആഴ്ചയ്ക്കുള്ളിൽ മാറ്റം കാണാൻ കഴിയും. ജീവിതശൈലിയിലെ ഈ ചെറിയ മാറ്റങ്ങൾ ആരോഗ്യകരമായ ജീവിതത്തിന് വളരെയധികം സഹായിക്കും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ഭക്ഷണം കഴിച്ച ശേഷമോ മുൻപോ? രാവിലെ പല്ല് തേയ്ക്കേണ്ടത് എപ്പോഴാണ്?
• ബ്ലഡ് ഷുഗർ നിയന്ത്രിക്കാം, രാവിലെ ഈ 9 കാര്യങ്ങൾ ചെയ്യൂ