ബേക്കിങ് സോഡ ആരോഗ്യത്തിന് നല്ലതാണോ?

ചില വിഭവങ്ങൾ തയ്യാറാക്കാൻ ബേക്കിങ് സോഡ ഉപയോഗിക്കാറുണ്ട്. ബേക്കിങ് സോഡ ആരോഗ്യകരമാണോയെന്ന കാര്യത്തിൽ ഇപ്പോഴും പലർക്കും സംശയമുണ്ട്. ബേക്കിങ് സോഡയുടെ നല്ലതും ചീത്തയുമായ വശങ്ങളെക്കുറിച്ച് ന്യൂട്രീഷ്യനിസ്റ്റ് അമിത ഗാദ്രെ തന്റെ ഇൻസ്റ്റഗ്രാം പേജിൽ പോസ്റ്റ് ചെയ്ത വീഡിയോയിൽ വിശദീകരിച്ചിട്ടുണ്ട്. ബേക്കിങ് സോഡയെ വിഷമായി കണക്കാക്കരുതെന്നും ചെറിയ അളവിൽ ഭക്ഷണത്തിൽ ഉൾപ്പെടുത്താമെന്ന് അവർ പറഞ്ഞിട്ടുണ്ട്.

View this post on Instagram

A post shared by Amita Gadre | Nutritionist (@amitagadre)

നല്ല ഗുണങ്ങൾ

• ബേക്കിങ് സോഡയ്ക്ക് പ്രകൃതിദത്ത ആന്റാസിഡായി പ്രവർത്തിക്കാനും വയറിലെ അധിക ആസിഡിനെ നിർവീര്യമാക്കാനും കഴിയും. ഇത് നെഞ്ചെരിച്ചിൽ, ആസിഡ് റിഫ്ലക്സ്, ദഹനക്കേട് എന്നിവയിൽ നിന്ന് താൽക്കാലിക ആശ്വാസം നൽകും.
• ബേക്കിങ് സോഡ ഭക്ഷണത്തിലെ പോഷകങ്ങളെ നശിപ്പിക്കില്ല. പയർവർഗങ്ങളിലും പരിപ്പിലും ഒരു നുള്ള് ബേക്കിങ് സോഡ ചേർത്താൽ വേഗത്തിൽ പാകം ചെയ്യാൻ സഹായിക്കും

ചീത്ത വശം

• ബേക്കിങ് സോഡയിൽ സോഡിയം കൂടുതലായതിനാൽ അമിതമായി ഉപയോഗിക്കുന്നത് ഇലക്ട്രോലൈറ്റ് അസന്തുലിതാവസ്ഥയ്ക്കും ചിലപ്പോൾ രക്താതിമർദത്തിനും കാരണമാകും.
• മിക്കവാറും എല്ലാ ദിവസവും ബേക്കിങ് സോഡ കഴിക്കുന്നത് ചിലരിൽ ആൽക്കലോസിസിലേക്ക് നയിച്ചേക്കാം, അതായത്, ഇത് ശരീരത്തിന്റെ ആസിഡ്-ബേസ് ബാലൻസ് തടസപ്പെടുത്തും. ചിലരിൽ പേശികളുടെ പിരിമുറുക്കത്തിനും ഓക്കാനം അല്ലെങ്കിൽ എഡിമയ്ക്കും കാരണമാകും.
• ചില ആളുകളിൽ ബേക്കിങ് സോഡ ഹൈപ്പോകലീമിയയ്ക്കും കാരണമാകും, അതായത്, ശരീരത്തിലെ പൊട്ടാസ്യത്തിന്റെ അളവ് കുറയുന്നു. 

Read More

• സമ്മർദം അകറ്റും, ദഹനം മെച്ചപ്പെടുത്തും; ദിവസവും പുതിന വെള്ളം കുടിച്ചാലുള്ള ഗുണങ്ങൾ
• പ്രമേഹമുള്ളവർക്ക് ഏതൊക്കെ ജ്യൂസ് കുടിക്കാൻ പാടില്ല, ഏതൊക്കെ കുടിക്കാം?
• വേനൽക്കാലത്ത് ശരീരഭാരം കുറയ്ക്കണോ? വെള്ളരിക്ക കഴിക്കൂ
• തക്കാളി കഴിക്കുമ്പോൾ ശ്രദ്ധിക്കേണ്ടത് എന്തെല്ലാം?