30 വയസ് കഴിഞ്ഞോ? ശരീര ഭാരം കുറയുന്നില്ലെങ്കിൽ ഡോക്ടറോട് ഇത് ചോദിക്കൂ

ശരീരഭാരം കുറയ്ക്കുക എന്നത് ഒരു വെല്ലുവിളി നിറഞ്ഞ കാര്യമാണ്, പ്രത്യേകിച്ച് ഒരു നിശ്ചിത പ്രായത്തിന് ശേഷം. പ്രോട്ടീനും നാരുകളും അടങ്ങിയ ആരോഗ്യകരമായ ഭക്ഷണങ്ങൾ ഉപയോഗിച്ച് നിങ്ങൾക്ക് ഭക്ഷണക്രമം ക്രമീകരിക്കാം, സ്ട്രെങ്തും കാർഡിയോ വ്യായാമങ്ങളും സംയോജിപ്പിച്ച് വ്യായാമ ദിനചര്യ ക്രമീകരിക്കാം, ദിവസവും 10,000 ചുവടുകൾ നടക്കാം. എന്നിരുന്നാലും, ശരീരത്തിനുള്ളിലെ ചില ആന്തരിക പ്രശ്നങ്ങൾ പരിഹരിക്കുന്നില്ലെങ്കിൽ, ശരീര ഭാരം കുറയ്ക്കാനുള്ള ശ്രങ്ങൾ ഉദ്ദേശിച്ച ഫലങ്ങൾ നൽകില്ല. ഇത് നിങ്ങളെ നിരാശയിലേക്ക് നയിച്ചേക്കാം.

Also Read: ഒരു മുതിർന്നയാൾ ഒരു ദിവസം എത്ര മുട്ടകൾ കഴിക്കണം? ശ്രദ്ധിക്കേണ്ടത് ആരൊക്കെ?

മെറ്റബോളിസം എന്തുകൊണ്ടാണ് നിലച്ചതെന്ന് ഡോക്ടറോട് ചോദിക്കൂ

‘'നിങ്ങൾക്ക് 30 വയസിനു മുകളിലാണ് പ്രായമെങ്കിൽ ശരീരഭാരം കുറയാത്തതിനെക്കുറിച്ച് നിങ്ങളുടെ ഡോക്ടറോട് ചോദിക്കരുത്. അവരോട് 30 വയസിനു ശേഷം, ശരീരഭാരം കുറയാത്തതിന്റെ കാരണം ചോദിക്കുന്നതിനുപകരം, നിങ്ങളുടെ മെറ്റബോളിസത്തെക്കുറിച്ച് ഡോക്ടറോട് ചോദിക്കുക,'' കാർഡിയോളജിസ്റ്റ് ഡോ. സഞ്ജയ് ഭോജ്‌രാജ് ഇൻസ്റ്റഗ്രാം പോസ്റ്റിൽ പറയുന്നു. ഇങ്ങനെ ചോദിക്കേണ്ടത് എന്തുകൊണ്ടാണെന്നും അദ്ദേഹം വിശദീകരിച്ചിട്ടുണ്ട്.

Also Read: രാവിലെ എഴുന്നേൽക്കുമ്പോൾ ഈ ജ്യൂസ് 1 ഗ്ലാസ് കുടിക്കും; 71 ലും ശരത് കുമാറിന്റെ ചെറുപ്പത്തിന്റെ രഹസ്യം

“നിങ്ങൾ എല്ലാ ഭക്ഷണക്രമങ്ങളും പരീക്ഷിച്ചിട്ടും ശരീര ഭാരം കുറയുന്നില്ലെങ്കിൽ നിങ്ങൾ അറിയേണ്ടത്: 30 വയസിനു ശേഷം നിങ്ങളുടെ മെറ്റബോളിസം മന്ദഗതിയിലാകുക മാത്രമല്ല ചെയ്യുന്നത്. നിങ്ങളുടെ ഹോർമോണുകളിൽ മാറ്റം വരുന്നു, പേശികളുടെ അളവ് കുറയുന്നു, കോശങ്ങൾ കാര്യക്ഷമമായി ഊർജം ഉത്പാദിപ്പിക്കുന്നത് നിർത്തുന്നു. ഫലം? നിങ്ങളുടെ ഭക്ഷണക്രമം എത്ര ആരോഗ്യകര'മാണെങ്കിലും കൊഴുപ്പ് കുറയ്ക്കുന്നത് കൂടുതൽ ബുദ്ധിമുട്ടാക്കുന്നു. ഇനി എനിക്ക് എങ്ങനെ ശരീരഭാരം കുറയ്ക്കാം?' എന്ന് ചോദിക്കുന്നതിന് പകരം 'എന്തുകൊണ്ടാണ് എന്റെ മെറ്റബോളിസം പ്രവർത്തിക്കുന്നത് നിർത്തിയതെന്ന്' ചോദിക്കുക. കാരണം നിങ്ങൾ അത് ശരിയാക്കുമ്പോൾ - എല്ലാം മാറുന്നു," കാർഡിയോളജിസ്റ്റ് വിശദീകരിച്ചു.

Also Read: വെജിറ്റേറിയൻ ഭക്ഷണം, തിങ്കൾ, വെള്ളി ഉപവാസം; 77 വയസിലും ബോഡി ഫിറ്റാക്കി ഹേമ മാലിനി

View this post on Instagram

A post shared by Sanjay Bhojraj MD | Functional Medicine Doctor (@doctorsanjaymd)

നിങ്ങളുടെ മെറ്റബോളിസമാണ് കുറ്റവാളിയെന്ന് കണ്ടെത്താൻ, ചില അത്യാവശ്യ ആരോഗ്യ പരിശോധനകൾ നടത്താൻ കാർഡിയോളജിസ്റ്റ് നിർദേശിച്ചു. തൈറോയ്ഡ് ആരോഗ്യം, ഇൻസുലിൻ റെസിസ്റ്റൻസ്, കോർട്ടിസോൾ ബാലൻസ് മൈറ്റോകോൺഡ്രിയൽ പിന്തുണ എന്നിവയാണ് അദ്ദേഹം നിർദേശിച്ചത്. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: രണ്ടാഴ്ചത്തേക്ക് ഉച്ചയ്ക്ക് ശേഷം പഞ്ചസാര ഒഴിവാക്കൂ, ഇതെല്ലാം സംഭവിക്കും?