എനിക്ക് അസുഖം വരുമ്പോൾ ഞാൻ ചെയ്യുന്ന 3 കാര്യങ്ങൾ; ഒരു ന്യൂട്രീഷ്യനിസ്റ്റ് പറയുന്നു

കാലാവസ്ഥ മാറുമ്പോൾ പലവിധ രോഗങ്ങൾ പിടിപെടാറുണ്ട്. ജലദോഷം, ചുമ, തൊണ്ടവേദന ഇവയൊക്കെ സീസണൽ രോഗങ്ങളാണ്. അടുത്തിടെ സെലിബ്രിറ്റി ന്യൂട്രീഷ്യനിസ്റ്റ് റയാൻ ഫെർണാണ്ടോ തനിക്ക് രോഗം വരുമ്പോൾ പ്രതിരോധശേഷി വർധിപ്പിക്കാൻ ചെയ്യുന്ന 3 കാര്യങ്ങളെക്കുറിച്ച് വിശദീകരിക്കുകയുണ്ടായി. കാലാവസ്ഥ മാറ്റം മൂലം ഇടയ്ക്കിടെ വരുന്ന ജലദോഷം, തൊണ്ടവേദന എന്നിവ വഷളാകാൻ ഞാൻ ഒരിക്കലും കാത്തിരിക്കാറില്ല. ഞാൻ ചെയ്യുന്ന 3 കാര്യങ്ങൾ ഇവയാണ് എന്ന ക്യാപ്ഷനോടെയാണ് അദ്ദേഹം വീഡിയോ പോസ്റ്റ് ചെയ്തത്.

വിറ്റാമിൻ സി കഴിക്കുക: പേരയ്ക്ക ഏറ്റവും മികച്ച പ്രകൃതിദത്ത സ്രോതസ്സുകളിൽ ഒന്നാണ്. ഞാൻ പതിവായി കഴിക്കാറുണ്ട്. എന്നാൽ, എനിക്ക് ക്ഷീണം തോന്നുന്ന നിമിഷം, ഞാൻ ഒരു ലിപ്പോസോമൽ വിറ്റാമിൻ സി മരുന്ന് കഴിക്കുന്നു.

Also Read: ബിപി കുറയ്ക്കാം, ദിവസവും വൈകിട്ട് ഈ പഴം 10 എണ്ണം കഴിച്ചു നോക്കൂ

ഉപ്പുവെള്ളം ഗാർഗിൾ ചെയ്യുക: ഇത് അവിശ്വസനീയമാംവിധം ഫലപ്രദമാണ്. ഞാൻ രാവിലെയും, ചിലപ്പോൾ ഉച്ചയ്ക്കും, തീർച്ചയായും രാത്രിയിലും മുടങ്ങാതെ ചെയ്യും. ചൂടുവെള്ളം തൊണ്ടയെ ശമിപ്പിക്കുന്നു, ഉപ്പ് വൈറസിനെ കൊല്ലാനും, കഫം നീക്കം ചെയ്യാനും, വീക്കം കുറയ്ക്കാനും, തൊണ്ടയിലെ അണുക്കളെ പുറന്തള്ളാനും സഹായിക്കുന്നു.

കഡ: രാവിലെ ആദ്യം കുടിക്കുന്നതും വീട്ടിൽ തന്നെ തയ്യാറാക്കുന്നതുമായ ഹെർബൽ പാനീയം. ഇത് എന്റെ രോഗപ്രതിരോധ ശേഷി വർധിപ്പിക്കുന്നു. ഇഞ്ചി, തുളസി, കുരുമുളക്, തേൻ തുടങ്ങിയ ചേരുവകൾ ചേർത്ത് ഉണ്ടാക്കുന്ന പരമ്പരാഗത ഔഷധ പാനീയമാണ് കഡ.

Also Read: മൂന്ന് മാസം കൊണ്ട് 15 കിലോ കുറയ്ക്കാം, ഈ ദോശ കഴിച്ച് നോക്കൂ

ഒരാൾക്ക് അസുഖം വരുമ്പോൾ, പ്രത്യേകിച്ച് ജലദോഷം അല്ലെങ്കിൽ തൊണ്ടവേദന പോലുള്ള അസുഖങ്ങൾ വരുമ്പോൾ, പല ലളിതമായ വീട്ടുവൈദ്യങ്ങളും നിർദേശിക്കാറുണ്ട്. ബെംഗളൂരുവിലെ ആസ്റ്റർ സിഎംഐ ഹോസ്പിറ്റലിലെ ഇന്റേണൽ മെഡിസിൻ കൺസൾട്ടന്റ് ഡോ.പൂജ പിള്ള, ഈ വീട്ടുപരിഹാരങ്ങൾക്ക് ചില ഗുണങ്ങളുണ്ടെങ്കിലും അവ രോഗശമനമല്ലെന്ന് പറഞ്ഞു.

Also Read: മണിക്കൂറുകൾ ഫോണിൽ നോക്കാറില്ല, ദിവസം 15-20 മിനിറ്റ് മാത്രം: അക്ഷയ് കുമാർ

ഇവ കൂടാതെ, വേഗത്തിൽ സുഖം പ്രാപിക്കാൻ മറ്റ് ലളിതമായ ഘട്ടങ്ങളുമുണ്ട്. "ആവശ്യത്തിന് വിശ്രമം ലഭിക്കുന്നത് ശരീരത്തിന് അണുബാധയെ ചെറുക്കാൻ അനുവദിക്കുന്നു. ചൂടുവെള്ളം, സൂപ്പുകൾ, ഹെർബൽ ടീ എന്നിവ പോലുള്ള ധാരാളം ദ്രാവകങ്ങൾ കുടിക്കുന്നത് തൊണ്ടയിലെ ഈർപ്പം നിലനിർത്തുകയും നിർജ്ജലീകരണം തടയുകയും ചെയ്യുന്നു. ആവി പിടിക്കുന്നത് മൂക്കിലെ തടസം നീക്കാൻ സഹായിക്കും," പിള്ള പറഞ്ഞു. ലഘുവായ പോഷകസമൃദ്ധമായ ഭക്ഷണം കഴിക്കുന്നതും രോഗശാന്തിക്ക് ഗുണം ചെയ്യുമെന്നും അവർ അഭിപ്രായപ്പെട്ടു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: വൃക്കയിലെ കല്ലുകളോ? ചായയ്ക്ക് പകരം ഈ ജ്യൂസ് കുടിക്കുക