സ്ത്രീകളിലെ വെള്ളപോക്ക് തടയാൻ വീട്ടിലുണ്ട് പരിഹാരം; ഈ പാനീയം കുടിക്കൂ

സ്ത്രീകളിൽ യോനിയിൽനിന്നു വരുന്ന സ്രവത്തെയാണ് യോനീസ്രവം അഥവാ വെള്ളപോക്ക് എന്നു പറയുന്നത്. സ്ത്രീകളിൽ സാധാരണ സംഭവിക്കുന്ന ഒന്നാണിത്. ഏത് പ്രായത്തിലുള്ള സ്ത്രീകളിലും ഈ പ്രശ്നം ഉണ്ടാകാം. ഈ യോനീസ്രവം സാധാരണയായി അണുബാധയിൽ നിന്നു യോനീഭാഗത്തെ സംരക്ഷിക്കുന്നു. എന്നാൽ, അമിതമായുള്ള വെള്ളപോക്കോ, അതിന്റെ നിറം മാറുകയോ, ദുർഗന്ധം ഉണ്ടാകുകയോ ചെയ്താൽ ആരോഗ്യ വിദഗ്ധരുടെ സഹായം തേടണം.

സ്ത്രീകളിലെ വെള്ളപോക്ക് തടയുന്നതിന് ആപ്പിൾ സിഡെർ വിനെഗർ കുടിക്കുന്നത് സഹായിക്കും. ആപ്പിൾ സിഡെർ വിനെഗർ കുടിക്കുന്നത് പിഎച്ച് ബാലൻസ് ശരിയാക്കാൻ സഹായിക്കും, അണുബാധ പടരാനുള്ള സാധ്യത കുറയ്ക്കുകയും വെള്ളപോക്ക് ഒഴിവാക്കുകയും ചെയ്യും. 

ആപ്പിൾ സിഡെർ വിനെഗർ പാനീയം എങ്ങനെ തയ്യാറാക്കാം?

വെള്ളത്തിൽ കലർത്താതെ ആപ്പിൾ സിഡെർ വിനെഗർ കുടിക്കുന്നത് വയറിൽ അസ്വസ്ഥത ഉണ്ടാക്കും. ഒരു ഗ്ലാസ് വെള്ളത്തിൽ ഇത് കലർത്തി കുടിക്കണം. വെള്ളപോക്ക് ഇല്ലാതാക്കാൻ, ഒരു ഗ്ലാസ് വെള്ളത്തിൽ ഒരു ടീസ്പൂൺ ആപ്പിൾ സിഡെർ വിനെഗർ, ഒരു ടീസ്പൂൺ തേൻ, ഒരു ടീസ്പൂൺ നാരങ്ങാനീര് എന്നിവ ചേർത്ത് കുടിക്കുക.

ആപ്പിൾ സിഡെർ വിനെഗർ കുടിക്കാൻ അനുയോജ്യമായ സമയം എപ്പോഴാണ്?

ദിവസത്തിൽ ഏതെങ്കിലും ഒരു സമയം ഒരു ടീസ്പൂൺ വീതം ചെറിയ അളവിൽ കുടിച്ച് തുടങ്ങുക. പതിയെ അളവ് കൂട്ടുക. കാരണം, ചിലരിൽ ഇത് ദഹനപ്രശ്നങ്ങൾക്ക് കാരണമാകാറുണ്ട്. ചില ആളുകൾക്ക് വെറും വയറ്റിൽ കുടിക്കുമ്പോൾ വയറിൽ അസ്വസ്ഥത ഉണ്ടാകാം, അതിനാൽ ഭക്ഷണം കഴിച്ചതിനുശേഷം മാത്രം കുടിക്കാൻ ശ്രമിക്കുക.

ഇതിനുപുറമേ വെള്ളപോക്ക് തടയാൻ മറ്റു ചില കാര്യങ്ങൾ കൂടി ശ്രദ്ധിക്കണം. ദിവസവും കുളിക്കുകയും സ്വകാര്യഭാഗങ്ങള്‍ വൃത്തിയായി സൂക്ഷിക്കുകയും ചെയ്യുക. വൃത്തിയുള്ളതും നന്നായി ഉണങ്ങിയതുമായ അടിവസ്ത്രങ്ങൾ ഉപയോഗിക്കുക. കോട്ടൺ അടിവസ്ത്രങ്ങൾ ഉപയോഗിക്കാൻ ശ്രമിക്കുക. യോനീഭാഗത്ത് പെർഫ്യും, ലോഷൻ തുടങ്ങിയവയൊന്നും ഉപയോഗിക്കാതിരിക്കുക. സുരക്ഷിതമായ രീതിയിൽ മാത്രം ലൈംഗിക ബന്ധത്തിൽ ഏർപ്പെടുക.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• തൈറോയ്ഡ് മരുന്നുകൾ പെട്ടെന്ന് നിർത്തിയാൽ എന്ത് സംഭവിക്കും?
• വിട്ടുമാറാത്ത മലബന്ധം കൊണ്ട് മടുത്തോ? ഈ 3 ഭക്ഷണങ്ങൾ കഴിച്ചാൽ മാത്രം മതി
• കഞ്ഞിവെള്ളം കളയരുതേ... ശരീരഭാരം നിയന്ത്രിക്കാൻ ഇങ്ങനെ ഉപയോഗിക്കൂ
• 3 ഈന്തപ്പഴം, 5 ബദാം ദിവസവും കഴിക്കാം; ഈ ഗുണങ്ങൾ നേടൂ