ശരീരത്തിൽ മാലിന്യങ്ങൾ അടിഞ്ഞുകൂടിയോ? ഈ ജ്യൂസ് കുറച്ച് കുടിക്കൂ, മാറ്റം കണ്ടറിയൂ

ആധുനിക യുഗത്തിൽ നമ്മൾ ധാരാളം ഭക്ഷണം കഴിക്കുന്നു. അതിൽ അനാരോഗ്യകരമായ ഭക്ഷണങ്ങളും ഉൾപ്പെടുന്നു. ഇത് ശരീരത്തെ പല രീതിയിൽ ബാധിക്കുന്നു. പലവിധ പ്രശ്നങ്ങൾക്കെല്ലാം കാരണം നമ്മുടെ ശരീരത്തിൽ അനാരോഗ്യകരമായ ഭക്ഷണത്തിലൂടെ അടിഞ്ഞുകൂടുന്ന മാലിന്യങ്ങളാണ്. വെള്ളരിക്ക ജ്യൂസ് ഉപയോഗിച്ച് ഈ മാലിന്യങ്ങൾ നീക്കം ചെയ്യാൻ കഴിയുമെന്ന് പറഞ്ഞാൽ നിങ്ങൾക്ക് വിശ്വസിക്കാനാകുമോ?.

Also Read: ബദാം രാവിലെ, വാൽനട്ട് വൈകിട്ട്, കശുവണ്ടി ഉച്ചകഴിഞ്ഞ്; ഏതൊക്കെ നട്സ് എപ്പോൾ കഴിക്കണം?

ശരീരത്തെ തണുപ്പിക്കാൻ സഹായിക്കുന്ന പച്ചക്കറികളിൽ ഒന്നാണ് വെള്ളരിക്ക. ജലാംശം ധാരാളം അടങ്ങിയിട്ടുള്ളതിനാൽ ശരീരത്തിന് വളരെ ഗുണം ചെയ്യുന്ന പച്ചക്കറിയായി ഇത് കണക്കാക്കപ്പെടുന്നു. വെള്ളരിക്കയിൽ ഏകദേശം 95 ശതമാനം വെള്ളമാണ്. കടുത്ത ചൂടിലും ശരീരത്തിലെ ജലാംശം നിലനിർത്താൻ സഹായിക്കുന്നു. ശരീരത്തിൽ നിന്ന് വിഷവസ്തുക്കളെ നീക്കം ചെയ്യുന്നത് എളുപ്പമാക്കുന്നു.

Also Read: ഒആർഎസ് ലായനിയോ തേങ്ങാവെള്ളമോ: നിർജലീകരണം തടയാൻ ഏതാണ് ഏറ്റവും നല്ലത്?

വെള്ളരിക്കയിൽ കാലറി കുറവും നാരുകൾ കൂടുതലുമാണ്, ഇത് വിശപ്പ് കുറയ്ക്കാനും ശരീരഭാരം നിയന്ത്രിക്കാനും സഹായിക്കുന്നു. വെള്ളരിക്കയിലെ നാരുകൾ, പ്രത്യേകിച്ച് അവയുടെ തൊലികളിൽ കാണപ്പെടുന്ന പെക്റ്റിൻ എന്ന ലയിക്കുന്ന നാരുകൾ, മലവിസർജനം നിയന്ത്രിക്കുകയും മലബന്ധം തടയുകയും ചെയ്യുന്നു. ഔഷധ ഗുണങ്ങളാൽ സമ്പന്നമായ വെള്ളരിക്ക ഉപയോഗിച്ച് ജ്യൂസ് എങ്ങനെ തയ്യാറാക്കാമെന്ന് നോക്കാം.

Also Read: വയറിലെ കൊഴുപ്പ് വേഗത്തിൽ ഉരുക്കി കളയും; ഈ മാജിക് പാനീയം 30 ദിവസം കുടിക്കൂ

ചേരുവകൾ

• വെള്ളരിക്ക
• ഇഞ്ചി
• പുതിന
• നാരങ്ങ
• ഉപ്പ്

View this post on Instagram

A post shared by Lavanya's Samayal Thirai (@lavanyassamayalthirai)

തയ്യാറാക്കുന്ന വിധം

രണ്ട് വെള്ളരിക്ക എടുക്കുക. ഒരു ചെറിയ കഷണം ഇഞ്ചി, ഒരു പിടി പുതിന എന്നിവ ചേർത്ത് അര നാരങ്ങയുടെ നീര് പിഴിഞ്ഞ് ജ്യൂസ് പോലെ അരച്ചെടുക്കുക. ഈ നീരിൽ ആവശ്യമായ അളവിൽ ഉപ്പ് ചേർത്ത് കുടിക്കുക. ആഴ്ചയിൽ ഒരിക്കൽ ഈ ജ്യൂസ് കുടിച്ചാൽ ശരീരവും മനസും ഹോർമോൺ ചക്രവും ആരോഗ്യകരമാകും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ഒരു ചുംബനം 6 സെക്കൻഡ് നീണ്ടുനിൽക്കണം, എന്തുകൊണ്ട്?