3 മാസം കൊണ്ട് 25 കിലോ കുറയ്ക്കാം; രാവിലെ 11 മണിക്ക് ഈ പഴങ്ങൾ കഴിക്കൂ

ശരീരഭാരം കുറയ്ക്കാൻ ശരിയായ ഭക്ഷണക്രമവും വ്യായാമവും വളരെ പ്രധാനമാണ്. മൂന്ന് മാസം കൊണ്ട് 25 കിലോ വരെ ഭാരം കുറയ്ക്കാൻ എങ്ങനെ സാധിക്കുമെന്ന് ഡോ.പിള്ള തന്റെ യൂട്യൂബ് ചാനലിൽ പരാമർശിച്ചിട്ടുണ്ട്. ശരീര ഭാരം കുറയ്ക്കാൻ ഒരാൾ ഒരു ദിവസം പിന്തുടരേണ്ട ഭക്ഷണക്രമത്തെക്കുറിച്ചും അദ്ദേഹം പറഞ്ഞിട്ടുണ്ട്. 

രാവിലെ (ഒഴിഞ്ഞ വയറ്റിൽ)

ചിയ വിത്തുകളും നാരങ്ങാനീരും ചേർത്ത ചെറുചൂടുള്ള വെള്ളം കുടിക്കുക. അല്ലെങ്കിൽ, മധുരമില്ലാത്ത ഗ്രീൻ ടീ കുടിക്കാം.

പ്രഭാതഭക്ഷണം

ബ്രൗൺ ബ്രെഡ് ടോസ്റ്റിൽ രണ്ട് വേവിച്ച മുട്ടയുടെ വെള്ള, പാലും പഴങ്ങളും ചേർത്ത് ഓട്‌സ് (പഞ്ചസാര ചേർക്കാതെ). മൾട്ടി-ഗ്രെയിൻ ബ്രെഡിനൊപ്പം സാലഡും കഴിക്കാം.

രാവിലെ 11.30

ഫ്രൂട്ട് സാലഡ് കഴിക്കുന്നത് നല്ലതാണ്. പ്രത്യേകിച്ച് ആപ്പിളും പേരക്കയും.

Also Read: ഫാറ്റി ലിവർ പ്രതിരോധിക്കാൻ ഞാവൽപ്പഴം ഗുണകരമോ? ഒരു ദിവസം എത്ര എണ്ണം കഴിക്കാം?

ഉച്ചഭക്ഷണം (ഉച്ചയ്ക്ക് 1,00 മുതൽ 2.00 വരെ)

ഒരു ചെറിയ പാത്രം ബ്രൗൺ റൈസ് (വെള്ള അരി ഒഴിവാക്കുക), മൾട്ടി-ഗ്രെയിൻ ബ്രെഡ്, വെജിറ്റബിൾ സൂപ്പ് എന്നിവ കഴിക്കാം. ധാരാളം പച്ചക്കറികൾ കഴിക്കുന്നതിൽ ശ്രദ്ധ കേന്ദ്രീകരിക്കുക.

രണ്ട് ചപ്പാത്തിയും കോഴിയിറച്ചിയോ മീനോ കഴിക്കാം. ഉച്ചഭക്ഷണത്തോടൊപ്പം വെള്ളരിക്കയോ ഫ്രൂട്ട് സാലഡോ കഴിക്കാം.

വൈകുന്നേരം (വൈകുന്നേരം 5.00 മുതൽ 5.30 വരെ)

പഞ്ചസാര ചേർക്കാതെ കട്ടൻ കാപ്പിയോ ഗ്രീൻ ടീയോ കുടിക്കാം. നട്സോ സീഡ്സോ കഴിക്കാം.

Also Read: ഉയർന്ന ബിപി നിയന്ത്രിക്കാൻ കഴിയുന്നില്ലേ? ഈ 2 പച്ചക്കറികൾ രണ്ടു നേരം കഴിച്ചു നോക്കൂ

അത്താഴം (വൈകുന്നേരം 7.00 മുതൽ 8.00 വരെ)

ഗ്രിൽ ചെയ്ത പച്ചക്കറികൾ, പനീർ കഴിക്കാം. അതിനൊപ്പം സൂപ്പും കുടിക്കാം. നോൺ-വെജിറ്റേറിയൻ സൂപ്പ് (ചിക്കൻ അല്ലെങ്കിൽ മട്ടൺ) കഴിക്കുകയാണെങ്കിൽ, മാംസം ഒഴിവാക്കണം. ഇതിനുപുറമെ, ഒന്നോ രണ്ടോ റൊട്ടികളോടൊപ്പം കടലയും കഴിക്കാം.

ഉറങ്ങാൻ പോകുന്നതിനു മുമ്പ് (വിശക്കുന്നുണ്ടെങ്കിൽ)

നാലോ അഞ്ചോ ബദാം, ഹെർബൽ ടീ, തൈര്, മോര് (ജലദോഷം/ചുമ പ്രശ്നങ്ങൾ ഇല്ലെങ്കിൽ), അല്ലെങ്കിൽ ഒരു നുള്ള് മഞ്ഞൾപ്പൊടി ചേർത്ത ചൂടുള്ള പാൽ എന്നിവ കുടിക്കാം.

വ്യായാമം

ദിവസവും കുറഞ്ഞത് 30 മിനിറ്റെങ്കിലും യോഗ, ജോഗിങ് അല്ലെങ്കിൽ മറ്റ് വ്യായാമങ്ങൾ ചെയ്യണം. ഇതോടൊപ്പം, ദിവസവും മൂന്ന് മുതൽ നാല് ലിറ്റർ വരെ വെള്ളം കുടിക്കണം. ഇവ പിന്തുടരുന്നതിലൂടെ ശരീരഭാരം കുറയ്ക്കാൻ കഴിയുമെന്ന് ഡോ.പിള്ള പറഞ്ഞു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• മാവില വെറുതെ കളയേണ്ട, തിളപ്പിച്ച് കുടിച്ചാൽ കിട്ടും ഈ ഗുണങ്ങൾ
• വണ്ണം കുറയ്ക്കണോ? ഉറക്കം ഉണർന്ന ഉടൻ ചെയ്യേണ്ട 5 കാര്യങ്ങൾ