സന്ധിവേദന ഇനി ബുദ്ധിമുട്ടിക്കില്ല, ദിവസവും ഇത് കഴിക്കൂ

സന്ധിവേദന ഇന്നു പലരെയും ബാധിക്കുന്ന ആരോഗ്യ പ്രശ്നങ്ങളിലൊന്നായി മാറിയിട്ടുണ്ട്. ചിലപ്പോൾ ദൈനംദിന ജീവിതത്തെ ബാധിക്കുന്ന തരത്തിൽ വേദന കഠിനമാകാറുണ്ട്. കാൽമുട്ടുകൾ, പുറംഭാഗം, തോളുകൾ, കൈകൾ, വിരലുകൾ എന്നിങ്ങനെ ശരീരത്തിന്റെ പല ഭാഗങ്ങളിലും വേദന അനുഭവപ്പെടുന്നതിനാൽ വീട്ടുജോലികൾ ചെയ്യാനും രാത്രിയിൽ സമാധാനമായി ഉറങ്ങാനും ബുദ്ധിമുട്ടാകുന്നു.

വർഷങ്ങളായി നിങ്ങളെ അലട്ടുന്ന ഈ സന്ധിവേദന, ഭക്ഷണക്രമത്തിൽ മാറ്റങ്ങൾ വരുത്തിയാൽ സുഖപ്പെടുത്താൻ കഴിയുമെന്ന് നിങ്ങൾക്കറിയാമോ? സന്ധിവേദന അകറ്റാൻ സഹായിക്കുന്ന 5 പ്രധാന ഭക്ഷണങ്ങളെക്കുറിച്ച് ഡോ.ഡെയ്‌സി തന്റെ യൂട്യൂബ് പേജിൽ പറയുന്നത് നോക്കാം. 

1. ഇലക്കറികൾ

ഇലക്കറികൾ ഭക്ഷണത്തിന്റെ ഒരു പ്രധാന ഭാഗമാക്കണം. ചീര, മുരിങ്ങയില തുടങ്ങിയ ഏത് തരത്തിലുള്ള ഇലക്കറികളും നല്ലതാണ്. ഇവയിലെ കാൽസ്യത്തിന്റെ അളവ് സന്ധികളെ ശക്തിപ്പെടുത്തുന്നു. കൂടാതെ, രക്തത്തിൽ രോഗാണുക്കൾ അടിഞ്ഞുകൂടുന്നത് തടയാനും റൂമറ്റോയ്ഡ് ആർത്രൈറ്റിസ് പോലുള്ള രോഗങ്ങളെ തടയാനും സഹായിക്കുന്നു.

Also Read: ഉരുളക്കിഴങ്ങ് മുതൽ പീനട്ട് ബട്ടർവരെ; ശരീര ഭാരം കുറയ്ക്കാൻ സ്ഥിരമായി കഴിക്കേണ്ട 7 ഭക്ഷണങ്ങൾ

2. പശുവിൻ പാൽ

സന്ധി വേദനയ്ക്ക് ശുദ്ധമായ പശുവിൻ പാൽ ഒരു മികച്ച മരുന്നാണ്. പഞ്ചസാര ചേർക്കാതെ രാവിലെയും രാത്രിയിലും ഒരു ഗ്ലാസ് പാലും കുടിക്കുന്നത് നല്ലതാണ്. കാൽ സ്പൂൺ മഞ്ഞൾപ്പൊടിയും രണ്ട് നുള്ള് കുരുമുളക് പൊടിയും ചേർത്ത് ചൂടുള്ള പാൽ കുടിക്കുന്നത് വളരെ ഗുണം ചെയ്യും. മഞ്ഞളും കുരുമുളകും രക്തത്തിലെ അണുക്കളെ കൊല്ലുകയും അസ്ഥികളെ ശക്തിപ്പെടുത്തുകയും ചെയ്യുന്നു. കാൽസ്യം സമ്പുഷ്ടമായ ഒരു അത്ഭുതകരമായ ഭക്ഷണമാണിത്.

3. നെയ്യും വെണ്ണയും

അസ്ഥികളെ ശക്തിപ്പെടുത്തുന്നതിന് നെയ്യും വെണ്ണയും അത്യാവശ്യമാണ്. നമ്മുടെ ശരീരത്തിൽ ആവശ്യത്തിന് നല്ല കൊളസ്ട്രോൾ ഉണ്ടെങ്കിൽ മാത്രമേ അസ്ഥികളുടെ നഷ്ടം തടയാനും സൈനോവിയൽ ദ്രാവകം ഉത്പാദിപ്പിക്കാനും കഴിയൂ. ഈ സൈനോവിയൽ ദ്രാവകം സന്ധികൾക്കിടയിലുള്ള ഘർഷണം തടയുകയും വേദനയില്ലാത്ത ചലനത്തിന് സഹായിക്കുകയും ചെയ്യുന്നു. വെറും വയറ്റിൽ ചൂടുവെള്ളത്തിൽ നെയ്യ് കഴിക്കുന്നത് അൾസറും കാൻസറും സുഖപ്പെടുത്താനുള്ള ശക്തിയുണ്ട്. നെയ്യ് അസ്ഥികളെ ശക്തിപ്പെടുത്തുക മാത്രമല്ല, അൾസർ, കാൻസർ, പൈൽസ്, മലബന്ധം തുടങ്ങിയ നിരവധി രോഗങ്ങൾ സുഖപ്പെടുത്തുകയും ആയുർദൈർഘ്യം വർദ്ധിപ്പിക്കുകയും ചെയ്യുന്നു.

4. പനീർ (കോട്ടേജ് ചീസ്)

പനീർ പാലിനേക്കാളും പച്ചക്കറികളേക്കാളും കൂടുതൽ ഔഷധ ഗുണങ്ങളുള്ള ഒരു ഭക്ഷണ വസ്തുവാണ്. ഇതിൽ കാൽസ്യം ധാരാളം അടങ്ങിയിട്ടുണ്ട്, ഇത് എല്ലുകളെ വളരെയധികം ശക്തിപ്പെടുത്തുന്നു. 

Also Read: വ്യത്യസ്ത തരം മദ്യം ഒരുമിച്ച് കുടിച്ചാൽ ശരീരത്തിന് എന്ത് സംഭവിക്കും?

5. പയർവർഗ്ഗങ്ങൾ

സന്ധി വേദനയ്ക്ക് ഏറ്റവും നല്ല ഭക്ഷണം പയർവർഗ്ഗങ്ങളാണ്. കറുത്ത കടല, വെളുത്ത കടല, പയർ, കറുത്ത പയർ, നിലക്കടല, കിഡ്നി ബീൻസ്, സോയാബീൻസ്, ചെറുപയർ തുടങ്ങിയ എല്ലാത്തരം പയർവർഗങ്ങളും ഇതിൽ ഉൾപ്പെടുന്നു.

ഈ 5 ഭക്ഷണങ്ങൾക്കൊപ്പം, മഞ്ഞൾപ്പൊടിയും കുരുമുളകും ധാരാളമായി ഭക്ഷണത്തിൽ ഉൾപ്പെടുത്തുക. ഇവ രക്തത്തിലെ അണുക്കളെ കൊല്ലും. ഈ ഭക്ഷണക്രമം 15 ദിവസം പാലിച്ചാൽ സന്ധിവേദന കുറയാൻ തുടങ്ങും. ഒരു മാസത്തിനുള്ളിൽ വേദന കുറയുന്നത് നിങ്ങൾക്ക് അനുഭവപ്പെടും. വേദന കുറഞ്ഞുകഴിഞ്ഞാൽ, ദിവസവും വെയിലത്ത് 10 മിനിറ്റ് നടക്കേണ്ടത് വളരെ പ്രധാനമാണ്. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക. 

Read More

• 3 മാസം കൊണ്ട് 25 കിലോ കുറയ്ക്കാം; രാവിലെ 11 മണിക്ക് ഈ പഴങ്ങൾ കഴിക്കൂ
• ഫാറ്റി ലിവർ പ്രതിരോധിക്കാൻ ഞാവൽപ്പഴം ഗുണകരമോ? ഒരു ദിവസം എത്ര എണ്ണം കഴിക്കാം?