ദിവസത്തിൽ രണ്ടുനേരം മാത്രം ഭക്ഷണം, അത്താഴം രാത്രി 7.30 ന്; 60-ാം വയസിൽ വണ്ണം കുറച്ച് ഫറാ ഖാൻ

ബോളിവു‍ഡിലെ പ്രശസ്ത സംവിധായികയും കൊറിയോ​ഗ്രാഫറും തിരക്കഥാകൃത്തുമൊക്കെയാണ് ഫറാ ഖാൻ. അടുത്തിടെ ശരീര ഭാരം കുറച്ച് പുതിയ മേക്കോവറിലെത്തി ഫറാ ഖാൻ സോഷ്യൽ മീഡിയയെ ഞെട്ടിച്ചിരുന്നു. ശരീരഭാരം കുറച്ച യാത്രയെക്കുറിച്ച് അടുത്തിടെ ഒരു അഭിമുഖത്തിൽ ചോദിച്ചപ്പോൾ, ഭക്ഷണത്തോട് വലിയ ഇഷ്ടമാണെങ്കിലും, ഒരു ദിവസം രണ്ടുതവണ മാത്രമേ ഭക്ഷണം കഴിക്കാറുള്ളൂവെന്നാണ് 60 കാരിയായ ഖാൻ വെളിപ്പെടുത്തിയത്. 

"ദിവസവും രണ്ടുതവണ മാത്രമേ ഭക്ഷണം കഴിക്കാൻ ശ്രമിക്കാറുള്ളൂ. ഉച്ചഭക്ഷണവും അത്താഴവും. 7.30 ഓടെ അത്താഴം കഴിക്കും. ഇന്റർമിറ്റന്റ് ഫാസ്റ്റിങ് വളരെക്കാലമായി ഞാൻ പിന്തുടരുന്നു," ഫറാ ഖാൻ പറഞ്ഞു. ശരീര ഭാരം കുറയ്ക്കാൻ ഫറാ ഖാനെ സഹായിച്ച ഭക്ഷണശീലത്തേക്കുറിച്ച് അവരുടെ ഫിറ്റ്നസ് ട്രെയിനറായ യോ​ഗേഷ് ഭട്ടേജ അടുത്തിടെ ഒരു യൂട്യൂബ് ചാനലിനു നൽകിയ അഭിമുഖത്തിൽ പറഞ്ഞിരുന്നു.

പെട്ടെന്ന് വണ്ണംകുറയാനുള്ള അശാസ്ത്രീയമായ ഭക്ഷണരീതിക്ക് പുറകെ ഫറാ ഖാൻ പോയില്ല. പരിമിതമായ അളവിൽ ശരീരത്തിന് ആവശ്യമായ ഭക്ഷണം കഴിക്കുകയാണ് ചെയ്തത്. വർക്കൗട്ടിന്റെ കാര്യത്തിലും വിട്ടുവീഴ്ച ചെയ്തില്ല. തുടക്കത്തിൽ മടിയായിരുന്നുവെങ്കിലും പതിയേ ജിമ്മിൽ പോയുള്ള വർക്കൗട്ട് ശീലമാക്കിയെന്നും ഫിറ്റ്നസ് ട്രെയിനർ വ്യക്തമാക്കി.

ഭക്ഷണം കഴിക്കുക, ഉപവസിക്കുക ഇങ്ങനെ ഒന്നിടവിട്ട് ചെയ്യേണ്ട ഒരു ഭക്ഷണ രീതിയാണിത് ഇന്റർമിറ്റന്റ് ഫാസ്റ്റിങ്. ഇത് പിന്തുടരുന്നതു വഴി ശരീരത്തിലെ ഇൻസുലിന്റെ അളവ് കുറയുന്നു. ഉപാപചയ ആരോഗ്യം മെച്ചപ്പെടുത്തുകയും കൊഴുപ്പ് കത്തിക്കാൻ സഹായിക്കുകയും ചെയ്യും. ഇൻസുലിന്റെ അളവ് കുറച്ച് ഉപാപചയനിരക്ക് വർധിപ്പിക്കുന്നതു മൂലമാണ് ഇന്റർമിറ്റന്റ് ഫാസ്റ്റിങ്ങിലൂടെ ശരീരഭാരം കുറയുന്നത്. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ചൂട് കാലമല്ലേ? ചക്ക കഴിക്കാം, ഈ 5 ആരോഗ്യഗുണങ്ങൾ നേടാം
• പ്രമേഹരോഗികളിൽ ഹൃദയം, വൃക്ക, കരൾ പ്രശ്നങ്ങൾ തടയാം, ഈ കാര്യങ്ങൾ ചെയ്തോളൂ
• ഉയർന്ന ബിപി കുറയ്ക്കാം, നാരങ്ങ വെള്ളത്തിൽ ഇത് ചേർത്ത് കുടിക്കൂ
• ഡയറ്റ് നോക്കേണ്ട, 2 മാസത്തിൽ 4.5 കിലോ കുറയ്ക്കാം; 7 വഴികൾ