Weight Loss: ഡയറ്റ് നോക്കേണ്ട, 2 മാസത്തിൽ 4.5 കിലോ കുറയ്ക്കാം; 7 വഴികൾ

Weight Loss Tips: ശരീര ഭാരം കുറയ്ക്കാൻ സഹായിക്കുന്ന ടിപ്‌സുകൾ ഫിറ്റ്നസ് കോച്ച് മഹ്താബ് ഏകായ് ഇൻസ്റ്റഗ്രാം പേജിൽ പങ്കുവയ്ക്കാറുണ്ട്. അടുത്തിടെ 3 മാസം കൊണ്ട് 9 കിലോ കുറച്ച് ഫിറ്റ്നസ് പ്രേമികളെ അവർ ഞെട്ടിച്ചിരുന്നു. ഇതിനുപുറമെ കഴിഞ്ഞ 2 മാസം കൊണ്ട് 4.5 കിലോ താൻ കുറച്ചുവെന്ന് അവർ ഇൻസ്റ്റഗ്രാമിലെ പോസ്റ്റിൽ വ്യക്തമാക്കി. ഡയറ്റിനെ ആശ്രയിക്കുന്നതിനുപകരം, മറ്റൊരു മാർഗമാണ് ശരീര ഭാരം കുറയ്ക്കാൻ അവർ സ്വീകരിച്ചത്. ഡയറ്റ് നോക്കാതെ ശരീര ഭാരം കുറയ്ക്കാൻ തന്നെ സഹായിച്ച 7 കാര്യങ്ങൾ എന്തൊക്കെയാണെന്ന് അവർ പറഞ്ഞിട്ടുണ്ട്.

1. എല്ലാ രാത്രിയിലും നിങ്ങൾക്ക് ഇഷ്ടമുള്ള ഡെസർട്ട് കഴിക്കുക

മധുരത്തോടുള്ള ആസക്തി ഒഴിവാക്കാനായി എല്ലാ രാത്രിയിലും നിങ്ങൾക്ക് ഇഷ്ടമുള്ള ഡെസർട്ട് കഴിക്കുക. ഇതിലൂടെ രാത്രിയിലെ അനാരോഗ്യകരമായ ലഘുഭക്ഷണ ശീലം ഒഴിവാക്കാനും രാത്രി വൈകിയുള്ള മധുരത്തോടുള്ള ആസക്തി ഒഴിവാക്കാനും സഹായിക്കും. 

2. ഭക്ഷണത്തിൽ 2-3 വിഭവങ്ങൾ മാറി മാറി കഴിക്കുക

എല്ലാ ദിവസവും ഒരേ ഭക്ഷണം കഴിക്കണമെന്നില്ല. പ്രഭാതഭക്ഷണം, ഉച്ചഭക്ഷണം, അത്താഴം എന്നിവയ്ക്ക് 2–3 വിഭവങ്ങൾ മാറിമാറി കഴിക്കുക. ഇതിലൂടെ സ്ഥിരം ഭക്ഷണം കഴിക്കുന്ന മടുപ്പ് ഒഴിവാക്കി സ്ഥിരത നിലനിർത്താൻ കഴിയും.

3. കാർഡിയോയ്ക്കു പകരം സ്ട്രെങ്ത് ട്രെയിനിങ്

വെയ്റ്റ് ലിഫ്റ്റിങ് പേശികളെ വളർത്തുന്നു, ഉപാപചയപ്രവർത്തനം മെച്ചപ്പെടുത്തുന്നു.

4. ആഴ്ചയിൽ 5-6 തവണയ്ക്ക് പകരം 3 തവണ വ്യായാമം ചെയ്യുക

കൂടുതൽ വ്യായാമങ്ങൾ എല്ലായ്പ്പോഴും മികച്ച ഫലങ്ങൾ നൽകണമെന്നില്ല. മൂന്ന് ഗുണനിലവാരമുള്ള സെഷനുകൾ കൊഴുപ്പ് എരിച്ചു കളയുന്നതിന് സഹായിക്കും.

5. വെറും വയറ്റിൽ കാർബോഹൈഡ്രേറ്റ് കഴിക്കുന്നത് നിർത്തുക

പ്രോട്ടീനും കൊഴുപ്പും കഴിച്ചതിനുശേഷം മാത്രം കാർബോഹൈഡ്രേറ്റ് കഴിക്കുക. ഇത് രക്തത്തിലെ പഞ്ചസാരയുടെ അളവ് സ്ഥിരമായി നിലനിർത്തുകയും വിശപ്പ് കുറയ്ക്കുകയും ചെയ്യുന്നു, പ്രത്യേകിച്ച് ഉച്ചയ്ക്കും വൈകുന്നേരവും.

6. ഒരു വാക്കിംഗ് പാഡ് ഉപയോഗിക്കുക

അധിക സമയമില്ലാതെ തന്നെ നിങ്ങൾക്ക് 10–12,000 ചുവടുകൾ നടക്കാനാകും. ഇതിനായി ഒരു വാക്കിംഗ് പാഡ് ഉപയോഗിക്കുക. 

View this post on Instagram

A post shared by Mahtab Ekay | Online Coach for Women (@fitbymahtab)

7. കലോറി ട്രാക്ക് ചെയ്യുന്നതിന് പകരം ഭക്ഷണ അളവ് നിയന്ത്രിക്കുക

വാരാന്ത്യങ്ങളിൽ, ഡേറ്റ് നൈറ്റ്‌സിൽ, അല്ലെങ്കിൽ ടേക്ക്ഔട്ട് നൈറ്റ്‌സിൽ, ഈ രീതി ഉപയോഗിക്കുക. അതായത്, ഒരു പ്ലേറ്റിന്റെ ½ പച്ചക്കറികൾ, ¼ പ്രോട്ടീൻ (സാൽമൺ പോലുള്ളവ) ¼ കാർബോഹൈഡ്രേറ്റ്‌സ് (ഫ്രൈസ്, ബ്രെഡ്, ഡെസേർട്ട് എന്നിവയെല്ലാം ഇവിടെ ഉൾപ്പെടുന്നു) എന്ന രീതിയിൽ ഭക്ഷണം കഴിക്കുക. ഇതിലൂടെ ആഴ്ച മുഴുവൻ അമിതമായി ഭക്ഷണം കഴിക്കാതെ ശരീര ഭാരം നിലനിർത്താൻ സഹായിക്കും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• കാൻസർ പോലും വരാം; ഈ 3 പച്ചക്കറികൾ ഫ്രിഡ്ജിൽ സൂക്ഷിക്കരുതെന്ന് ന്യൂട്രീഷ്യനിസ്റ്റ്
• വ്യായാമം ചെയ്യേണ്ട, 1 മാസം കൊണ്ട് 5 കിലോ കുറയ്ക്കാം; ഈ ഭക്ഷണങ്ങൾ കഴിക്കൂ
• ബ്ലഡ് ഷുഗർ നിയന്ത്രിക്കും, കുടൽ, ഹൃദയാരോഗ്യം വർധിപ്പിക്കും; വേനൽക്കാലത്ത് വെള്ളരിക്ക കഴിക്കാം
• രാവിലെ വെറും വയറ്റിൽ 1 സ്പൂൺ നെയ്യ് കഴിക്കൂ; അതിശയിപ്പിക്കും ഗുണങ്ങൾ