കാൻസർ പോലും വരാം; ഈ 3 പച്ചക്കറികൾ ഫ്രിഡ്ജിൽ സൂക്ഷിക്കരുതെന്ന് ന്യൂട്രീഷ്യനിസ്റ്റ്

കയ്യിൽ കിട്ടുന്ന പച്ചക്കറികളെല്ലാം യാതൊരുവിധ ആലോചനയുമില്ലാതെ ഉടൻ ഫ്രിഡ്ജിൽ സൂക്ഷിക്കുന്നതാണ് നമ്മുടെയൊക്കെ രീതി. തണുപ്പത്ത് സൂക്ഷിക്കുമ്പോൾ അവയിൽ ചിലതിന്റെ രുചി, ഘടന, പോഷകങ്ങൾ എന്നിവ നഷ്ടപ്പെടുമെന്ന് നിങ്ങൾക്കറിയാമോ?. ഫ്രിഡ്ജിൽ സൂക്ഷിക്കാൻ പാടില്ലാത്ത മൂന്ന് പച്ചക്കറികളെക്കുറിച്ച് ന്യൂട്രീഷ്യനിസ്റ്റ് കിരൺ കുക്രേജ ഇൻസ്റ്റഗ്രാം വീഡിയോയിൽ വിശദീകരിച്ചിട്ടുണ്ട്. 

1. വെളുത്തുള്ളി

തൊലി കളഞ്ഞതോ ഫ്രിഡ്ജിൽ സൂക്ഷിച്ചതോ ആയ വെളുത്തുള്ളി ഒരിക്കലും വാങ്ങരുത്. കാരണം, അവയിൽ എളുപ്പത്തിൽ പൂപ്പൽ പിടിക്കും, ഇത് കാൻസറിന് പോലും കാരണമാകും. എല്ലായ്പ്പോഴും ഫ്രഷ് വെളുത്തുള്ളി വാങ്ങുക, ഉപയോഗിക്കുന്നതിന് തൊട്ടുമുമ്പ് മാത്രം തൊലി കളയുക. മുറിയിലെ താപനിലയിൽ, നന്നായി വായുസഞ്ചാരമുള്ള സ്ഥലത്ത് വെളുത്തുള്ളി സൂക്ഷിക്കുക. ഫ്രിഡ്ജിൽ വയ്ക്കുന്നത് വെളുത്തുള്ളി വേഗത്തിൽ മുളയ്ക്കാൻ സഹായിക്കും, രുചിയും പോഷകവും കുറയ്ക്കും.

2. ഉള്ളി

ഫ്രിഡ്ജിൽ സൂക്ഷിക്കുമ്പോൾ ഉള്ളിയിലെ അന്നജം പഞ്ചസാരയായി മാറുന്നു, ഇത് പെട്ടെന്ന് കേടാകാൻ സാധ്യതയുള്ളതാക്കുന്നു. പകുതി മുറിച്ച ഉള്ളി ഫ്രിഡ്ജിൽ സൂക്ഷിക്കരുതെന്നും അവർ മുന്നറിയിപ്പ് നൽകി. ഒരു ഉള്ളി മുറിച്ചാൽ, അത് പരിസ്ഥിതിയിൽ നിന്ന് ബാക്ടീരിയകളെ ആഗിരണം ചെയ്യാൻ തുടങ്ങുകയും പിന്നീട് കഴിക്കുമ്പോൾ അണുബാധയ്ക്ക് കാരണമാവുകയും ചെയ്യും.

View this post on Instagram

A post shared by Kiran Kukreja| Nutritionist| Weight Management| Skin & Hair (@nuttyovernutritionn)

3. ഉരുളക്കിഴങ്ങ്

തണുത്ത താപനിലയിൽ (~8°C-ൽ താഴെ) ഉരുളക്കിഴങ്ങ് സൂക്ഷിക്കുന്നത് അന്നജം പഞ്ചസാരയായി മാറുന്ന പ്രക്രിയയ്ക്ക് വിധേയമാകുമെന്ന് അവർ പറഞ്ഞു. വേവിച്ച ഉരുളക്കിഴങ്ങ് ഫ്രിഡ്‌ജിൽ സൂക്ഷിക്കരുത്. ചൂടാക്കിയ ഉരുളക്കിഴങ്ങ് ഫ്രിഡ്ജിൽ വച്ച് തണുപ്പിച്ച ശേഷം വീണ്ടും ചൂടാക്കുമ്പോൾ കാർസിനോജനുകൾ നിർമിക്കും. ഇത് ശരീരത്തിനെ വളരെ ദോഷകരമായി ബാധിക്കുന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• വ്യായാമം ചെയ്യേണ്ട, 1 മാസം കൊണ്ട് 5 കിലോ കുറയ്ക്കാം; ഈ ഭക്ഷണങ്ങൾ കഴിക്കൂ
• ബ്ലഡ് ഷുഗർ നിയന്ത്രിക്കും, കുടൽ, ഹൃദയാരോഗ്യം വർധിപ്പിക്കും; വേനൽക്കാലത്ത് വെള്ളരിക്ക കഴിക്കാം
• രാവിലെ വെറും വയറ്റിൽ 1 സ്പൂൺ നെയ്യ് കഴിക്കൂ; അതിശയിപ്പിക്കും ഗുണങ്ങൾ
• ഫാറ്റി ലിവർ തടയാം, ഈ 5 ഭക്ഷണങ്ങൾ കഴിക്കൂ