Belly Fat: ആപ്പിൾ, കിവി, പൈനാപ്പിൾ; വയറിലെ കൊഴുപ്പ് കുറയ്ക്കാൻ സഹായിക്കുന്ന 10 പഴങ്ങൾ

ശരീര ഭാരം കുറയ്ക്കാൻ ശ്രമിക്കുമ്പോൾ ഏറെ ബുദ്ധിമുട്ട് നേരിടുന്നത് വയറിലെ കൊഴുപ്പ് കുറയ്ക്കാനാണ്. പതിവായി വ്യായാമം ചെയ്താലും ഭക്ഷണക്രമത്തിൽ മാറ്റം വരുത്തിയാലും വയറിലെ കൊഴുപ്പ് കുറയാൻ ബുദ്ധിമുട്ടാണ്. എന്നാൽ, ചില പഴങ്ങൾ കൊഴുപ്പ് കുറയ്ക്കുന്നതിന് നിങ്ങളെ സഹായിക്കും, പ്രത്യേകിച്ച് നാരുകൾ, ആന്റിഓക്‌സിഡന്റുകൾ, ഉപാപചയപ്രവർത്തനം വർധിപ്പിക്കുന്ന പോഷകങ്ങൾ എന്നിവയാൽ സമ്പന്നമായ പഴങ്ങൾ.

ഫിറ്റ്‌നസ് പരിശീലകനായ ഡില്ലൺ സ്വിന്നി ഇൻസ്റ്റഗ്രാം പോസ്റ്റിൽ, വയറിലെ കൊഴുപ്പ് കുറയ്ക്കാൻ കഴിക്കേണ്ട 10 പഴങ്ങൾ എന്തൊക്കെയാണെന്ന് പറഞ്ഞിട്ടുണ്ട്. ഒരു പ്രത്യേക ഭക്ഷണവും ശരീരഭാരം കുറയ്ക്കാൻ സഹായിക്കില്ലെന്നും പക്ഷേ, ഈ പഴങ്ങൾ കലോറി കമ്മി നിലനിർത്താൻ സഹായിക്കുന്നതിലൂടെ വയറിലെ കൊഴുപ്പ് കുറയ്ക്കാൻ സഹായിക്കുമെന്ന് അദ്ദേഹം പറയുന്നു. മാത്രമല്ല, മധുരത്തോടുള്ള ആസക്തി മറികടക്കുന്നതിനുള്ള മികച്ച മാർഗമാണ് പഴങ്ങളെന്നും അദ്ദേഹം പറയുന്നു.

View this post on Instagram

A post shared by Dillon Swinney | Online Fitness Coach (@builtbydillonn)

1. ബെറികൾ (സ്ട്രോബെറി, ബ്ലൂബെറി, റാസ്ബെറി): ആന്റിഓക്‌സിഡന്റുകളും നാരുകളും കൊണ്ട് സമ്പുഷ്ടമായ ഇവ ഉപാപചയപ്രവർത്തനം വർധിപ്പിക്കാനും വയറിലെ കൊഴുപ്പ് കുറയ്ക്കാനും സഹായിക്കുന്നു.

2. ആപ്പിൾ: നാരുകൾ ധാരാളം അടങ്ങിയ ആപ്പിൾ വയറു നിറയ്ക്കുകയും അമിതമായി ഭക്ഷണം കഴിക്കുന്നത് തടയുകയും കൊഴുപ്പ് കുറയ്ക്കാൻ സഹായിക്കുകയും ചെയ്യുന്നു.

3. മുന്തിരി: കൊഴുപ്പ് കത്തിക്കുന്ന ഗുണങ്ങൾക്ക് പേരുകേട്ട മുന്തിരിക്ക് ഇൻസുലിൻ അളവ് കുറയ്ക്കാനും കൊഴുപ്പ് കുറയ്ക്കാനും കഴിയും.

4. അവോക്കാഡോ: ആരോഗ്യകരമായ കൊഴുപ്പുകളാൽ സമ്പന്നമായ അവോക്കാഡോ കൊഴുപ്പ് കുറയ്ക്കാൻ സഹായിക്കുന്നു.

5. പൈനാപ്പിൾ: ദഹനത്തെ സഹായിക്കുകയും വയറു വീർക്കുന്നത് കുറയ്ക്കുകയും ചെയ്യുന്ന എൻസൈമായ ബ്രോമെലൈൻ ഇതിൽ അടങ്ങിയിട്ടുണ്ട്.

6. കിവി: വിറ്റാമിൻ സി, നാരുകൾ എന്നിവ ധാരാളം അടങ്ങിയ കിവി വയറിലെ കൊഴുപ്പ് കുറയ്ക്കാനും ദഹനം മെച്ചപ്പെടുത്താനും സഹായിക്കുന്നു.

7. തണ്ണിമത്തൻ: ഉയർന്ന ജലാംശം ഉള്ളതിനാൽ വിശപ്പ് നിയന്ത്രിക്കാൻ സഹായിക്കുന്നു.

8. പീച്ച്: നാരുകൾ നിറഞ്ഞതും കലോറി കുറവുമായ പീച്ച് മധുരം കഴിക്കാനുള്ള ആസക്തിയെ തൃപ്തിപ്പെടുത്തുന്നതിനൊപ്പം കൊഴുപ്പ് കുറയ്ക്കാൻ സഹായിക്കുന്നു.

9. പപ്പായ: ദഹനത്തെ സഹായിക്കുന്ന എൻസൈമുകൾ ഇതിൽ അടങ്ങിയിട്ടുണ്ട്.

10. ഓറഞ്ച്: വിറ്റാമിൻ സി ധാരാളം അടങ്ങിയ ഓറഞ്ച്, ഉപാപചയപ്രവർത്തനം വർധിപ്പിക്കുകയും കൊഴുപ്പ് എരിച്ചു കളയുന്നതിനെ സഹായിക്കുകയും ചെയ്യും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• രാവിലെ എഴുന്നേറ്റ ഉടൻ കാപ്പി കുടിക്കാമോ? അനുയോജ്യ സമയം എപ്പോൾ?
• കൊളസ്ട്രോൾ കൂട്ടും; കഴിക്കാൻ പാടില്ലാത്ത 6 ഭക്ഷണങ്ങൾ
• ധാരാളം വെള്ളം കുടിക്കുക, രാത്രി വൈകി ലഘുഭക്ഷണം വേണ്ട; വണ്ണം പെട്ടെന്ന് കുറയ്ക്കാൻ ചില വഴികൾ
• ബദാം ശരീര ഭാരവും ബിപിയും കുറയ്ക്കും, ഹൃദയത്തെ സംരക്ഷിക്കും; ഒരു ദിവസം എത്ര കഴിക്കണം?