Weight Loss: ധാരാളം വെള്ളം കുടിക്കുക, രാത്രി വൈകി ലഘുഭക്ഷണം വേണ്ട; വണ്ണം പെട്ടെന്ന് കുറയ്ക്കാൻ ചില വഴികൾ

Weight Loss: ചിട്ടയായ ദിനചര്യകൾ, പോഷകസമൃദ്ധമായ ഭക്ഷണക്രമം, കഠിനമായ വ്യായാമ ഷെഡ്യൂളുകൾ എന്നിവയിലൂടെയാണ് ആരോഗ്യകരമായ ഒരു ജീവിതശൈലി നേടാൻ കഴിയുന്നത്. ശരീരഭാരം കുറയ്ക്കാനോ കൊഴുപ്പ് കത്തിച്ചുകളയാനോ ശ്രമിക്കുന്നവരുടെ ജീവിതത്തിൽ അവ നിർണായക പങ്ക് വഹിക്കുന്നു. ഉറക്കം ഇല്ലായ്മ, നിർജലീകരണം, പോഷകാഹാരക്കുറവുള്ള ഭക്ഷണക്രമം എന്നിവയൊക്കെ ശരീര ഭാരം കുറയ്ക്കുന്നതിനെ ബാധിക്കും. 

ശരീര ഭാരം കുറയ്ക്കാൻ സഹായിക്കുന്ന ചില വഴികളെക്കുറിച്ച് ഫിറ്റ്നസ് കോച്ച് വിമൽ രാജ്പുത് ഇൻസ്റ്റഗ്രാം വീഡിയോയിൽ വിശദീകരിച്ചിട്ടുണ്ട്. 

1. ഉറങ്ങുന്നതിനു മുൻപായി വെള്ളം കുടിക്കുക

ദിവസവും ആവശ്യത്തിന് വെള്ളം കുടിക്കുന്നത് ശാരീരികവും മാനസികവുമായ ആരോഗ്യത്തിന് പ്രധാനമാണ്. ശരീരത്തിൽ ആവശ്യത്തിന് ജലാംശം നിലനിർത്തുന്നത് ഉപാപചയ പ്രവർത്തനങ്ങളെ സഹായിക്കുകയും ശരീരത്തെ മാലിന്യങ്ങൾ കാര്യക്ഷമമായി സംസ്കരിക്കാൻ സഹായിക്കുകയും ചെയ്യുന്നു.

2. മതിയായ ഉറക്കം

ദിവസവും 7-9 മണിക്കൂർ ഉറങ്ങുക. മോശം ഉറക്കം കൊഴുപ്പ് സംഭരണം വർധിപ്പിക്കുന്ന കോർട്ടിസോൾ പോലുള്ള ഹോർമോണുകളെ തടസപ്പെടുത്തും.

3. രാത്രി വൈകിയുള്ള ലഘുഭക്ഷണം ഒഴിവാക്കുക

ശരീരത്തിന് ദഹിപ്പിക്കാനും കൊഴുപ്പ് കത്തിക്കുന്നത് വർധിപ്പിക്കാനും സമയം ലഭിക്കുന്നതിന് ഉറങ്ങുന്നതിന് 2-3 മണിക്കൂറിനുള്ളിൽ ഭക്ഷണം കഴിക്കുന്നത് ഒഴിവാക്കുക.

4. ഉയർന്ന പ്രോട്ടീൻ അടങ്ങിയ അത്താഴം കഴിക്കുക

ഉയർന്ന പ്രോട്ടീൻ അടങ്ങിയ ഭക്ഷണം (ചിക്കൻ, മത്സ്യം അല്ലെങ്കിൽ ടോഫു) മെറ്റബോളിസം വർധിപ്പിക്കാനും ഉറക്കത്തിൽ പേശികളുടെ ശരിയാക്കലിനും സഹായിക്കുന്നു.

5. വൈകുന്നേരം കാർബോഹൈഡ്രേറ്റ് ഒഴിവാക്കുക

ഉറങ്ങുന്നതിന് മുമ്പ് കാർബോഹൈഡ്രേറ്റ് ഉപഭോഗം കുറയ്ക്കുന്നത് ഇൻസുലിൻ അളവ് കുറയ്ക്കാൻ സഹായിക്കുകയും ഊർജ്ജത്തിനായി കൊഴുപ്പ് കത്തിക്കാൻ ശരീരത്തെ പ്രോത്സാഹിപ്പിക്കുകയും ചെയ്യുന്നു.

6. വൈകുന്നേരങ്ങളിൽ ചെറിയ വ്യായാമത്തിൽ ഏർപ്പെടുക

ഉറങ്ങുന്നതിന് മുമ്പ് നടത്തം, യോഗ അല്ലെങ്കിൽ ലൈറ്റ് കാർഡിയോ പോലുള്ള പ്രവർത്തനങ്ങൾ മെറ്റബോളിസം വർധിപ്പിക്കാൻ സഹായിക്കും. 

7. ഹെർബൽ ടീ കുടിക്കുക

ഗ്രീൻ ടീ, ചമോമൈൽ, ഇഞ്ചി തുടങ്ങിയ ചായകൾ ദഹനത്തെയും ഉപാപചയപ്രവർത്തനത്തെയും സഹായിക്കും.

8. സ്ട്രെസ് കുറയ്ക്കുക

ധ്യാനം പോലെ സ്ട്രെസ് കുറയ്ക്കുന്നതിനുള്ള വഴികൾ തേടുക.

9. മദ്യം ഒഴിവാക്കുക

മദ്യം ഉറക്കം നഷ്ടപ്പെടുത്തുകയും കൊഴുപ്പ് കത്തിക്കുന്നത് മന്ദഗതിയിലാക്കുകയും ചെയ്യും. അതിനാൽ, ഉറങ്ങുന്നതിനുമുമ്പ് മദ്യപിക്കുന്നത് ഒഴിവാക്കുക.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ബദാം ശരീര ഭാരവും ബിപിയും കുറയ്ക്കും, ഹൃദയത്തെ സംരക്ഷിക്കും; ഒരു ദിവസം എത്ര കഴിക്കണം?
• ശരീരഭാരം വേഗത്തിൽ കുറയ്ക്കാം, ഇതാ 3 എളുപ്പ വഴികൾ
• വണ്ണം കുറയ്ക്കും, ബ്ലഡ് ഷുഗർ നിയന്ത്രിക്കും; പപ്പായ കൂടുതൽ കഴിച്ചോളൂ
• രാത്രി ഉറങ്ങുമ്പോൾ മുറിയിൽ ലൈറ്റ് ഇടാറുണ്ടോ? എങ്കിൽ ഇക്കാര്യം ഓർത്തോളൂ