വയറിലെ കൊഴുപ്പ് കുറയ്ക്കാനും വണ്ണം കുറയാനും ഈ പഴങ്ങൾ കഴിച്ച് ദിവസം തുടങ്ങൂ

പഴങ്ങൾ കഴിച്ച് ദിവസം ആരംഭിക്കുന്നത് അവശ്യ പോഷകങ്ങൾ ലഭിക്കാനും ശരീരഭാരം കുറയ്ക്കുകയെന്ന ലക്ഷ്യം നേടിയെടുക്കാൻ സഹായിക്കുകയും ചെയ്യും. കാലറി കുറവാണെങ്കിലും നാരുകൾ, വിറ്റാമിനുകൾ, ആന്റിഓക്‌സിഡന്റുകൾ എന്നിവയാൽ സമ്പന്നമായ ചില പഴങ്ങൾ ശരീര ഭാരം കുറയ്ക്കുന്നതിനും വയറിലെ കൊഴുപ്പ് കുറയ്ക്കുന്നതിലും നിർണായക പങ്ക് വഹിക്കുന്നുണ്ട്. 

രാവിലെ പഴങ്ങൾ കഴിക്കുന്നത് വിശപ്പ് കുറക്കാനും, രക്തത്തിലെ പഞ്ചസാരയുടെ അളവ് നിയന്ത്രിക്കാനും, ദിവസം മുഴുവൻ കഴിക്കുന്ന കാലറിയുടെ അളവ് കുറയ്ക്കാനും സഹായിക്കും. ആരോഗ്യകരമായ ശരീര ഭാരം കൈവരിക്കുന്നതിലും നിലനിർത്തുന്നതിലും നിർണായക ഘടകമായ ദഹനത്തിനും ഉപാപചയത്തിനും പഴങ്ങൾ കഴിക്കേണ്ടത് അത്യാവശ്യമാണ്. മൊത്തത്തിലുള്ള ആരോഗ്യം വർധിപ്പിക്കുന്നതിനൊപ്പം ശരീരഭാരം കുറയ്ക്കാനും ലക്ഷ്യമിടുന്നവർക്ക് പ്രഭാതഭക്ഷണത്തിൽ പഴങ്ങൾ ഉൾപ്പെടുത്തുന്നത് ഗുണം ചെയ്യും. 

Also Read: ദിവസവും വൈറ്റമിൻ ബി 12 മരുന്നുകൾ കഴിക്കാമോ?

ആപ്പിൾ

ആപ്പിളിൽ ലയിക്കുന്ന നാരുകൾ, പ്രത്യേകിച്ച് പെക്റ്റിൻ എന്നിവ ധാരാളമായി അടങ്ങിയിട്ടുണ്ട്. ഇത് ദഹനത്തെ മന്ദഗതിയിലാക്കുകയും വയറു നിറഞ്ഞ തോന്നലുണ്ടാക്കുകയും ചെയ്യുന്നു. അവയിലെ കാലറി കുറവും ഉയർന്ന ജലാംശവും വിശപ്പ് കുറയ്ക്കാൻ സഹായിക്കുന്നു.

ബെറികൾ

സ്ട്രോബെറി, ബ്ലൂബെറി, റാസ്ബെറി, ബ്ലാക്ക്‌ബെറി എന്നിവ ആന്റിഓക്‌സിഡന്റുകളും നാരുകളും കൊണ്ട് നിറഞ്ഞിരിക്കുന്നുവെങ്കിലും കാലറി വളരെ കുറവാണ്. ബെറികൾ ഇൻസുലിൻ സെൻസിറ്റിവിറ്റി മെച്ചപ്പെടുത്തുന്നതിനും വീക്കം കുറയ്ക്കുന്നതിനും കൊഴുപ്പ് എരിച്ചു കളയുന്നതിനും ഉപാപചയ ആരോഗ്യത്തിനും സഹായകമാകുമെന്ന് പഠനങ്ങൾ കാണിക്കുന്നു.

Also Read: ഫാറ്റി ലിവർ പ്രശ്നമുണ്ടോ? ഒരു കഷ്ണം വെളുത്തുള്ളി ചവച്ചോളൂ

മുന്തിരി

മുന്തിരി ഇൻസുലിൻ അളവ് കുറയ്ക്കാനും വിശപ്പ് കുറയ്ക്കാനും സഹായിക്കുമെന്ന് പഠനങ്ങൾ തെളിയിക്കുന്നു. ഭക്ഷണത്തിന് മുമ്പ് മുന്തിരി അല്ലെങ്കിൽ മുന്തിരി ജ്യൂസ് കുടിക്കുന്നത് ശരീരഭാരം കുറയ്ക്കുന്നതിനും വയറിലെ കൊഴുപ്പ് കുറയ്ക്കുന്നതിനും കാരണമാകുമെന്ന് ക്ലിനിക്കൽ പരീക്ഷണങ്ങളിൽ കണ്ടെത്തിയിട്ടുണ്ട്.

പിയർ

ഇവയിൽ ധാരാളം ഭക്ഷണ നാരുകൾ അടങ്ങിയിട്ടുണ്ട്. ഇത് രക്തത്തിലെ പഞ്ചസാരയെ നിയന്ത്രിക്കാനും സംതൃപ്തി വർധിപ്പിക്കാനും സഹായിക്കുന്നു. 

Also Read: രസമോ സാമ്പാറോ: വേഗത്തിൽ ശരീരഭാരം കുറയ്ക്കാൻ ഏതാണ് നല്ലത്?

കിവി

കിവിയിൽ കാലറി കുറവാണ്. ദഹനത്തെ സഹായിക്കുന്ന എൻസൈമുകളും അടങ്ങിയിട്ടുണ്ട്. ഇതിലെ ഉയർന്ന വിറ്റാമിൻ സി ഉള്ളടക്കവും നാരുകളും ഉപാപചയ ആരോഗ്യത്തെ പ്രോത്സാഹിപ്പിക്കുന്നു.

തണ്ണിമത്തൻ

തണ്ണിമത്തനിൽ കൂടുതലും വെള്ളമാണ്. ഇത് ജലാംശം നൽകുന്നതിനും കുറഞ്ഞ കാലറിയോടെ വയറു നിറഞ്ഞതായി തോന്നുന്നതിനും കാരണമാകുന്നു. ഇതിന്റെ സ്വാഭാവിക മധുരം പഞ്ചസാരയുടെ ആസക്തിയെ തൃപ്തിപ്പെടുത്തുകയും, പകൽ സമയത്ത് അമിതമായി ഭക്ഷണം കഴിക്കുന്നത് തടയുകയും ചെയ്യും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: 25-ാം വയസിൽ 20 കിലോ കുറച്ച് യുവതി; കഴിച്ചത് ഈ 3 ഭക്ഷണങ്ങൾ