ചിക്കനോ മുട്ടയോ, പ്രോട്ടീന്റെ മികച്ച ഉറവിടം ഏതാണ്?

ശരീരത്തിന്റെ ആരോഗ്യം നിലനിർത്തുന്നതിന് പ്രോട്ടീൻ അടങ്ങിയ ഭക്ഷണം കഴിക്കണം. പല്ലുകളും എല്ലുകളും ഉൾപ്പെടെ ശരീരത്തിന്റെ എല്ലാ ഭാഗങ്ങളുടെയും രൂപീകരണത്തിന് പ്രോട്ടീൻ അവശ്യമാണ്. കുറഞ്ഞ ശാരീരിക പ്രവർത്തനങ്ങളുള്ള ആരോഗ്യമുള്ള ഒരു മുതിർന്ന വ്യക്തിക്ക്, പ്രതിദിനം ഒരു കിലോ ശരീരഭാരത്തിന് 0.8 ഗ്രാം പ്രോട്ടീൻ വേണമെന്ന് ഫുഡ് ആൻഡ് ഫംഗ്‌ഷനിൽ പ്രസിദ്ധീകരിച്ച 2016 ലെ ഗവേഷണം പറയുന്നു.

കൊഴുപ്പിന്റെ അളവ് കുറവായതിനാൽ, എപ്പോഴും മെലിഞ്ഞ പ്രോട്ടീൻ സ്രോതസുകൾ തിരഞ്ഞെടുക്കണമെന്ന് ആരോഗ്യ വിദഗ്ധർ പറയുന്നു. മെലിഞ്ഞ പ്രോട്ടീൻ ഉറവിടങ്ങളിൽ ചിക്കൻ, മുട്ട, ഗ്രീക്ക് തൈര്, നട്സ്, വിത്തുകൾ എന്നിവ ഉൾപ്പെടുന്നു. പ്രോട്ടീൻ ലഭിക്കാൻ നിരവധി ഉറവിടങ്ങൾ ഉണ്ടെങ്കിലും, സസ്യാഹാരം കഴിക്കാത്ത പലരും കോഴിയിറച്ചിയും മുട്ടയും ഇഷ്ടപ്പെടുന്നു. എന്നാൽ കോഴിയിറച്ചിയിൽ മുട്ടയേക്കാൾ കൂടുതൽ പ്രോട്ടീൻ ഉണ്ടെന്ന് പറഞ്ഞാൽ നിങ്ങൾക്ക് സംശയം തോന്നിയേക്കാം. 

യുണൈറ്റഡ് സ്റ്റേറ്റ്സ് ഡിപ്പാർട്ട്മെന്റ് ഓഫ് അഗ്രികൾച്ചർ പറയുന്നതനുസരിച്ച്, 100 ഗ്രാം വെള്ള മുട്ടയിൽ 10.9 ഗ്രാം പ്രോട്ടീൻ ലഭിക്കും. എന്നാൽ പ്രോട്ടീൻ കൂടുതൽ ആവശ്യമെങ്കിൽ തവിട്ടുനിറത്തിലുള്ള മുട്ടകൾ കഴിക്കുക. 100 ഗ്രാം തവിട്ട് മുട്ടയിൽ 12 ഗ്രാം പ്രോട്ടീൻ അടങ്ങിയിട്ടുണ്ട്. എന്നാൽ, 100 ഗ്രാം ചിക്കൻ ബ്രെസ്റ്റ് കഴിച്ചാൽ  23.2 ഗ്രാം പ്രോട്ടീൻ ലഭിക്കുമെന്ന് യുഎസ്ഡിഎ പറയുന്നു.

കോഴിയിറച്ചിയും മുട്ടയും പ്രോട്ടീന്റെ മികച്ച ഉറവിടങ്ങളാണ്. പ്രോട്ടീനാൽ സമ്പന്നമായ ഒന്നാണ് ചിക്കൻ. പേശികളുടെ വളർച്ചയ്ക്കും അറ്റകുറ്റപ്പണികൾക്കും മൊത്തത്തിലുള്ള പരിപാലനത്തിനും ശരീരത്തിന് ആവശ്യമായ എല്ലാ അമിനോ ആസിഡുകളും ഇതിൽ അടങ്ങിയിരിക്കുന്നു. മുട്ടകൾ ഒരു സമ്പൂർണ പ്രോട്ടീൻ ഉറവിടമാണ്. ആവശ്യമായ എല്ലാ അമിനോ ആസിഡുകളും ശരിയായ അനുപാതത്തിൽ അവയിൽ അടങ്ങിയിരിക്കുന്നു. വിറ്റാമിനുകൾ, ധാതുക്കൾ, ആന്റിഓക്‌സിഡന്റുകൾ എന്നിവയുടെ നല്ല ഉറവിടം കൂടിയാണ് അവ. 

Read More

• രാവിലെ കറിവേപ്പില വെള്ളം കുടിക്കൂ, ആരോഗ്യ ഗുണങ്ങൾ അറിയാം
• നിങ്ങളുടെ ഡയറ്റിൽ വെള്ളരിയുടെ പ്രധാന്യമെന്ത്?
• തലച്ചോറിന്റെ ആരോഗ്യത്തിന് കഴിക്കാം മത്തങ്ങ വിത്തുകൾ
• ഏത്തപ്പഴം കഴിച്ചാൽ ശരീരം ഭാരം കുറയുമോ അതോ കൂടുമോ?