കൊളസ്ട്രോൾ കുറയ്ക്കുന്ന സൂപ്പർഫുഡ്; അവോക്കാഡോ ഇങ്ങനെ കഴിക്കൂ

ഉയർന്ന കൊളസ്ട്രോൾ ഉള്ളവരോട് ആരോഗ്യകരമായ ഭക്ഷണങ്ങൾ കഴിക്കാനും അനാരോഗ്യകരമായവ കുറയ്ക്കാനും ആരോഗ്യ വിദഗ്ധർ നിർദേശിക്കാറുണ്ട്. കഴിക്കുന്ന ഭക്ഷണങ്ങളിൽ ഒന്നു ശ്രദ്ധിച്ചാൽ കൊളസ്ട്രോൾ ഒരു പരിധിവരെ കുറയ്ക്കാൻ സാധിക്കും. കൊളസ്ട്രോൾ നിയന്ത്രിക്കുന്നതിനുള്ള പ്രകൃതിദത്തമായ ഒരു മാർഗമാണ് അവോക്കാഡോ. കൊളസ്‌ട്രോൾ നിയന്ത്രണത്തിൽ നിർണായക പങ്ക് വഹിക്കാൻ കഴിയുന്ന ഭക്ഷണമാണ് അവക്കാഡോ. അവയിൽ ആരോഗ്യകരമായ കൊഴുപ്പുകളും നാരുകളും അടങ്ങിയിട്ടുണ്ട്. ഇവ രണ്ടും എൽഡിഎൽ കൊളസ്ട്രോൾ കുറയ്ക്കാനും ഹൃദയാരോഗ്യത്തിനും സഹായിക്കും. 

ഉയർന്ന കൊളസ്ട്രോൾ ഹൃദയ സംബന്ധമായ അസുഖങ്ങൾക്കുള്ള അപകട ഘടകങ്ങളാണ്. കൊളസ്ട്രോളിന്റെ അളവ് നിലനിർത്താൻ സമീകൃതാഹാരത്തിൽ ശ്രദ്ധ കേന്ദ്രീകരിക്കണം. പൂരിത കൊഴുപ്പുകളും ട്രാൻസ് ഫാറ്റുകളും കുറയ്ക്കുക, പതിവായി വ്യായാമം ചെയ്യുക, പുകവലി ഒഴിവാക്കുക, സ്ട്രെസ് നിയന്ത്രിക്കുക ഇവയൊക്കെ ശ്രദ്ധിക്കേണ്ടതാണ്. കൊളസ്ട്രോൾ നിയന്ത്രിക്കാൻ അവോക്കാഡോ പോലുള്ള ആരോഗ്യകരമായ ഭക്ഷണങ്ങൾ അടങ്ങിയ ഭക്ഷണക്രമം പിന്തുടരുന്നത് ഗുണം ചെയ്യും. കൊളസ്ട്രോൾ നിയന്ത്രണത്തിന് അവോക്കാഡോ ഗുണം ചെയ്യുന്നത് എങ്ങനെയെന്ന് നോക്കാം.

1. മോണോസാച്ചുറേറ്റഡ് ഫാറ്റുകളാൽ നിറഞ്ഞിരിക്കുന്നു

ആരോഗ്യകരമായ കൊഴുപ്പായ മോണോസാച്ചുറേറ്റഡ് ഫാറ്റി ആസിഡുകളാൽ സമ്പന്നമായതിനാൽ കൊളസ്ട്രോൾ നിയന്ത്രണത്തിന് അവോക്കാഡോകൾ ഉപയോഗിക്കാം. അമേരിക്കൻ ഹാർട്ട് അസോസിയേഷൻ പറയുന്നതനുസരിച്ച്, ഈ അപൂരിത കൊഴുപ്പുകൾ എൽഡിഎൽ കൊളസ്ട്രോളിന്റെ അളവ് കുറയ്ക്കുന്നതിലൂടെ ഹൃദയാരോഗ്യം മെച്ചപ്പെടുത്തും. അപൂരിത കൊഴുപ്പ് കൂടുതലുള്ള മറ്റ് ഭക്ഷണങ്ങളിൽ ഒലിവ് ഓയിൽ, നട്സ് എന്നിവ ഉൾപ്പെടുന്നു. പാലിലും മാംസത്തിലും കാണപ്പെടുന്ന പൂരിത കൊഴുപ്പുകൾ കൊളസ്ട്രോൾ വർധിപ്പിക്കും.

2. നാരുകളാൽ സമ്പന്നം

അവോക്കാഡോകൾ ഭക്ഷണ നാരുകളുടെ മികച്ച ഉറവിടമാണ്. നാരുകൾ എച്ച്ഡിഎൽ കൊളസ്ട്രോൾ (നല്ല കൊളസ്ട്രോൾ) മെച്ചപ്പെടുത്തുകയും എൽഡിഎൽ കൊളസ്ട്രോൾ (ചീത്ത കൊളസ്ട്രോൾ) കുറയ്ക്കുകയും ചെയ്യുന്നു. കൊളസ്ട്രോൾ നിയന്ത്രണത്തിനായി ഓരോ ആഴ്ചയും രണ്ട് അവോക്കാഡോകൾ കഴിക്കുന്നത് ഹൃദ്രോഗ സാധ്യത 16 ശതമാനവും കൊറോണറി ഹൃദ്രോഗ സാധ്യത 21 ശതമാനവും കുറയ്ക്കുമെന്ന് അമേരിക്കൻ ഹാർട്ട് അസോസിയേഷനിൽ പ്രസിദ്ധീകരിച്ച ഒരു പഠനം പറയുന്നു.

3. ട്രൈഗ്ലിസറൈഡിന്റെ അളവ് കുറയ്ക്കുന്നു

ട്രൈഗ്ലിസറൈഡുകൾ രക്തത്തിലെ കൊഴുപ്പുകളാണ്. അവ ഉയരുമ്പോൾ ഹൃദ്രോഗ സാധ്യത വർധിക്കുന്നു. അവോക്കാഡോകൾ ട്രൈഗ്ലിസറൈഡിന്റെ അളവ് കുറയ്ക്കുകയും ഹൃദയാരോഗ്യത്തെ സഹായിക്കുകയും ചെയ്യുന്നു.

കൊളസ്ട്രോൾ നിയന്ത്രിക്കാൻ അവോക്കാഡോകൾ സഹായിക്കുമെങ്കിലും ഗവേഷണങ്ങൾ കുറവാണ്. അവോക്കാഡോകൾ കഴിക്കുന്നത് കൊണ്ട് മാത്രം കൊളസ്ട്രോൾ കുറയില്ല. 

അവോക്കാഡോ കഴിക്കേണ്ട വിധം

അവോക്കോഡോ ടോസ്റ്റ്, സ്മൂത്തികളിലും സാലഡുകളിലും ചേർത്തോ, സൂപ്പ് തയ്യാറാക്കിയോ അവോക്കാഡോ കഴിക്കാവുന്നതാണ്. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ദിവസവും രാവിലെ 5 കറുത്ത ഉണക്ക മുന്തിരി കഴിക്കൂ; അറിയാം 7 ആരോഗ്യ ഗുണങ്ങൾ
• ഇത്തിരി കുഞ്ഞൻ കിവിക്ക് ഒത്തിരി ഗുണങ്ങളുണ്ട്
• പുഴുങ്ങിയ മുട്ടയോ ഓംലെറ്റോ; ഏതാണ് ആരോഗ്യത്തിന് നല്ലത്?
• ക്ഷീണമകറ്റാൻ കഴിക്കൂ ഈ ഭക്ഷണങ്ങൾ