വയർ കുറച്ച് സുന്ദരിയാകാം, വെറും 3 ഭക്ഷണങ്ങൾ ഈ സമയത്ത് കഴിക്കൂ

വയറിലെ കൊഴുപ്പ് കുറയ്ക്കുക എന്നത് ബുദ്ധിമുട്ടുള്ള കാര്യമായാണ് പലരും കരുതുന്നത്. എന്നാൽ, വ്യായാമത്തിനൊപ്പം ഭക്ഷണക്രമവും നിയന്ത്രിച്ചാൽ വയറിലെ കൊഴുപ്പ് എളുപ്പത്തിൽ കുറയ്ക്കാൻ സാധിക്കും. വയറിലെ കൊഴുപ്പ് കുറയ്ക്കാൻ സഹായകരമായ മൂന്നു ഭക്ഷണങ്ങളെക്കുറിച്ച് യൂട്യൂബിൽ വിശദീകരിക്കുകയാണ് ഫിറ്റ്നസ് ഇൻഫ്ലുവൻസർ രമ്യ. വയറിലെ കൊഴുപ്പ് കുറയ്ക്കാൻ വ്യായാമം മാത്രം പോരെന്നും ഭക്ഷണക്രമത്തിലും മാറ്റം വേണമെന്ന് രമ്യ പറയുന്നു. എന്ത് കഴിക്കുന്നു, എത്രമാത്രം കഴിക്കുന്നു എന്നതിനൊപ്പം എന്ത് കഴിക്കണം, എന്തൊക്കെ അളവ് കുറയ്ക്കണം എന്നതിനെക്കുറിച്ചും അറിഞ്ഞിരിക്കേണ്ടത് പ്രധാനമാണെന്ന് അവർ വ്യക്തമാക്കി. 

1. വാഴപ്പഴം

കൊഴുപ്പ് എരിച്ചു കളയുന്ന പ്രകൃതിദത്ത ഭക്ഷണമാണ് വാഴപ്പഴം. ഇവയിൽ പൊട്ടാസ്യം ധാരാളം അടങ്ങിയിട്ടുണ്ട്. വയറു വീർക്കുന്നത് കുറയ്ക്കുന്ന ഗുണങ്ങൾ വാഴപ്പഴത്തിനുണ്ട്. നാരുകൾ നിറയെ അടങ്ങിയിരിക്കുന്നതിനാൽ വിശപ്പ് ശമിപ്പിക്കുന്നു. അങ്ങനെ അമിതമായി ഭക്ഷണം കഴിക്കുന്നത് തടയുന്നു. ഇവയിൽ പ്രകൃതിദത്ത പഞ്ചസാര അടങ്ങിയിട്ടുണ്ട്. മധുരത്തോട് ആസക്തിയുള്ളവർക്ക് വാഴപ്പഴം കഴിക്കുന്നത് അത് കുറയ്ക്കാൻ സഹായിക്കുന്നു.

എപ്പോൾ കഴിക്കണം?

വർക്ക്ഔട്ടിനു മുൻപായി കഴിക്കാം. വർക്ക്ഔട്ടിനുശേഷം പ്രോട്ടീൻ സ്മൂത്തിയിലോ ഷേക്കിലോ വാഴപ്പഴം കൂടി ചേർത്ത് കഴിക്കാം. വൈകുന്നേരം ലഘുഭക്ഷണമായി കഴിക്കാം. രാത്രിയിൽ ഭക്ഷണശേഷം മധുരം കഴിക്കാൻ തോന്നുന്നവർക്ക് അതിനു പകരമായി വാഴപ്പഴം കഴിക്കാം. കഴിക്കുന്ന അളവും വളരെ പ്രധാനമാണ്.

Also Read: സന്ധിവേദന ഇനി ബുദ്ധിമുട്ടിക്കില്ല, ദിവസവും ഇത് കഴിക്കൂ

2. ഗ്രീൻ ടീ

ഗ്രീൻ ടീയിൽ കാറ്റെച്ചിനുകൾ അടങ്ങിട്ടുണ്ട്. ഇത് ശരീരത്തിലെ ഉപാപചയപ്രവർത്തനം വർധിപ്പിക്കുന്നു. കൊഴുപ്പ് എരിച്ചു കളയുന്നതിന് സഹായിക്കുന്നു. ലഭുഭക്ഷണം കഴിക്കാനുള്ള ആസക്തിയെ ഗ്രീൻ ടീ തടയുന്നു.

എപ്പോൾ കഴിക്കണം?

അതിരാവിലെ കുടിക്കുന്നത് നല്ലതാണ്. വയർ വീർക്കൽ, നിർജലീകരണം തുടങ്ങിയ പ്രശ്നങ്ങൾ അകറ്റുന്നതിനും ഉപാപചയപ്രവർത്തനം ശക്തിപ്പെടുത്തുന്നതിനും സഹായിക്കുന്നു. ചായ, കാപ്പി എന്നിവ കുടിക്കുന്ന സമയങ്ങളിൽ പകരമായി ഗ്രീൻ ടീ കുടിക്കുക. ഇത് കൊഴുപ്പ് എരിച്ചു കളയുന്നത് വർധിപ്പിക്കുന്നു. വർക്ക്ഔട്ടിനു മുൻപും ഗ്രീൻ ടീ കുടിക്കുന്നത് നല്ലതാണ്. ഗ്രീൻ ടീയിൽ പഞ്ചസാരയോ തേനോ ചേർക്കാതെയാണ് കുടിക്കേണ്ടത്. 

Also Read: ഉരുളക്കിഴങ്ങ് മുതൽ പീനട്ട് ബട്ടർവരെ; ശരീര ഭാരം കുറയ്ക്കാൻ സ്ഥിരമായി കഴിക്കേണ്ട 7 ഭക്ഷണങ്ങൾ

3. മുട്ട

പ്രോട്ടീന്റെ സമ്പന്നമായ ഉറവിടമാണ് മുട്ട. ഇവയിൽ കോളിൻ അടങ്ങിയിട്ടുണ്ട്. ഇത് ഉപാപചയപ്രവർത്തനം വർധിപ്പിച്ച് കൊഴുപ്പ് എരിച്ചു കളയാൻ സഹായിക്കുന്നു. മുട്ടയിൽ പ്രോട്ടീൻ അടങ്ങിയിരിക്കുന്നതിനാൽ വയർ നിറഞ്ഞ സംതൃപ്തി അനുഭവപ്പെടും. പെട്ടെന്ന് വിശപ്പ് അനുഭവപ്പെടില്ല. മുട്ട കഴിക്കുമ്പോൾ ശരീര താപനില ഉയരും. ഇതിലൂടെ ശരീരം കൊഴുപ്പ് എരിച്ചു കളയുന്നത് വർധിപ്പിക്കും.

എപ്പോൾ കഴിക്കണം?

പ്രഭാത ഭക്ഷണത്തിന് മുട്ട കഴിക്കാവുന്നതാണ്. വർക്ക്ഔട്ടിനു ശേഷം കഴിക്കാവുന്നതാണ്. അത്താഴത്തിനും കഴിക്കാവുന്നതാണ്. മുട്ട എപ്പോഴും മുഴുനായി കഴിക്കുക. അതുപോലെ വളരെയധികം ഫ്രൈ ചെയ്യാതെ പുഴുങ്ങിയോ ഓംലെറ്റ് രൂപത്തിലോ കഴിക്കാൻ ശ്രമിക്കുക. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക. 

Read More

• വ്യത്യസ്ത തരം മദ്യം ഒരുമിച്ച് കുടിച്ചാൽ ശരീരത്തിന് എന്ത് സംഭവിക്കും?
• 3 മാസം കൊണ്ട് 25 കിലോ കുറയ്ക്കാം; രാവിലെ 11 മണിക്ക് ഈ പഴങ്ങൾ കഴിക്കൂ