വിറ്റാമിൻ മരുന്നുകൾ കഴിച്ചിട്ടും ഗുണമില്ലേ? കഴിക്കുന്ന സമയം ശ്രദ്ധിക്കൂ

ചില വിറ്റാമിനുകളുടെയും മൈക്രോ ന്യൂട്രിയന്റുകളുടെയും കുറവുള്ള രോഗികൾക്കു മരുന്നുകൾ ഡോക്ടർമാർ നിർദേശിക്കാറുണ്ട്. എന്നാൽ, ഡോക്ടർ നിർദേശിച്ച അളവിൽ മരുന്നുകൾ കഴിച്ചിട്ടും ഒരു മാറ്റവും വരുന്നില്ലെന്ന് പരാതിപ്പെടുന്നവരുണ്ട്. വിറ്റാമിൻ മരുന്നുകൾ ശരിയായ സമയത്ത് കഴിക്കാത്തതിനാലാണ് ഇങ്ങനെ സംഭവിക്കുന്നത്. ശരീരത്തിന് ഫലപ്രദമായി ആഗിരണം ചെയ്യാൻ ഏത് വിറ്റാമിൻ ഏത് സമയത്ത് കഴിക്കണമെന്ന് നോക്കാം.

ഭക്ഷണത്തിനു മുൻപ് കഴിക്കേണ്ടവ

വിറ്റാമിൻ ബി 12, വിറ്റാമിൻ സി എന്നിവ ഉൾപ്പെടുന്ന വിറ്റാമിനുകൾ ശരീരത്തിൽ സംഭരിക്കപ്പെടുന്നില്ല, വളരെ വേഗത്തിൽ പുറന്തള്ളപ്പെടും. അതിനാൽ അവ ആഗിരണം ചെയ്യാൻ ധാരാളം വെള്ളം ആവശ്യമാണ്. രാവിലെ വെറും വയറ്റിൽ അവ കഴിക്കുന്നതാണ് നല്ലത്. വെറും വയറ്റിൽ കഴിക്കാൻ കഴിയില്ലെങ്കിൽ, ഈ വിറ്റാമിനുകൾ കഴിക്കാനുള്ള ഏറ്റവും നല്ല മാർഗം പ്രഭാതഭക്ഷണത്തിന് ഒരു മണിക്കൂർ കഴിഞ്ഞാണ്. അപ്പോഴേക്കും നിങ്ങൾ കുടിക്കുന്ന വെള്ളത്തിലൂടെ വിറ്റാമിനുകൾ വേണ്ടത്ര ആഗിരണം ചെയ്യപ്പെടും.

ഭക്ഷണത്തിനുശേഷം കഴിക്കേണ്ടവ

ചില വിറ്റാമിനുകൾ ഭക്ഷണത്തിന് ശേഷം ഉടൻ കഴിക്കേണ്ടതുണ്ട്. ഇവ വിറ്റാമിൻ എ, ഡി, ഇ, കെ എന്നിവയാണ്. വിറ്റാമിൻ ഡി പൗഡർ രൂപത്തിൽ കഴിക്കുകയാണെങ്കിൽ, പാലിനൊപ്പം കഴിക്കുക, കാരണം പാലിന്റെ കൊഴുപ്പിനൊപ്പം ആഗിരണം നല്ലതാണ്. വിറ്റാമിൻ ഡി പൗഡർ കാപ്സ്യൂളുകളേക്കാൾ വിലകുറവാണ്. പക്ഷേ, വയർ സംബന്ധമായ പ്രശ്നങ്ങൾ ഉള്ളവർക്ക് ഉപയോഗപ്രദമാകണമെന്നില്ല.

ഈ രണ്ടു തരം വിറ്റാമിനുകളും ഒരുമിച്ച് കഴിക്കാൻ പാടില്ല. അതുകൊണ്ടാണ് മൾട്ടിവിറ്റാമിൻ കാപ്സ്യൂളുകൾ കഴിക്കുമ്പോൾ പ്രശ്നങ്ങൾ ഉണ്ടാകുന്നത്. വിറ്റാമിൻ മരുന്നുകൾ കഴിക്കുന്നതിനുള്ള അനുയോജ്യമായ സമയം വെള്ളത്തോടൊപ്പം ഭക്ഷണം കഴിച്ച് അൽപ സമയത്തിനുശേഷമാണ്. വിറ്റാമിൻ സിയും ബി12 ഉം ഒരുമിച്ച് കഴിക്കുന്നത് ഒഴിവാക്കുക, കാരണം വിറ്റാമിൻ സി ബി12 ന്റെ ആഗിരണം കുറയ്ക്കും. അവയ്ക്കിടയിൽ കുറഞ്ഞത് രണ്ട് മണിക്കൂർ ഇടവേളയെങ്കിലും നിലനിർത്തുക. 

മുട്ട, മത്സ്യം, പാലുൽപ്പന്നങ്ങൾ തുടങ്ങിയവ ഭക്ഷണത്തിൽ ഉൾപ്പെടുത്തുന്നുവെങ്കിൽ വിറ്റാമിൻ എ മരുന്നുകളുടെ ആവശ്യമില്ല. വിറ്റാമിൻ ബി 9 അല്ലെങ്കിൽ ഫോളിക് ആസിഡ് വിറ്റാമിൻ ബി 12 നോടൊപ്പം കഴിക്കരുത്. വിറ്റാമിൻ ഇ ഒരേസമയം കഴിക്കുന്നത് വിറ്റാമിൻ കെ യുടെ ഫലങ്ങളെ പ്രതിരോധിക്കും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ഹൃദയത്തെ സംരക്ഷിക്കാം, ദിവസവും 2 അണ്ടിപ്പരിപ്പ് കഴിച്ചോളൂ
• ശരീരഭാര നിയന്ത്രണത്തിന് അവക്കാഡോ, കാരണമിതാണ്
• ഭക്ഷണം 10 മിനിറ്റിനുള്ളിൽ കഴിച്ചാൽ ശരീരത്തിന് എന്ത് സംഭവിക്കുമെന്ന് അറിയാമോ?
• ഡയറ്റ് നോക്കാതെ ശരീര ഭാരം നിലനിർത്താം, 6 വഴികൾ