ഭക്ഷണത്തിന് മുമ്പ് കാപ്പി കുടിച്ചാൽ രക്തത്തിലെ പഞ്ചസാരയുടെ അളവ് ഉയരുമോ?

പ്രമേഹമുള്ളവർ ഭക്ഷണകാര്യത്തിൽ ശ്രദ്ധ വേണം. രക്തത്തിലെ പഞ്ചസാരയുടെ അളവ് ഉയർത്താത്ത ഭക്ഷണം വേണം തിരഞ്ഞെടുക്കാൻ. മധുരം മാത്രമല്ല, രക്തത്തിലെ പഞ്ചസാരയുടെ അളവ് ഉയർത്തുന്നത്. ചിലപ്പോൾ, ആരോഗ്യകരമോ നിരുപദ്രവകരമോ ആണെന്ന് നിങ്ങൾ കരുതുന്ന ചില ശീലങ്ങൾ രക്തത്തിലെ പഞ്ചസാരയുടെ അളവ് ഗണ്യമായി വർധിക്കുന്നതിന് കാരണമാകുമെന്ന് ഐവി ലീഗിൽ പരിശീലനം ലഭിച്ച പ്രമേഹ രോഗ നിവാരണ വിദഗ്ധയായ ഡോ.ടെസ് തോമസ് ഇൻസ്റ്റാഗ്രാമിലെ ഒരു പോസ്റ്റിൽ പറഞ്ഞു.

Also Read: ഒരുപിടി പംപ്കിൻ സീഡ് കഴിച്ച് ദിവസം തുടങ്ങൂ, ആരോഗ്യത്തിൽ കാണാം ഈ മാറ്റങ്ങൾ

• പ്രഭാതഭക്ഷണം ഒഴിവാക്കുക (പ്രത്യേകിച്ച് പ്രോട്ടീൻ)
• ഭക്ഷണത്തിന് മുമ്പ് കാപ്പി കുടിക്കുക
• വെറും വയറ്റിൽ വീഞ്ഞ് കുടിക്കുക
• മറഞ്ഞിരിക്കുന്ന പഞ്ചസാര നിറഞ്ഞ "ആരോഗ്യകരമായ" ഗ്രനോള ബാറുകൾ
• പ്രോട്ടീനോ കൊഴുപ്പോ ഇല്ലാതെ കാർബോഹൈഡ്രേറ്റ് കഴിക്കുക
• ഭക്ഷണത്തിനിടയിലെ ഇടവേളകൾ കൂടുക
• ഒരു വാഴപ്പഴം കഴിക്കുന്നതിനെ ഉച്ചഭക്ഷണം എന്ന് വിളിക്കുക
• പ്രോട്ടീൻ ഇല്ലാത്ത സാലഡുകളെ ആശ്രയിക്കുക
• യഥാർത്ഥ ഭക്ഷണം കഴിക്കുന്നതിന് പകരം ദിവസം മുഴുവൻ ലഘുഭക്ഷണം കഴിക്കുക
• ദിവസം മുഴുവൻ വൈകി ഭക്ഷണം കഴിക്കുക

"ഇവയൊന്നും നിങ്ങളെ ഒരു മോശം വ്യക്തി ആക്കുന്നില്ല. പക്ഷേ അവ നിങ്ങളുടെ ശരീരത്തിന് ഊർജം, വിശപ്പ്, മാനസികാവസ്ഥ എന്നിവ നിയന്ത്രിക്കുന്നത് ബുദ്ധിമുട്ടാക്കുന്നു," ഡോ. തോമസ് പറഞ്ഞു.

Also Read: രക്തസമ്മർദ്ദം കുറയ്ക്കാം, ഭക്ഷണശീലത്തിൽ ഇവയിലൊന്ന് ഉൾപ്പെടുത്തൂ

"പ്രോട്ടീൻ അടങ്ങിയ പ്രഭാതഭക്ഷണം ഒഴിവാക്കുന്നത്, ദിവസത്തിന്റെ അവസാനത്തിൽ രക്തത്തിലെ പഞ്ചസാരയുടെ അളവിൽ മാറ്റങ്ങൾക്ക് കാരണമാകും. ഭക്ഷണത്തിന് മുമ്പ് കാപ്പി കുടിച്ച് ദിവസം ആരംഭിക്കുന്നത് സ്ട്രെസ് ഹോർമോൺ വർധനവിന് കാരണമാകും, ഇത് ഗ്ലൂക്കോസിന്റെ അളവിനെയും ബാധിക്കുന്നു. ഒരു വാഴപ്പഴം എടുത്ത് അതിനെ ഉച്ചഭക്ഷണം എന്ന് വിളിക്കുന്നത്, മറഞ്ഞിരിക്കുന്ന പഞ്ചസാര അടങ്ങിയ ഗ്രനോള ബാറുകളെ ആശ്രയിക്കുന്നത്, അല്ലെങ്കിൽ പ്രോട്ടീനോ കൊഴുപ്പോ ഇല്ലാതെ കാർബോഹൈഡ്രേറ്റ് കഴിക്കുന്നത് എന്നിവ രക്തത്തിലെ പഞ്ചസാരയുടെ അളവിൽ കുത്തനെയുള്ള വർധനവിന് കാരണമാകും,” താനെയിലെ ജൂപ്പിറ്റർ ഹോസ്പിറ്റലിലെ ഡോ.അമിത് സറഫ് പറഞ്ഞു.

Also Read: ദിവസവും കറുത്ത ഉണക്കമുന്തിരി കുതിർത്ത വെള്ളം കുടിക്കാം; അദ്ഭുതകരമായ ആരോഗ്യ ഗുണങ്ങൾ

ഒഴിഞ്ഞ വയറ്റിൽ വീഞ്ഞ് കുടിക്കുക, ഭക്ഷണം ദീർഘനേരം വൈകിപ്പിക്കുക, സമീകൃതാഹാരത്തിന് പകരം ദിവസം മുഴുവൻ ലഘുഭക്ഷണം കഴിക്കുക, അല്ലെങ്കിൽ പ്രോട്ടീൻ ഇല്ലാതെ സലാഡുകൾ കഴിക്കുക എന്നിവയെല്ലാം രക്തത്തിലെ പഞ്ചസാരയുടെ സ്ഥിരമായ നിയന്ത്രണത്തെ തടസ്സപ്പെടുത്തും. രാത്രി വളരെ വൈകി ഭക്ഷണം കഴിക്കുന്നത് പോലും രക്തത്തിലെ പഞ്ചസാരയുടെ വർധനവിന് പെട്ടെന്ന് കാരണമാകുമെന്ന് ഡോ.സറഫ് അഭിപ്രായപ്പെട്ടു.

ഈ ശീലങ്ങളിൽ പലതും നിരുപദ്രവകരമാണെന്ന് തോന്നുമെങ്കിലും, അവ മാറ്റുന്നത് "ഊർജം, മാനസികാവസ്ഥ, ദീർഘകാല ആരോഗ്യം എന്നിവയിൽ ശ്രദ്ധേയമായ വ്യത്യാസം വരുത്തും". "ഓരോ ഭക്ഷണത്തിലും പ്രോട്ടീൻ കഴിക്കുക, പതിവ് ഭക്ഷണ ഷെഡ്യൂൾ പാലിക്കുക തുടങ്ങിയ ചെറുതും സ്ഥിരവുമായ ശീലങ്ങളിലെ മാറ്റങ്ങൾ രക്തത്തിലെ പഞ്ചസാര സ്ഥിരമായി നിലനിർത്താൻ സഹായിക്കും," ഡോ. സറഫ് പറഞ്ഞു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: കോഴിയിറച്ചി കഴിച്ചാൽ മലബന്ധം ഉണ്ടാകില്ല, അതിനൊപ്പം ഇത് കൂടി കഴിക്കൂ