വിറ്റാമിൻ ഡി കുറവാണോ? ഈ 8 ലക്ഷണങ്ങൾ ശ്രദ്ധിക്കൂ

വിറ്റാമിൻ ഡി കുറവ് പലരും നേരിടുന്നൊരു പ്രശ്നമാണ്. ലോകമെമ്പാടുമുള്ള 1 ബില്യൺ ആളുകളിൽ വിറ്റാമിൻ ഡിയുടെ കുറവ് ഉണ്ടെന്നാണ് കണക്കുകൾ, അതായത് ആഗോള ജനസംഖ്യയുടെ 50 ശതമാനം പേർക്കും വിറ്റാമിൻ ഡിയുടെ കുറവുണ്ട്. മരുന്നുകൾ കഴിച്ചും സൂര്യപ്രകാശമേറ്റും അല്ലെങ്കിൽ വിറ്റാമിൻ ഡി അടങ്ങിയ ഭക്ഷണങ്ങൾ കഴിച്ചും ഈ കുറവ് പരിഹരിക്കാം. 

വിറ്റാമിൻ ഡിയുടെ കുറവ് ചില ലക്ഷണങ്ങളിലൂടെ തിരിച്ചറിയാൻ സാധിക്കും. ന്യൂട്രീഷ്യനിസ്റ്റ് ദീപ്‌ശിഖ ജെയിൻ വിറ്റാമിൻ ഡി കുറവിന്റെ ലക്ഷണങ്ങൾ എന്തൊക്കെയാണെന്ന് ഇൻസ്റ്റഗ്രാമിൽ പോസ്റ്റ് ചെയ്ത വീഡിയോയിൽ വിശദീകരിച്ചിട്ടുണ്ട്. 

1. ഉറക്കം കിട്ടുന്നില്ല

വിറ്റാമിൻ ഡി കുറവാണെന്നതിന്റെ ആദ്യ ലക്ഷണം ഉറക്കം ലഭിക്കാത്തതാണ്. തിരിഞ്ഞും മറിഞ്ഞും ഉറക്കം വരാതെ രാത്രിയിൽ അസ്വസ്ഥത നേരിടുന്നുണ്ടാകും. 

2. ക്ഷീണം തോന്നുക

ദിവസം മുഴുവൻ ക്ഷീണം അനുഭവപ്പെടുന്നുണ്ടെങ്കിൽ വിറ്റാമിൻ ഡി കുറവുണ്ടെന്ന് മനസിലാക്കുക.

3. മോശം മാനസികാരോഗ്യം 

വിറ്റാമിൻ ഡി കുറവുണ്ടെങ്കിൽ വിഷാദവും ഉത്കണ്ഠയും ഉണ്ടാകാം. മോശം മാനസികാവസ്ഥ ഉണ്ടാകാനുള്ള സാധ്യതയും കൂടുതലാണ്.

4. വിശപ്പില്ലായ്മ

വിറ്റാമിൻ ഡി കുറവുള്ളവർക്ക് വിശപ്പില്ലായ്മ ഉണ്ടാകാം. പലപ്പോഴും നിങ്ങൾക്ക് വിശപ്പ് തോന്നില്ല.

5. മുടി കൊഴിച്ചിൽ

മുടി കൊഴിച്ചിൽ അനുഭവപ്പെടുകയാണെങ്കിൽ വിറ്റാമിൻ ഡിയുടെ കുറവുണ്ടാകാം. തീർച്ചയായും ഒരു ഡോക്ടറെ സമീപിക്കുക.

6. നടുവേദന

വിറ്റാമിൻ ഡി കുറവുള്ളവർക്ക് സന്ധി വേദന, കാൽമുട്ട് വേദന, നടുവേദന എന്നിവ ഉണ്ടാകാം.

View this post on Instagram

A post shared by Deepsikha Jain (@fries.to.fit)

7. പേശി ബലക്കുറവ്

വിറ്റാമിൻ ഡി കുറവുണ്ടാകുമ്പോൾ, പേശികൾക്ക് ബലക്കുറവ് ഉണ്ടാകുമെന്ന് ദീപ്ശിഖ പറഞ്ഞു.

8. വിളറിയതും വരണ്ടതുമായ ചർമ്മം

വിളറിയതും വരണ്ടതുമായ ചർമ്മം വിറ്റാമിൻ ഡിയുടെ കുറവിന്റെ ലക്ഷണമാകാം.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ഭക്ഷണത്തിനു ശേഷം വെള്ളം കുടിക്കുമ്പോൾ ശരീരത്തിൽ എന്ത് സംഭവിക്കും?
• 4 മാസം കൊണ്ട് 25 കിലോ കുറയ്ക്കാം, ഈ 4 കാര്യങ്ങൾ ചെയ്താൽ മതി
• വയർ കുറച്ച് സൗന്ദര്യം വീണ്ടെടുക്കണോ? ഈ 9 കാര്യങ്ങൾ ചെയ്യുന്നത് നിർത്തൂ
• മഗ്നീഷ്യത്തിൻ്റെ കുറവ് ശരീരത്തിൽ എന്തെല്ലാം മാറ്റങ്ങൾ ഉണ്ടാക്കും?