4 മാസം കൊണ്ട് 25 കിലോ കുറയ്ക്കാം, ഈ 4 കാര്യങ്ങൾ ചെയ്താൽ മതി

ശരീര ഭാരം കുറയ്ക്കാൻ ശരിയായ ഭക്ഷണം കഴിക്കുകയും പതിവായി വ്യായാമം ചെയ്യുകയും മാത്രം പോര. പോഷകാഹാരത്തെക്കുറിച്ച് സ്വയം ബോധവൽക്കരിക്കുകയും നിങ്ങൾക്ക് ഏറ്റവും അനുയോജ്യമായത് എന്താണെന്നും നിങ്ങളുടെ ശരീരത്തിന് എന്താണ് വേണ്ടതെന്ന് പഠിക്കുകയും വേണം.

4 മാസം കൊണ്ട് 25 കിലോ കുറയ്ക്കാൻ തന്നെ സഹായിച്ച 4 കാര്യങ്ങളെക്കുറിച്ച് വിശദീകരിക്കുകയാണ് ന്യൂട്രീഷ്യനിസ്റ്റ് അമാക. ഇന്റർമിറ്റന്റ് ഫാസ്റ്റിങ് മുതൽ പ്രോട്ടീൻ സമ്പുഷ്ടമായ ഭക്ഷണം കഴിക്കുന്നത് വരെ, തന്റെ ദിനചര്യയിൽ എന്തൊക്കെ മാറ്റങ്ങളാണ് വരുത്തിയതെന്നും തനിക്ക് എങ്ങനെ അവ പ്രയോജനപ്പെട്ടുവെന്നും അവർ വിശദീകരിച്ചിട്ടുണ്ട്.

1. ഇന്റർമിറ്റന്റ് ഫാസ്റ്റിങ്

ശരീര ഭാരം കുറയ്ക്കാൻ തീരുമാനമെടുത്തപ്പോൾ ഇന്റർമിറ്റന്റ് ഫാസ്റ്റിങ് പിന്തുടർന്നു. ദിവസത്തിൽ എല്ലാ സമയത്തും ഭക്ഷണം കഴിക്കാതെ സമയബന്ധിതമായ ഭക്ഷണക്രമം പിന്തുടർന്നു. ഉദാഹരണത്തിന്, 8 മണിക്കൂർ ഇടവേളയിൽ (ഉച്ചയ്ക്ക് 12 മുതൽ രാത്രി 8 വരെ) മാത്രമേ ഭക്ഷണം കഴിച്ചിരുന്നുള്ളൂ,16 മണിക്കൂർ ഉപവാസം. രാവിലെ ചെറുചൂടുള്ള നാരങ്ങാവെള്ളം, വയറു വീർക്കുന്നത് കുറയ്ക്കാൻ ഗ്രീൻ ടീ, ഡിറ്റോക്സ് സ്മൂത്തികൾ എന്നിവ കുടിച്ചു.

2. ആഴ്ച തോറുമുള്ള ലക്ഷ്യങ്ങൾ

ദിവസവും 3 ലിറ്റർ വെള്ളം കുടിക്കുക, ഒരാഴ്ചത്തേക്ക് മധുരം കഴിക്കരുത്, ദിവസവും 30 മിനിറ്റ് വ്യായാമം ചെയ്യുക, എല്ലാ ദിവസവും കുറഞ്ഞത് 10,000 ചുവടുകളെങ്കിലും നടക്കുക തുടങ്ങി ആഴ്ചതോറും ചെറിയ ലക്ഷ്യങ്ങൾ നേടാൻ തീരുമാനിച്ചു. ചെറിയ ലക്ഷ്യങ്ങൾ ശരീര ഭാരം കുറയ്ക്കുന്നതിൽ കൂടുതൽ ശ്രദ്ധിക്കാനും മുന്നോട്ട് പോകാനുള്ള ആത്മവിശ്വാസം വർധിപ്പിച്ചതായും അവർ വെളിപ്പെടുത്തി. 

3. സ്ട്രെങ്ത് ട്രെയിനിങ്, ദിവസവും 10,000 ചുവടുകൾ നടക്കുക

കാർഡിയോയിൽ മാത്രം ശ്രദ്ധിക്കാതെ സ്ട്രെങ്ത് ട്രെയിനിങ്ങും (ഭാരോദ്വഹനം, സ്ക്വാറ്റുകൾ പോലുള്ള ശരീരഭാര വ്യായാമങ്ങൾ, പുഷ്-അപ്പുകൾ, റെസിസ്റ്റൻസ് ബാൻഡ് വർക്കൗട്ടുകൾ) ചെയ്തു.

View this post on Instagram

A post shared by CERTIFIED NUTRITIONIST (@shred_with_amaka)

4. പ്രോട്ടീൻ സമ്പുഷ്ടമായ ഭക്ഷണം

ഉയർന്ന പ്രോട്ടീൻ അടങ്ങിയ ഭക്ഷണങ്ങൾ കഴിച്ചു. ഉയർന്ന കാർബ് ഭക്ഷണങ്ങൾ കഴിക്കുന്നതിനുപകരം, മുട്ട, ചിക്കൻ, മത്സ്യം, ബീൻസ്, ഗ്രീക്ക് യോഗർട്ട്, ടോഫു, പ്രോട്ടീൻ ഷേക്കുകൾ, അവോക്കാഡോ, നട്‌സ് പോലുള്ള ആരോഗ്യകരമായ കൊഴുപ്പുകൾ തുടങ്ങിയ ഉയർന്ന പ്രോട്ടീൻ ഭക്ഷണങ്ങളിലേക്ക് മാറി.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• വയർ കുറച്ച് സൗന്ദര്യം വീണ്ടെടുക്കണോ? ഈ 9 കാര്യങ്ങൾ ചെയ്യുന്നത് നിർത്തൂ
• മഗ്നീഷ്യത്തിൻ്റെ കുറവ് ശരീരത്തിൽ എന്തെല്ലാം മാറ്റങ്ങൾ ഉണ്ടാക്കും?
• സാറ അലി ഖാനെപ്പോലെ വടിവൊത്ത ശരീരം വേണോ? ഈ രീതിയിൽ ഭക്ഷണം കഴിക്കൂ
• ദിവസവും 3 കറുത്ത ഉണക്കമുന്തിരി കഴിക്കൂ; അത്ഭുതകരമായ ഗുണങ്ങൾ നേടൂ