തൈറോയ്ഡിന് മരുന്ന് കഴിച്ച് തുടങ്ങിയോ? ഈ 5 ഭക്ഷണങ്ങൾ ഉടൻ നിർത്തൂ

ഹൈപ്പോതൈറോയിഡിസം അല്ലെങ്കിൽ ഹൈപ്പർതൈറോയിഡിസം പോലുള്ള രോഗാവസ്ഥകൾ കൈകാര്യം ചെയ്യുന്നതിൽ തൈറോയ്ഡ് മരുന്നുകൾക്ക് വലിയ പ്രാധാന്യമുണ്ട്. ഹോർമോണുകളുടെ അളവ് നിയന്ത്രിക്കുന്നതിനും ശരീരത്തിന്റെ ശരിയായ പ്രവർത്തനം ഉറപ്പാക്കുന്നതിനും ഈ മരുന്നുകൾ സഹായിക്കും. തൈറോയ്ഡ് മരുന്ന് കഴിച്ചതിനുശേഷമുള്ള ഭക്ഷണ സമയം അതിന്റെ ആഗിരണത്തെയും ഫലപ്രാപ്തിയെയും സാരമായി സ്വാധീനിക്കുന്നുണ്ട്. 

തൈറോയിഡ് രോഗികളോട് ഈ മരുന്നുകൾ രാവിലെ വെറും വയറ്റിൽ കഴിക്കാൻ നിർദേശിക്കാറുണ്ട്. മരുന്ന് കഴിച്ചശേഷം എത്ര സമയം ഭക്ഷണം കഴിക്കുന്നതിന് കാത്തിരിക്കണമെന്ന സംശയം പലർക്കുമുണ്ട്. ഉപാപചയപ്രവർത്തനത്തെയും ഊർജ നിലയെയും നിയന്ത്രിക്കുന്നതിൽ തൈറോയ്ഡ് മരുന്നുകൾ വളരെ പ്രധാനമാണെന്നും മരുന്നുകൾ ശരിയായ സമയത്ത് കഴിക്കണമെന്നും മുംബൈയിലെ ഡോ. അബിസർ മങ്കാദ് ഇന്ത്യൻ എക്സ്പ്രസ് ഡോട് കോമിനോട് പറഞ്ഞു.

ഭക്ഷണവും പാനീയങ്ങളും മരുന്നിന്റെ ആഗിരണത്തെ തടസപ്പെടുത്തുമെന്നതിനാൽ തൈറോയ്ഡ് മരുന്നുകൾ വെറും വയറ്റിൽ കഴിക്കണമെന്ന് ഡോ.മങ്കാദ് നിർദേശിച്ചു. തൈറോയ്ഡ് മരുന്ന് കഴിച്ച് കുറഞ്ഞത് 30 മുതൽ 60 മിനിറ്റിനുശേഷമേ ഭക്ഷണം കഴിക്കാവൂ. മരുന്ന് ശരീരത്തിലേക്ക് ആഗിരണം ചെയ്യാൻ ഈ സമയം മതിയാകും. 30 മിനിറ്റിനേക്കാൾ ഒരു മണിക്കൂർ കാത്തിരിക്കുന്നത് നല്ലതാണെന്ന് ഒരു പഠനം കാണിക്കുന്നുവെന്ന് അദ്ദേഹം പറഞ്ഞു.

തൈറോയ്ഡ് മരുന്ന് കഴിച്ച ഉടനെ ഒഴിവാക്കേണ്ട ഭക്ഷണ പാനീയങ്ങൾ

ചില ഭക്ഷണ പാനീയങ്ങൾ തൈറോയ്ഡ് മരുന്നുകളുടെ ആഗിരണത്തെ സാരമായി തടസ്സപ്പെടുത്തും, അതിനാൽ അവ കഴിച്ചതിനുശേഷം കുറച്ച് മണിക്കൂറുകൾ അവ ഒഴിവാക്കണം. 

• കാൽസ്യം അടങ്ങിയ ഭക്ഷണങ്ങൾ (പാലുൽപ്പന്നങ്ങൾ, ഫോർട്ടിഫൈഡ് ജ്യൂസുകൾ)
• ഇരുമ്പ് അടങ്ങിയ ഭക്ഷണങ്ങൾ (റെഡ് മീറ്റ്, സ്‌പിനച്, ഫോർട്ടിഫൈഡ് ധാന്യങ്ങൾ)
• നാരുകൾ കൂടുതലുള്ള ഭക്ഷണങ്ങൾ (ധാന്യങ്ങൾ, ബീൻസ്, ക്രൂസിഫറസ് പച്ചക്കറികൾ)
• സോയ ഉൽപ്പന്നങ്ങൾ (സോയ മിൽക്ക്, ടോഫു, എഡമേം)
• കാപ്പി (മരുന്നുകളുടെ ആഗിരണത്തെ 30% വരെ കുറച്ചേക്കാം)

തൈറോയ്ഡ് മരുന്നുകളോടൊപ്പം കഴിക്കാൻ വെള്ളമാണ് ഏറ്റവും നല്ല ഓപ്ഷൻ, അത് ആഗിരണത്തെ തടസ്സപ്പെടുത്തുന്നില്ലെന്നും ഡോ.മങ്കാദ് വ്യക്തമാക്കി.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• കരിക്കിൻ വെള്ളം കുടിക്കുന്നവരാണോ? ജാഗ്രത വേണമെന്ന് ഡോക്ടർ
• കൊളസ്ട്രോൾ കുറയ്ക്കും, കരൾ തകരാറുകൾ തടയും; നെല്ലിക്ക ജ്യൂസിന്റെ ആരോഗ്യ ഗുണങ്ങൾ
• ഹൃദയാഘാതം തടയാം, ഈ 5 കാര്യങ്ങളിൽ മാറ്റം വരുത്തൂ
• ദിവസവും പേരയ്ക്ക കഴിക്കാറുണ്ടോ? ശരീരത്തിന് എന്ത് സംഭവിക്കും?