മരുന്നുകളില്ലാതെ ദഹനം മെച്ചപ്പെടുത്താം, ഈ 3 തെറ്റുകൾ ഒഴിവാക്കുക

ഭക്ഷണശേഷമുള്ള ദഹന പ്രശ്നങ്ങൾ സർവ സാധാരണമാണ്. ഗ്യാസ്, വയറിളക്കം, ദഹനക്കേട്, മലബന്ധം തുടങ്ങിയ നിരവധി ദഹന പ്രശ്നങ്ങൾ മൊത്തത്തിലുള്ള ആരോഗ്യത്തെ ബാധിക്കുകയും ശരീരാവയവങ്ങളെ ബാധിക്കുകയും ചെയ്യും. മരുന്നുകളൊന്നും ഇല്ലാതെ തന്നെ ദഹനം മെച്ചപ്പെടുത്താൻ ചില ടിപ്‌സുകൾ സഹായിക്കും. 

മൂന്നു തെറ്റുകൾ ഒഴിവാക്കിയാൽ മരുന്നുകളില്ലാതെ ദഹനം മെച്ചപ്പെടുത്താമെന്ന് ആയുർവേദ ഡോ.ദിക്സ ഭാവ്സർ പറഞ്ഞു. ഇതുസംബന്ധിച്ച വീഡിയോ അവർ ഇൻസ്റ്റഗ്രാമിൽ പോസ്റ്റ് ചെയ്തിട്ടുണ്ട്. 

1. ഭക്ഷണം കഴിച്ച ഉടനെ കുളിക്കുക

പ്രഭാത ഭക്ഷണമോ, ഉച്ചഭക്ഷണമോ, അത്താഴമോ കഴിച്ച ഉടനെ കുളിക്കുന്ന ശീലമുണ്ടെങ്കിൽ ഒഴിവാക്കുക. ഓരോ പ്രവൃത്തിക്കും അനുയോജ്യമായ സമയം ഉണ്ടെന്ന് ആയുർവേദം പറയുന്നു. ഭക്ഷണശേഷം കുറഞ്ഞത് രണ്ടു മണിക്കൂറെങ്കിലും കഴിയാതെ കുളിക്കരുത്. കാരണം, ദഹനത്തിന് ഉത്തരവാദിയായ ശരീരത്തിലെ അഗ്നി മൂലകം ഭക്ഷണം കഴിച്ചതിനുശേഷം സജീവമാകുകയും ദഹനം മെച്ചപ്പെടുത്തുകയും രക്തചംക്രമണം വർധിപ്പിക്കുന്നതിനും കാരണമാകുന്നു. കുളിക്കുമ്പോൾ ശരീര താപനില കുറയുകയും ദഹനം മന്ദഗതിയിലാകുകയും ചെയ്യും.

2. ഭക്ഷണശേഷം ഉടൻ നടക്കുക

ഭക്ഷണം കഴിച്ചതിന് ശേഷം ദീർഘനേരം നടക്കുകയോ നീന്തുകയോ ശാരീരിക പ്രവർത്തനങ്ങളിൽ ഏർപ്പെടുകയോ ചെയ്യരുത്. ഇത് ഉപാപചയപ്രവർത്തനത്തെ മന്ദഗതിയിലാക്കുകയും ദഹനപ്രശ്നങ്ങൾക്ക് കാരണമാവുകയും ചെയ്യും. ശാരീരിക പ്രവർത്തനങ്ങൾ ചെയ്യുന്നത് വാതം വഷളാക്കുകയും ദഹനത്തെ തടസ്സപ്പെടുത്തുകയും ചെയ്യും. വയറുവേദന, അസ്വസ്ഥത, പോഷകങ്ങളുടെ അപൂർണ്ണമായ ആഗിരണം എന്നിവയിലേക്ക് നയിച്ചേക്കാം. എന്നാൽ, ഭക്ഷണത്തിന് ശേഷം 100 ചുവടുകൾ നടക്കുന്നത് പ്രയോജനകരമാണെന്ന് ഡോക്ടർ നിർദേശിച്ചു.

3. ഭക്ഷണം കഴിച്ചശേഷം ഉടനെ ഉറങ്ങുക

ഉച്ചഭക്ഷണത്തിനുശേഷം പലരും ഉറങ്ങാറുണ്ട്. ഭക്ഷണം കഴിച്ചയുടൻ ഉറങ്ങുന്നത് ഒഴിവാക്കണം. വയറ്റിലെ കൊഴുപ്പ്, കൊളസ്‌ട്രോൾ, പ്രമേഹം എന്നിവയ്‌ക്ക് ഉച്ച ഉറക്കം കാരണമായേക്കാം. ഭക്ഷണത്തിനും ഉറക്കത്തിനും ഇടയിൽ കുറഞ്ഞത് 3 മണിക്കൂർ ഇടവേള ഉണ്ടായിരിക്കണം.

View this post on Instagram

A post shared by Dr Dixa Bhavsar Savaliya (@drdixa_healingsouls)

ദഹനപ്രശ്നങ്ങൾ വഷളാവുകയാണെങ്കിൽ വിദഗ്ധ ചികിത്സയ്ക്കായ് ഉടൻ തന്നെ ഡോക്ടറെ കാണുക.

Read More

• മദ്യം ഒഴിവാക്കി ശരീരഭാരം കുറയ്ക്കാമോ?
• കുടലിന്റെ ആരോഗ്യം വീണ്ടെടുക്കാൻ രണ്ടാഴ്ച ഇങ്ങനെ ചെയ്യൂ
• സൂര്യാസ്തമയത്തിനുശേഷം പഴങ്ങൾ കഴിക്കാമോ?
• ശരീര ഭാരം കൂടുമെന്ന ഭയമില്ലാതെ 'ഇന്ത്യൻ താലി' ആസ്വദിക്കാം, 3 ടിപ്സുകൾ