ശരീര ഭാരം കുറയാൻ വേറൊന്നും വേണ്ട; രാവിലെ ഈ 3 കാര്യങ്ങൾ ശ്രദ്ധിക്കൂ

ശരീര ഭാരം കുറയ്ക്കാൻ ശ്രമിക്കുന്നവർ ഭക്ഷണകാര്യത്തിൽ പ്രത്യേക ശ്രദ്ധ വേണം. ഭക്ഷണക്രമത്തിൽ കർശനമായ നിയന്ത്രണം വയ്ക്കുന്നത് ശരീര ഭാരം എളുപ്പത്തിൽ കുറയാൻ സഹായിക്കും. ശരീര ഭാരം കുറയുന്നതിൽ പ്രഭാത ഭക്ഷണം വളരെ പ്രധാന പങ്ക് വഹിക്കുന്നുണ്ട്. ശരീര ഭാരം കുറയ്ക്കുന്നതിനെ മന്ദഗതിയിലാക്കുന്ന 3 പ്രഭാത ഭക്ഷണ തെറ്റുകളെക്കുറിച്ച് വിശദീകരിച്ചിരിക്കുകയാണ് ന്യൂട്രീഷ്യൻ കോച്ച് ലൂയിസാന കരേരോ.

സ്ത്രീകൾ പലപ്പോഴും ചെയ്യുന്ന പ്രഭാതഭക്ഷണ തെറ്റുകൾ, ശരീരത്തിലെ കൊഴുപ്പ് ഉരുകുന്നത് കൂടുതൽ ബുദ്ധിമുട്ടാക്കുന്നുവെന്ന് അവർ ഇൻസ്റ്റഗ്രാം പോസ്റ്റിൽ പറഞ്ഞു. ഒരു ഫിറ്റ്നസ്, പോഷകാഹാര പരിശീലക എന്ന നിലയിൽ, മിക്ക സ്ത്രീകൾക്കും വണ്ണം കുറയ്ക്കുന്നതിൽ നിന്ന് തടയുന്ന 3 പ്രഭാതഭക്ഷണ തെറ്റുകൾ ഇതാ," എന്ന ക്യാപ്ഷനോടെയാണ് അവർ വീഡിയോ പോസ്റ്റ് ചെയ്തിരിക്കുന്നത്. 

Also Read: ശരീരഭാര നിയന്ത്രണത്തിന് കീർത്തി ശീലമാക്കിയത് ഈ ഒരു കാര്യം മാത്രം

1. പഴങ്ങൾ മാത്രം കഴിക്കുക

പഴങ്ങളിൽ വിറ്റാമിനുകളും നാരുകളും നിറഞ്ഞിട്ടുണ്ടെങ്കിലും, അവ രക്തത്തിലെ പഞ്ചസാരയുടെ അളവ് വർധിപ്പിക്കും, പ്രത്യേകിച്ച് രാവിലെ കഴിക്കുമ്പോൾ. ഇത് ആസക്തിയിലേക്കും കുറച്ച് മണിക്കൂറുകൾക്ക് ശേഷം അമിതമായി ഭക്ഷണം കഴിക്കുന്നതിലേക്കും നയിച്ചേക്കാം. രക്തത്തിലെ പഞ്ചസാരയുടെ അളവ് ബാലൻസ് ചെയ്യാൻ പ്രോട്ടീനും കൊഴുപ്പും അടങ്ങിയ ഭക്ഷണങ്ങൾക്കൊപ്പം ചേർത്ത് പഴങ്ങൾ കഴിക്കുക.

Also Read: വയർ കുറച്ച് അരക്കെട്ട് ഭംഗിയാക്കാം, ആയുർവേദം പറയുന്ന ഈ 6 കാര്യങ്ങൾ ചെയ്തോളൂ

2. ആവശ്യത്തിന് പ്രോട്ടീൻ കഴിക്കുന്നില്ല

കുറഞ്ഞ പ്രോട്ടീൻ സംതൃപ്തി, കൂടുതൽ ആസക്തി, പേശികളുടെ നഷ്ടം എന്നിവയിലേക്ക് നയിക്കുന്നു. വിശപ്പ് നിയന്ത്രിക്കുന്നതിനും, പേശികളുടെ ബലത്തിനും, ഉപാപചയ പ്രവർത്തനത്തിനും പ്രോട്ടീൻ പ്രധാനമാണ്. രാവിലെ കുറഞ്ഞത് 20-30 ഗ്രാം പ്രോട്ടീൻ കഴിക്കാൻ ശ്രമിക്കുക.

View this post on Instagram

A post shared by Luisana Carrero (@luisana_nutritioncoach)

Also Read: മരുന്നുകൾ മാത്രമല്ല തൈറോയ്ഡ് നിയന്ത്രിക്കാൻ ഈ 4 ഭക്ഷണങ്ങളും ശീലമാക്കൂ

3. കഫേകളിൽ നിന്നുള്ള ആരോഗ്യകരമായ സ്മൂത്തികൾ കുടിക്കുക

കടകളിൽ നിന്നോ കഫേയിൽ നിന്നോ വാങ്ങുന്ന പല സ്മൂത്തികളിലും പഞ്ചസാര, പ്രോട്ടീൻ കുറവ്, കലോറി വളരെ കൂടുതലാണ് (ചില സ്മൂത്തികളിൽ 600+ കലോറി ഉണ്ട്). വീട്ടിൽ തന്നെ സ്വന്തമായി സ്മൂത്തി ഉണ്ടാക്കുക. നല്ല പ്രോട്ടീൻ (പ്രോട്ടീൻ പൗഡർ, ഗ്രീക്ക് യോഗർട്ട്), ആരോഗ്യകരമായ കൊഴുപ്പുകൾ (നട്ട് ബട്ടർ, ചിയ സീഡ്സ്), നാരുകൾ അടങ്ങിയ കാർബോഹൈഡ്രേറ്റുകൾ (ബെറികൾ, ഓട്സ്, ചീര) എന്നിവ ഭക്ഷണത്തിൽ ഉൾപ്പെടുത്തുക. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ഫാറ്റി ലിവറിനെ അകറ്റി നിർത്താം, ദിവസം 2 ആപ്പിൾ കഴിക്കൂ