ചോറിനും ചപ്പാത്തിക്കും കഴിക്കാം ഈ ചുവന്നുള്ളി അച്ചാർ

ചുവന്നുള്ളി ചേർത്ത കറികൾക്ക് ഒരു പ്രത്യേക രുചിയാണ്. നാടൻ കറികളിലെല്ലാം അധികവും ചുവന്നുള്ളി ആണ് ഉപയോഗിക്കാറുള്ളത്. ചിലർക്കെങ്കിലും അതിൻ്റെ രുചിയോട് താൽപര്യം ഇല്ലാത്തതായി ഉണ്ടാകും. അങ്ങനെയെങ്കിൽ ചുവന്നുള്ളി അച്ചാർ തയ്യാറാക്കി കഴിച്ചു നോക്കൂ. നാവിൽ നിന്നും രുചി മായില്ല. കഴിക്കാൻ തുടങ്ങിയാൽ അച്ചാർ ഭരണി കാലിയാകുന്ന വഴി അറിയില്ല അതുകൊണ്ട് വിനാഗിരി ചേർക്കേണ്ടതില്ല. 

ചേരുവകൾ

• ചുവന്നുള്ളി- 1/2 കിലോ
• ഇഞ്ചി- 50 ഗ്രാം 
• വെളുത്തുള്ളി- 50 ഗ്രാം
• പച്ചമുളക്- 4
• കറിവേപ്പില- ആവശ്യത്തിന്
• നല്ലെണ്ണ- 100 ഗ്രാം
• കായപ്പൊടി- 1/2 ടീസ്പൂൺ
• ഉപ്പ്- ആവശ്യത്തിന്
• ഉലുവ- 1 ടീസ്പൂൺ
• മല്ലിപ്പൊടി- 1/2 ടീസ്പൂൺ

തയ്യാറാക്കുന്ന വിധം

• അടി കട്ടിയുള്ള ഒരു പാത്രത്തിൽ നല്ലെണ്ണ ഒഴിച്ചു ചൂടാക്കാം.
• അത് തിളച്ചു വരുമ്പോൾ ചുവന്നുള്ളി തൊലി കളഞ്ഞതു ചേർത്ത് വേവിച്ചു മാറ്റാം.
• അതേ പാത്രത്തിലേയ്ക്ക് ഇഞ്ചി, വെളുത്തുള്ളി, ഉലുവ, കറിവേപ്പില, വേവിച്ച ചുവന്നുള്ളിയുടെ കാൽഭാഗം എന്നിവ ചേർത്തു വറുക്കാം.
• ഇത് ചെറുചൂടോടെ മാത്രം അരച്ചെടുക്കാം.
• ബാക്കി വന്ന നല്ലെണ്ണയിലേയ്ക്ക് അരപ്പ് ചേർത്തിളക്കി യോജിപ്പിക്കാം.
• ഇതിലേയ്ക്ക് എരിവനുസരിച്ച് മുളകുപൊടി, മല്ലിപ്പൊടി, കായപ്പൊടി, എന്നിവ ചേർക്കാം.
• മാറ്റി വച്ചിരിക്കുന്ന ചുവന്നുള്ളി കൂടി ചേർത്ത് വീണ്ടും ഇളക്കി യോജിപ്പിക്കാം.
• ആവശ്യത്തിന് ഉപ്പും ഈ സമയം ചേർക്കാം.
• ശേഷം അടുപ്പണച്ച് തണുക്കാൻ മാറ്റി വയ്ക്കാം.
• വൃത്തിയുള്ള ഈർപ്പം കടക്കാത്ത പാത്രത്തിലാക്കി ചുവന്നുള്ളി അച്ചാർ സൂക്ഷിക്കാം. 

Read More

• ബിരിയാണി തയ്യാറാക്കാൻ അരി വേണ്ട, ഈ ഒരു വിദ്യ ട്രൈ ചെയ്യൂ
• പഞ്ഞി പോലെ സോഫ്റ്റായ നെയ്യപ്പം, ഈ ചേരുവകൾ കൈയ്യിലുണ്ടോ?
• പച്ചരി ഉണ്ടോ? എങ്കിൽ മലബാർ രുചിയിൽ കലത്തപ്പം കഴിക്കാം
• അരിയും ഉഴുന്നും ഇല്ലാതെ ദോശ സോഫ്റ്റായി ചുട്ടെടുക്കാം, ഇങ്ങനെ ചെയ്യൂ
• ചിക്കൻ കറി സ്പെഷ്യലാക്കണമെങ്കിൽ ഈ രുചിക്കൂട്ട് തന്നെ വേണം
• റവയും മുട്ടയും കൈയ്യിലുണ്ടോ? എങ്കിൽ ഈ ബ്രേക്ക്ഫാസ്റ്റ് റെസിപ്പി ട്രൈ ചെയ്യൂ
• വെള്ളത്തിനു പകരം തേങ്ങാപ്പാൽ, ഇതാ ഒരു സൊയമ്പൻ നാരങ്ങ ജ്യൂസ്
• വായിലിട്ടാൽ അലിഞ്ഞു പോകും കിണ്ണത്തപ്പം തയ്യാറാക്കാൻ ഇനി ഗോതമ്പ് പൊടി മതി
• മുട്ട വേണ്ട, ക്രിസ്പിയും അകമേ സോഫ്റ്റുമായ കട്ലറ്റ് തയ്യാറാക്കാൻ ഈ ചേരുവകൾ മതി