അരി അരയ്ക്കാതെ തന്നെ പഞ്ഞി പോലുള്ള അപ്പം കിട്ടും, ഇങ്ങനെ ചെയ്തു നോക്കൂ

കേരളീയരുടെ പാൻ കേക്കാണ് പാലപ്പം. അരിപ്പൊടി കൊണ്ട് തയ്യാറാക്കുന്ന മാവ് പുളിപ്പിച്ചെടുത്താണ് സാധാരണ അപ്പം ചുട്ടെടുക്കാറുള്ളത്. നൂറ്റാണ്ടുകളായി മലയാളികളുടെ അടുക്കളയിലെ സ്ഥിരം സാന്നിധ്യമാണിത്. ഉണക്കിപൊടിച്ച പച്ചരിയിലേക്ക് തേങ്ങപ്പാലും, യീസ്റ്റും ചേർത്ത് ഒരു രാത്രി വച്ച് പിറ്റേ ദിവസം പാലപ്പം ചുട്ടെടുക്കുന്നതാണ് പാചക രീതി. ഉള്ളിൽ സോഫ്റ്റും പുറമേ ക്രിസ്പിയുമായ പാലപ്പം വെജിറ്റബിൾ കറി, ബീഫ് കറി, മുട്ട കറി എന്നിവക്കൊപ്പം സ്വാദിഷ്ടമായി കഴിക്കാം. എന്നാൽ അരിപ്പൊടി ഇല്ലെങ്കിൽ ഇതൊക്കെ സാധ്യമാകുമോ?.

Also Read: പോഷകസമൃദ്ധമായ ബ്രേക്ക്ഫാസ്റ്റാണോ വേണ്ടത്? എങ്കിൽ അരിപ്പൊടിക്കു പകരം ഇത് ഉപയോഗിച്ച് ഇനി പുട്ട് തയ്യാറാക്കാം

അരിപ്പൊടി ഇല്ലെങ്കിലും പാലപ്പം തയ്യാറാക്കാം. അതിനായി മാവ് അരച്ച് പുളിപ്പിക്കേണ്ട. അൽപ്പം റവയും തൈരും മതിയാകും. ടിൻ്റു സാജൻ തൻ്റെ ഇൻസ്റ്റഗ്രാം പേജിലൂടെയാണ് ഈ ഇൻസ്റ്റൻ്റ് പാലപ്പം റെസിപ്പി പരിചയപ്പെടുത്തി തരുന്നത്. 

Also Read: അരിപ്പൊടി കൊണ്ട് 10 മിനിറ്റിൽ ഒരു വെറൈറ്റി ബ്രേക്ക്ഫാസ്റ്റ് തയ്യാറാക്കാം

ചേരുവകൾ

• റവ- 1 കപ്പ് 
• വെള്ളം- 1 കപ്പ്
• തൈര്- 2 ടേബിൾസ്പൂൺ
• ചുവന്നുള്ളി- 4 ചുവന്നുള്ളി
• ഇഞ്ചി- ചെറിയ കഷ്ണം
• തക്കാളി- 1
• വെള്ളം- 3 ടേബിൾസ്പൂൺ
• ഉപ്പ്- ആവശ്യത്തിന്
• ബേക്കിങ് സോഡ- 1/4 ടീസ്പൂൺ

Also Read: 5 മിനിറ്റിൽ ബ്രേക്ക്ഫാസ്റ്റ് റെഡി, ആഴ്ചയിൽ ഒരു ദിവസം ഇത് ട്രൈ ചെയ്യൂ

View this post on Instagram

A post shared by Tintu Sajan (@ruchikoottu_by_minnuz)

തയ്യാറാക്കുന്ന വിധം

• ഒരു കപ്പ് റവയിലേക്ക് ഒരു കപ്പ് വെള്ളം ചേർത്തിളക്കി പത്ത് മിനിറ്റ് മാറ്റി വയ്ക്കുക.
• കുതിർത്തെടുത്ത റവയിലേക്ക് രണ്ട് ടേബിൾസ്പൂൺ അധികം പുളിയില്ലാത്ത തൈര്, മൂന്നോ നാലോ ചുവന്നുള്ളി ചെറുതായി അരിഞ്ഞത്, ചെറിയ കഷ്ണം ഇഞ്ചി അരിഞ്ഞതും ചേർക്കുക.
• ഇടത്തരം വലിപ്പമുള്ള ഒരു തക്കാളി കഷ്ണങ്ങളാക്കിയതും മൂന്ന് ടേബിൾസ്പൂൺ വെള്ളവും ഒഴിച്ച് ആരച്ചെടുക്കുക.
• ഒരു ബൗളിലേക്ക് അത് മാറ്റി ആവശ്യത്തിന് ഉപ്പും കാൽ ടീസ്പൂൺ ബേക്കിങ് സോഡയും ചേർത്തിളക്കുക.
• ഒരു പാൻ അടുപ്പിൽ വച്ച് ആവശ്യത്തിന് മാവ് അതിലേക്ക് ഒഴിച്ച് പാലപ്പം ചുട്ടെടുക്കുക. 

Read More: അരികു ക്രിസ്പിയായ പാലപ്പം കിട്ടാൻ അരിയിൽ ഇതു ചേർത്ത് മാവ് അരയ്ക്കൂ