അരികു ക്രിസ്പിയായ പാലപ്പം കിട്ടാൻ അരിയിൽ ഇതു ചേർത്ത് മാവ് അരയ്ക്കൂ

മലയാളികളുടെ പ്രഭാതഭക്ഷണങ്ങളുടെ പട്ടികയിലെ സൂപ്പർസ്റ്റാറുകളിലൊന്നാണ് അപ്പം. പാലപ്പം എന്നും വിളിക്കപ്പെടുന്ന അപ്പത്തിനു സ്വാദിഷ്ടമായ വിവിധ കോമ്പിനേഷനുകളും മലയാളികൾ കണ്ടെത്തിയിട്ടുണ്ട്. അപ്പം-സ്റ്റ്യൂ, അപ്പം-കടലക്കറി, അപ്പം-ഗ്രീൻപീസ് കറി, അപ്പം-ബീഫ്, അപ്പം- ചിക്കൻ, അപ്പം- ഉരുളക്കിഴങ്ങ് എന്നിങ്ങനെ പോവുന്നു ആ ഹിറ്റ് കോമ്പോകൾ. തേങ്ങാപ്പാൽ ചേർത്തും അപ്പം കഴിക്കാവുന്നതാണ്. 

Also Read: മാവ് കുഴയ്‌ക്കേണ്ട വീശി അടിക്കേണ്ട, ഏറ്റവും എളുപ്പത്തിൽ പൊറോട്ട തയ്യാറാക്കാൻ ഇനി ബാക്കി വന്ന ചോറ് മതി

പച്ചരിയോ അരിപ്പൊടിയോ ആണ് അപ്പത്തിന് മാവ് തയ്യാറാക്കാൻ ഉപയോഗിക്കാറുള്ളത്. അതിലേയ്ക്ക് അവൽ കുതിർത്തതു കൂടി ചേർത്താൽ രുചി വർധിക്കും. ബിൻസി തൻ്റെ യൂട്യൂബ് ചാനലിലൂടെയാണ് പാലപ്പത്തിൻ്റെ ഈ റെസിപ്പി പരിചയപ്പെടുത്തി തരുന്നത്.

ചേരുവകൾ

• അവൽ- 1/2 കപ്പ്
• തേങ്ങ- 1 കപ്പ്
• തേങ്ങാവെള്ളം- 3/4 കപ്പ്
• പച്ചരി- 1.5 കപ്പ്
• യീസ്റ്റ്- 1/2 ടീസ്പൂൺ
• പഞ്ചസാര- 2 ടേബിൾസ്പൂൺ

Also Read: രണ്ട് കപ്പ് റവ എടുത്തോളൂ, ഇനി ഇടിയപ്പം സോഫ്റ്റായി തയ്യാറാക്കാം

Also Read: ചപ്പാത്തി സോഫ്റ്റും ഹെൽത്തിയുമാക്കാം, ഗോതമ്പ് പൊടിയിൽ ഇതു ചേർത്തു കുഴയ്ക്കൂ

തയ്യാറാക്കുന്ന വിധം

• അര കപ്പ് അവലും ഒന്നര കപ്പ പച്ചരിയും ഒരു രാത്രി വെള്ളത്തിൽ കുതിർത്തെടുക്കാം.
• ഇതിലേയ്ക്ക് ഒരു കപ്പ് തേങ്ങ ചിരകിയതും, രണ്ട് ടേബിൾസ്പൂൺ പഞ്ചസാരയും ചേർത്ത് നന്നായി അരച്ചെടുക്കാം.
• ഇതിലേയ്ക്ക് അര ടീസ്പൂൺ യീസ്റ്റ് കൂടി ചേർത്തിളക്കി യോജിപ്പിക്കാം. അത് എട്ട് മണിക്കൂറെങ്കിലും അടച്ച് മാറ്റി വയ്ക്കാം.
• ശേഷം പാലപ്പ ചട്ടി അടുപ്പിൽ വച്ചു ചൂടാക്കി അതിലേയ്ക്ക് മാവ് ഒഴിച്ച് വട്ടത്തിൽ ചുഴറ്റി പാലപ്പത്തിൻ്റെ ആകൃതിയിലാക്കിയെടുക്കാം. ഇത് അടച്ചു വയ്ക്കാം.
• ഇരു വശവും വെന്തതിനു ശേഷം തുറന്ന് പാത്രത്തിലേയ്ക്കു മാറ്റാം.
• മാവ് കൂടുതൽ സോഫ്റ്റാകുന്നതിന് അവൽ സഹായകരമാണ്.
• തേങ്ങാവെള്ളവും യീസ്റ്റും മാവ് നന്നായി പുളിക്കുന്നതിനും കട്ടികുറയ്ക്കുന്നതിനും സഹായിക്കും.
• ബീഫ് കറി, ചിക്കൻ കറി, ഇസ്റ്റ്യൂ എന്നിവയോടൊപ്പം പാലപ്പം കഴിക്കാം. 

Read More: പോഷകസമൃദ്ധമായ ബ്രേക്ക്ഫാസ്റ്റാണോ വേണ്ടത്? എങ്കിൽ അരിപ്പൊടിക്കു പകരം ഇത് ഉപയോഗിച്ച് പുട്ട് തയ്യാറാക്കാം