പഞ്ഞിപോലെ സോഫ്റ്റ് പുട്ട് ഇനി ആർക്കും തയ്യാറാക്കാം, ഇതാ ഒരു പൊടിക്കൈ

കേരളത്തിൻ്റെ തനതു ഭക്ഷങ്ങളിൽ ഉൾപ്പെടുന്ന ഒന്നാണ് പുട്ട്. അരിപ്പൊടി നനച്ച് അൽപ്പം തേങ്ങ ചിരകിയതും ചേർത്ത് ആവിയിൽ വേവിച്ചാണ് സാധാരണ പുട്ട് തയ്യാറാക്കാറുള്ളത്. അരിപ്പൊടി കൂടാതെ ഗോതമ്പ്, റാഗി, കപ്പ എന്നിവ ഉപയോഗിച്ചും ഇത് തയ്യാറാക്കാം. മുളങ്കുറ്റിയിലും, ചിരട്ടയിലും അങ്ങനെ തയ്യാറാക്കുന്ന വിധത്തിലും പുട്ടിന് വ്യത്യസ്തതയുണ്ട്. കാലക്രമേണ വിവിധ രുചികളിലും പുട്ട് ലഭ്യമാണ്. മാമ്പഴ പുട്ട്, ബീഫ് പുട്ട് എന്നിങ്ങനെ വ്യത്യസ്ത തരം പുട്ടുണ്ട്. എന്നാൽ പാൽപുട്ട് എന്ന് കേട്ടിട്ടുണ്ടോ?. ബി ക്യുക്ക് റെസിപ്പീസ് എന്ന ഇൻസ്റ്റഗ്രാം പേജാണ് ഈ സ്പെഷ്യൽ പുട്ട് റെസിപ്പി പരിചയപ്പെടുത്തി തരുന്നത്.

Also Read: നാവിലലിയും ഇത്തിരി കുഞ്ഞൻ പൈനാപ്പിൾ കേക്ക്, മൈദയും മുട്ടയുമില്ലാതെ ഉണ്ടാക്കാം

ചേരുവകൾ

• അരിപ്പൊടി 
• ഉപ്പ്
• കാരറ്റ് 
• തേങ്ങ 
• ഏലയ്ക്കപ്പൊടി
• പഞ്ചസാര 
• പാൽപ്പൊടി
• നെയ്യ് 

Also Read: ഓവനും ക്രീമും വേണ്ട, ഇനി പഞ്ഞികെട്ടു പോലുള്ള സോഫ്റ്റ് കേക്ക് ഇഡ്ഡലി തട്ടിലും തയ്യാറാക്കാം

View this post on Instagram

A post shared by Dr.Bindu (@bequickrecipes)

Also Read: ശരീരഭാരം നിയന്ത്രിക്കാം ഒപ്പം രുചികരമായ പലഹാരവും കഴിക്കാം, കാരറ്റ് ഉപയോഗിച്ച് ഈ ഹെൽത്തി സ്നാക് തയ്യാറാക്കി നോക്കൂ

തയ്യറാക്കുന്ന വിധം

• രണ്ട് കപ്പ് അരിപ്പൊടിയിലേയ്ക്ക് ആവശ്യത്തിന് വെള്ളവും ഉപ്പും ചേർത്ത് ഇളക്കാം.
• മറ്റൊരു ബൗളിൽ കാരറ്റ് ഗ്രേറ്റ് ചെയ്തത് ഒരു കപ്പ്, ഒരു കപ്പ് തേങ്ങ ചിരകിയത്, അൽപ്പം ഏലയ്ക്കപ്പൊടി, രണ്ട് ടേബിൾസ്പൂൺ പഞ്ചസാര, അര കപ്പ് പാൽപ്പൊടിയും, ഒരു ടേബിൾസ്പൂൺ നെയ്യ് എന്നിവ കൂടി ചേർത്ത് ഇളക്കി അരിപ്പൊടിയിൽ ചേർക്കാം.
• നന്നായി ഇളക്കിയ അരിപ്പൊടി ഉപയോഗിച്ച് സാധാരണ പുട്ട് തയ്യാറാക്കുന്ന വിധം ആവിയിൽ വേവിച്ചെടുക്കാം.

ഇക്കാര്യങ്ങൾ ശ്രദ്ധിക്കാം

• വീട്ടിൽ തന്നെ അരി ഉണക്കി പൊടിച്ചെടുക്കുന്നതാണ് നല്ലത്. 
• അരിപ്പൊടി നനയ്ക്കാൻ ചെറുചൂടുള്ള വെള്ളം ഉപയോഗിക്കാം. 
• പൊടി നനയ്ക്കാൻ വെള്ളം ഒരുമിച്ച് ഒഴിക്കുന്നതിനു പകരം ഇളക്കുന്നതിനിടയിൽ
• ആവശ്യാനുസരണം ചേർത്തു കൊടുത്താൽ മതിയാകും.
• തയ്യാറാക്കിയ പുട്ട് ചൂടോടെ കഴിക്കുന്നതാണ് രുചികരം. 

Read More: ചോറ് ബാക്കി വന്നോ? ഇനി പഞ്ഞിപോലെ സോഫ്റ്റ് ഇടിയപ്പം സിംപിളായി തയ്യാറാക്കാം