ഇനി കള്ള് വേണ്ട, പാലപ്പം സോഫ്റ്റാക്കാൻ ഇതാ ഒരു പൊടിക്കൈ

ബ്രേക്ക്ഫാസ്റ്റിന് പാലപ്പം തയ്യാറാക്കാൻ തലേദിവസം തന്നെ തയ്യാറെടുപ്പുകൾ തുടങ്ങാറാണോ പതിവ്? പച്ചരി വെള്ളത്തിൽ കുതിർത്ത് അത് അരച്ചെടുത്ത് പുളിപ്പിക്കാൻ മാറ്റി വയ്ക്കുന്നതാണ് സാധാരണ രീതി. അപ്പം സോഫ്റ്റായി കിട്ടാൻ മാവിലേയ്ക്ക് കള്ള് കൂടി ചേർക്കുന്ന പതിവുണ്ട്. എന്നാൽ വീട്ടിൽ മാവ് അരയ്ക്കുമ്പോൾ അത് ചേർക്കാൻ പറ്റിയെന്നു വരില്ല. പകരം രുചികരമായി അപ്പത്തിനു മാവ് അരയ്ക്കാൻ ഒരു പൊടിക്കൈ ഉണ്ട്. 

Also Read: പഴുപ്പ് കൂടിയ ഒരു നേന്ത്രപ്പഴം കൊണ്ട് പഞ്ഞിപോലുള്ള ഇടിയപ്പം തയ്യാറാക്കാം

ചേരുവകൾ

• പച്ചരി - 2 കപ്പ്
• ചോറ് - 1 കപ്പ്
• കട്ടിയുള്ള തേങ്ങാപാൽ - 1/2 കപ്പ്
• യീസ്റ്റ് - 1/2 ടീസ്പൂൺ
• പഞ്ചസാര - 1 ടേബിൾ സ്പൂൺ
• ചെറു ചൂടുവെള്ളം - 3 ടേബിൾ സ്പൂൺ
• ഉപ്പ് - ആവശ്യത്തിന്
• തേങ്ങ ചിരകിയത് - 1/2 കപ്പ്
• ചുവന്നുള്ളി - 1 ചെറുത്
• ജീരകം- 2 നുള്ള്

തയ്യാറാക്കുന്ന വിധം

• ചെറുചൂടുള്ള വെള്ളത്തിലേയ്ക്ക് പഞ്ചസാരയും, യീസ്റ്റും ചേർത്ത് 10 മിനിറ്റ് മാറ്റി വയ്ക്കാം. 
• മറ്റൊരു പാത്രത്തിൽ പച്ചരിയെടുത്ത് വെള്ളം ചേർത്ത് കുതിർത്തു വയ്ക്കാം. 
• കുതിർത്തെടുത്ത പച്ചരിയിലേയ്ക്ക് വേവിച്ച ചോറും, തേങ്ങാപ്പാലും ചേർത്ത് നന്നായി അരച്ചെടുക്കാം. ഇതിലേയ്ക്ക് ആവശ്യത്തിന് വെള്ളം ഒഴിക്കാം. 
• അരച്ചെടുത്ത മാവിലേയ്ക്ക് യീസ്റ്റും പഞ്ചസാരയും ചേർത്ത ലായനി ചേർത്തിളക്കി യോജിപ്പിക്കാം. ഇത് എട്ട് മണിക്കൂർ മാറ്റി വയ്ക്കാം. ചിരകിയെടുത്ത തേങ്ങയും, ചുവന്നുള്ളിയും, ജീരകവും മാവിലേയ്ക്കു ചേർത്തിളക്കാം. 
• അപ്പ ചട്ടി അടുപ്പിൽ വച്ചു ചൂടാക്കാം. ചട്ടി ചൂടായതിനു ശേഷം തീ കുറച്ചു വയ്ക്കാം. അതിലേയ്ക്ക് മാവ് ഒഴിച്ച് ചുട്ടെടുക്കാം. 

Also Read: രണ്ട് ബ്രെഡും ഒരു പഴവും മതി, ഇനി സൂപ്പർ ടേസ്റ്റിൽ ബ്രേക്ക്ഫാസ്റ്റ് കഴിക്കാം

Also Read: ഉഴുന്ന് ചേർക്കേണ്ട, പൂപോലുള്ള ദോശ ഇങ്ങനെ ചുട്ടെടുക്കൂ

അപ്പം പഞ്ഞിപോലെ സോഫ്റ്റ് ആകാൻ 5 നുറുങ്ങു വിദ്യകൾ

• എട്ട് മണിക്കൂറെങ്കിലും കുതിർത്തു വച്ച അരി അരച്ചെടുത്ത് മാവ് തയ്യാറാക്കാം.
  അരി നന്നായി അരച്ചെടുക്കാൻ സാധാരണ വെള്ളത്തിനു പകരം തേങ്ങാവെള്ളം ഉപയോഗിക്കാം.
• അപ്പം സോഫ്റ്റാകാൻ വേവിച്ച ചോറ് കൂടി മാവ് അരയ്ക്കുമ്പോൾ ചേർക്കാം.
• അപ്പം ചുടുന്നതിനു മുമ്പായി അപ്പ ചട്ടിയിൽ അൽപം നല്ലെണ്ണ പുരട്ടുന്നത് നന്നായിരിക്കും.
• പാൻ ചൂടായതിനു ശേഷം മാത്രം മാവ് ഒഴിക്കാം. ഇത് അപ്പം നന്നായി വേവുന്നതിനും ഒട്ടിപിടിക്കാതിരിക്കാനും സഹായിക്കും.

Read More: 5 മിനിറ്റിൽ ബ്രേക്ക്ഫാസ്റ്റ് റെഡി, ഒരു കപ്പ് റവയും തേങ്ങയും മതി