രണ്ട് ബ്രെഡും ഒരു പഴവും മതി, ഇനി സൂപ്പർ ടേസ്റ്റിൽ ബ്രേക്ക്ഫാസ്റ്റ് കഴിക്കാം

ബ്രെഡ് ടോസ്റ്റും, പഴം പുഴുങ്ങിയതും അല്ല ഐറ്റം. ബ്രെഡ് ടോസ്റ്റിന് ഒരു കിടിലൻ മേക്കോവർ നൽകി നോക്കാം. വെണ്ണയിൽ മൊരിഞ്ഞ് ക്രിസിപിയായ ബ്രെഡിനൊപ്പം പഴുത്ത പഴവും പാലും കൂടി ചേർന്നാൽ വായിൽ കപ്പലോടും രുചി ആയിരിക്കും. ഹെൽത്തി ആയിട്ടുള്ള ബ്രേക്ക്ഫാസ്റ്റാണോ നിങ്ങൾക്ക് വേണ്ടത്?. എങ്കിൽ ഒരു തവണ ഇത് ട്രൈ ചെയ്യൂ. ചെറൂള്ളി മീഡിയ എന്ന ഇൻസ്റ്റഗ്രാം പേജാണ് ഈ സ്നാക്ക് തയ്യാറാക്കുന്ന വിധം പരിചയപ്പെടുത്തി തരുന്നത്.

Also Read: പഴുപ്പ് കൂടിയ ഒരു നേന്ത്രപ്പഴം കൊണ്ട് പഞ്ഞിപോലുള്ള ഇടിയപ്പം തയ്യാറാക്കാം

ചേരുവകൾ

• പാൽ
• കണ്ടൻസ്ട് മിൽക്ക്
• മൈസൂർ പൂവൻ
• ബ്രെഡ്
• വെണ്ണ

Also Read: ദോശമാവ് കൈയ്യിലുണ്ടോ? ബേക്കറിയിൽ കിട്ടുന്നതിലും രുചിയിൽ ജിലേബി സിംപിളായി വീട്ടിൽ തയ്യാറാക്കാം

View this post on Instagram

A post shared by CHEERULLI MEDIA (@cheerullimedia)

Also Read: കൈ ഉപയോഗിച്ച് കുഴച്ചെടുക്കേണ്ട, സവാള വട ഇങ്ങനെ തയ്യാറാക്കി നോക്കൂ

തയ്യാറാക്കുന്ന വിധം

• അര ലിറ്റർ പാലിലേക്ക് അൽപ്പം കണ്ടൻസ്ട് മിൽക്ക് ചേർത്തിളക്കി യോജിപ്പിക്കാം.
  നന്നായി പഴുത്ത പൂവൻ പഴം ഉടച്ചെടുക്കാം.
• ഒരു ബ്രെഡിനു മുകളിലേക്ക് പഴം ഉടച്ചതിൽ നിന്ന് അൽപ്പമെടുത്ത് പുരട്ടാം.
  മുകളിൽ മറ്റൊരു ബ്രെഡ് വച്ച് അമർത്താം.
• ഒരു പാൻ അടുപ്പിൽ വച്ച് അൽപ്പം വെണ്ണ പുരട്ടി ചൂടാക്കാം.
• മുകളിലായി ബ്രെഡ് വച്ച് ഇരുവശങ്ങളും ചൂടാക്കാം.
• ഇടയ്ക്ക് കുറച്ച് പാൽ മുകളിലായി ഒഴിക്കുക. ശേഷം ചൂടോടെ തന്നെ കഴിച്ചു നോക്കൂ. 

Read More: ബാക്കി വന്ന ചോറ് മതി, ഇനി ക്രിസ്പിയായി നെയ്പത്തിരി വറുത്തെടുക്കാം